Jøcua 11:23 - Wëël Jwøk

²³ Kanyøgønø, Jøcua ŋöömö bäre aput mac, ki køør mana caan Wuuö Jwøki jï Modhe; ni ö Jøcua ni cïp ŋöömö jï jø Icriel na ŋöömmo dööŋ jïge, ni pääŋ gø jïge ki køør wïth tuŋi moge. Køøre piny aput nikwöc, ni ö jiyi ni jwömge dëëtge ki leny.

Jøcua 11:23 Iomraidhean Croise

Neemiya 9:24

Ni ö nyïïkwaacge ni dønyge yi ŋöömö ni lwørge gø na marge. Ni dïïmï jiy mo wø bëëdö yi ŋöömmögø, ni beege jø Keenan; ni cïbï geni ceŋ jiyï, geni ki nyeye moge, ki jiy mo wø bëëdö yi ŋöömmögø, nee käärge ki jöö mana manyge jaak.

Bwøth Wøk 34:11

Gwøk gïn ni köömma ïïni ki gø dïcäŋi en. Ka adïëri møn, jø Amör, ki jø Keenan, ki jø Këth, ki jø Përec, ki jø Ëwi, ki jø Jeebuc riema wøk nyïmï.

Edhikiel 45:8

Ŋøøm moøgø otïmö na kur dïbwödhi yi Icriel. 'Ba dïbwöthe 'moa, jiya ba thielge piny këët; 'ba ŋøøm ocïpge jï dhi øt Icriel ki køør wïth tuŋi moge.

Tiet Ciik 1:38

'Ba Jøcua o Nun, ni tïny ïïni enø, oci kaace. Beerra man cømï cwïnye nee bëëde ni teek, kiper eni jø Icriel otïïe nee ŋöömmögø ci jïge na marge.

Tiet Ciik 25:19

'Ba kanyo tïme ni Wuuö Jwøk na näk Jwøu u di mooø ki jwöm ceŋ nyïïmännu bëët moa en lagu yi ŋöömmo cïbe jïïu nee dööŋe na maru, kar kaaca nyeŋ jø Amalëk dou raanynyø ni tïme ni kuc bäät piny. Kär wïthu wïl!

Jøcua 11:18

'Ba Jøcua akän wøk ki kany mo bäär ni këëdö ki nyeye moøgø bëët.

Jøcua 12:7

'Ba køøre cään Jøcua ki jø Icriel nyeye moa bëëdö løø Jördan jï løø kur pänh-cäŋ aböötge, ni ŋøøm moge tägi ka Baal-Gaat na en goor Libaanø këël mana këët ri Kïn Alak na en buut Cëër. Ni ö Jøcua ni cïp ŋøøm moøgø jï jø Icriel na ŋøøpo dööŋ na kurge, ni ee pääŋŋö ki køør wïth tuŋi moge;

Jøcua 18:10

'Ba Jøcua ŋïïce mo wø tïïc ki ri kwääk ki baw aput jiiŋŋø jïge Cëëlö kaagø nyïm Wuuö Jwøk, ni ö Jøcua ni put ŋøøm pääŋŋö jï jø Icriel ki køør wïth tuŋi moge.

Jøcua 22:4

'Ba ennø, Wuuö Jwøk na näk Jwøu nyïïmëëgu amooe ki jwöm kaawat mana caan gø jïge. Kiper manøgønø, u aay nø ni døøu pou, yi ŋöömma cïp Modhe na näk dhaanh Wuuö Jwøk jïïu na kuru, na en løø Naam Jördan løøga.

Jøcua 23:1

'Ba kanya nø tïme na køør cwiiri møøk, ni Wuuö Jwøk jø Icriel ee nø mooc ki jwöm, ni bäŋ leny këët yïthakicge ki nyïïmänge bëët moa en deŋ ŋöömö marge bäre, ni Jøcua onø jalø ni cwiiye oløny ni thööth døc,