Jøcua 11:3 - Wëël Jwøk

³ ni jääk baŋ jø Keenan thuwø na en jï løø kur tuul-cäŋ ki moa en jï løø kur pänh-cäŋ, ki jø Amör ki jø Këth ki jø Përec ki jø Jeebuc na näk bëëdö mïëya en bäät kïte, ki jø Ëwi na näk bëëdö tier kïnna cwøl ni Armön yi kanya cwøl ni Micpa.

Jøcua 11:3 Iomraidhean Croise

Wïlöölö 31:49

Ni cwøli ni Micpa thuwø, kiper mana kö Leeban, ni «Beerra man ö Wuuö Jwøki ni neet øøni bëët, kany wø tøør wati maya buut wati maya.

2 Camiel 24:16

'Ba kanya ö nyïïatwiel maalli na rwiec cere nee Jerucalem raanynye, Wuuö Jwøk cwïnye apädhö kiper gïna leth na tägö dëët jiy, ni kööe jï nyïïatwiel maal mana 'näk jiy, «Manøgø rømø nø. Ennø, jook cerï nø.» 'Ba kar kaagø, nyïïatwiel maal mar Wuuö Jwøk ena buut laara mar Arawna nyï Jeebuc.

2 Camiel 24:7

Ni cige pääny mana cwøl ni Tayar, na näk ogeerø ni teek, ni cige yïth päänye mo jø Ëwi ki päänye mo jø Keenan bëët, këël mana putge pïï Bëërcïïba na en Juuda jï kuna näk da tier-piny.

1 Nyeye 15:22

Køøre nyeya ma Aca acïpö ki dwøl jï tiet mïëc Juuda bëët, ni bäŋgø mo ee wiiø. Køøre gena aay ni jwïëkge kïte ki jer geer moa ö Baaca na dee Reema geerø ki ge. Ni ö nyeya ma Aca ni geer Gëba na en yi ŋööm Benjamen, ki Micpa ki ge.

1 Nyeye 9:20

'Ba jiy bëët moa näk patha jø Icriel na bøth ki thøø røk jø Amör, ki røk jø Këth, ki røk jø Përec, ki røk jø Ëwi, ki røk jø Jeebuc,

Obeec Dudi 4:8

Wui, ï na dhaagø-thiinh mara, cøø piny na aciel ki bäät Kïn Libaanø. Wui, cøø piny na aciel ki bäät Kïn Libaanø. Løøyø piny ki bäät Kïn Amana, ni løøyø piny ki bäät Kïn Canër ki Armön, ni beege kwör bëëte mo ŋuuwe, na kïte mo wø bëët kwäänynye bäätge.

Jeremaya 40:10

'Ba aani ki dëëra, a bëëdö kany Micpa, naa cuŋŋi kaperu nyïm jø Babiløn moo ö baŋø. 'Ba uuni, beerra man cou ni lemmu nyïïomøki ki teeŋ nyïïjenni møga, ki nyïïjenni mo wø wel na maaw, ni kïthu geni yïth dääe mou, ni bëëdu yïth mïëri moo pïïu piny yïthge.»

Jeremaya 40:6

Køøre Jeremaya aci Micpa baŋ Gedaliya wär Akikam, ni bëëde buute ki jiy na aciel moa näk odööŋ paac.

Jeremaya 41:14

Ni ö jiyi bëët moa mak Icmielli ki tøŋ Micpa ni putge rege løk ni duuge ni cige baŋ Jöanan o Karëa.

Jeremaya 41:3

Ni ö Icmielli thuwø ni 'näk jø Juuth bëët Micpa moa bëëdö ki Gedaliya, ki jø leny mo jø Babiløn moa nut kaace.

Kwään Jiy 13:29

'Ba jø Amalëk ge bëëdö Nëgëp, ni ö jø Këth ki jø Jeebuc ki jø Amör ni bëëtge mïëya en bäät kïte, ni ö jø Keenan ni bëëtge deŋ naama dwøŋ ki deŋ Naam Jördan.»

Tiet Ciik 4:48

ni ŋöömmögø tägi ka Aröör, paana en deŋ Naam Arnön, këël mana këët Kïn Ciriyön, ni beeye Armön.

Tiet Ciik 7:1

«'Ba Wuuö Jwøk na näk Jwøu u kïthe yi ŋöömmo cou yie nou lwørru na maru, ni riem wïth juurre mo thööth wøk nyïmmu, ni beege jø Këth ki jø Gërgëca ki jø Amör ki jø Keenan ki jø Përec ki jø Ëwi ki jø Jeebuc, ni beege wïth juurre abïriiø mo thöötha geni ki uuni mo kaala uuni ki teek.

Jøcua 11:17

'Ba ŋöömö manøgø tägi ka ri Kïn Alak, na en buut Cëër, këël mana këët Baal-Gaat na en goor Libaanø tier Kïn Armön. Ni ö Jøcua ni mak nyeye mo mïëri moøgø bëët ni 'näk geni.

Jøcua 11:8

'Ba Wuuö Jwøk jøøgø aput cïp ceŋ jø Icriel, ni ö jø Icrielli ni putge jøøgø böötö, ni riemge ge këël mana pïïcge pääny mana dwøŋ na cwøl ni Caydan, ni pïïc møga Micerepöth-Mayim, ni pïïc møga goor Micpa na en jï løø kur tuul-cäŋ; ni putge jøøgø 'näk këël mana tïme ni bäŋ dhaanhø aciel mo ege wiiø ni kwøw.

Jøcua 13:11

ni rwöpa Gelät bäre, ki ŋööm jø Gëcur ki jø Maika, ki Kïn Armön bäre, ki ŋööm Baacan bäre këël mana aae ni këël gø päänya cwøl ni Caleka;

Jøcua 13:5

ki ŋööm jø Gëbal, ki ŋööm Libaanø bäre, na en jï løø kur tuul-cäŋ, ni tägi ka Baal-Gaat na en tier Kïn Armön këël mana këët kanya cwøl ni Libö-Amath.

Jøcua 15:38

ki Dilän, ki Micpa, ki Jökthiël,

Jøcua 15:63

'Ba jø Jeebuc, na bëëdö yi Jerucalem, kär løny jï jø tuuŋ Juuda ki man riemge ge wøk; ni ö jø Jeebuc ni putge bëëtö na aciel ki jø tuuŋ Juuda yi Jerucalem këël dïcäŋi en.

Jøcua 18:26

ki Micpa, ki Keepira, ka Möja,

Jøcua 3:10

Ni cäŋ Jøcua köö, ni «Ki ri mano tal naammi en nø, oŋäyu ni Jwøa kwøw ena dïïu, ni ŋäyu gø thuwø ni eni jø Keenan, ki jø Këth, ki jø Ëwi, ki jø Përec, ki jø Gërgëca, ki jø Amör, ki jø Jeebuc rieme wøk nyïmmu.

Pïëmme 20:1

Køøre jø Icriel bëët aö wøk ki kwöra enge yïthge, ni beeye ki mana täge ki Daan na en wï-piny këël mana këët Bëërcïïba na en tier-piny, ni rwöpa ŋööm Gelät bäre na en jï løø kur tuul-cäŋ; ni ö lwaaki ni dwalge rege ni tïmge kaamar dhaanhø aciel nyïm Wuuö Jwøk kanya cwøl ni Micpa.

Pïëmme 21:5

Køøre jø Icriel apëëö, na «?A jø dhi øde mane røk wïth tuŋi mo jø Icriel bëët, na näk kär ö baŋ acooŋa nyïm Wuuö Jwøk?» 'Ba gïnögø acaange kiper geno nø kööŋ døc kiper jø dhi ødo näk kär ö baŋ acooŋa nyïm Wuuö Jwøk kanya enge Micpa, ni köge, ni «Ka adïëri møn, jø dhi ødøgø put ka 'näk møn.»

Pïëmme 21:8

'Ba jø Icriel aköö, na «?A jø dhi øde mane røk wïth tuŋi mo jø Icriel na näk kär ö baŋ acooŋa nyïm Wuuö Jwøk kanya enø Micpa?» 'Ba ka adïëri møn, bäŋ dhaanhø aciel mo okam ö twïër kar acooŋa ki røk jø Jabic-Gelät.

Pïëmme 3:3

'Ba wïth juurre moøgø beege kwääri mo jø Pilitin moa näk abïïc ki jicge, ki jø Keenan bëët, ki jø Caydan, ki jø Ëwi moa näk bëëdö buut kïnna cwøl ni Libaanø; ni jø Ëwi moøgø poge tägi ka ri kïnna cwøl ni Baal-Armön këël mana pïïe kanya cwøl ni Libø-Amath.

Pïëmme 3:5

Kanyøgønø, jø Icriel aput bëëtö dï jø Keenan, ki jø Këth, ki jø Amör, ki jø Përec, ki jø Ëwi, ki jø Jeebuc;

1 Camiel 10:17

'Ba kanya tïme na køøre cään, Camiel jø Icriel acwøle ni cooŋ ge kanya ciel nyïm Wuuö Jwøk kanya cwøl ni Micpa;