Jøcua 11:20 - Wëël Jwøk

²⁰ 'Ba beeye Wuuö Jwøk na tïïc cwïny jøøgø ni teek, nee öge baŋ leny ki jø Icriel, nee wïthge put dïïr na bäre bäre ni bäŋ bäth ec mo onyoodhø jïge; 'ba wïthge aput dïïr, kaawat mana ö Wuuö Jwøki na kööm Modhe.

Jøcua 11:20 Iomraidhean Croise

2 Camiel 17:14

Køøre Abëcëlöm ki jø Icriel bëët gena köö, na «Acaara mar Ucay nyï Arki beerra eni døc ni kaala acaara mar Akithöpël.» 'Ba gïnögø bäre tïïya Wuuö Jwøki na acaara mar Akithöpël na beer tïme ni bäŋ tiere, nee eni na Wuuö Jwøk gïn mo leth tïïe dëër Abëcëlöm.

1 Nyeye 12:15

'Ba nyeya luum jøøgø käre wïnynyö, kiper gïnögø beeye gïn mo käla baŋ Wuuö Jwøk, nee luubö mana caan Wuuö Jwøki jï Jeröbäm o Nebat ki dha Akiya nyï Cëëlö thur kare.

2 Luup Nyeye 22:7

'Ba ränynyö mar Akadhiya käla baŋ Jwøk kanya ci baŋ Jeyöram. Kiper kanya pïïe ena put ci wøk ki Jeyöram baŋ Jiyu wär Nimci, ŋata tïïc Wuuö Jwøki nee wïïe thïïmmi ki maaw kiper nee dhi øt Akap raanynye.

2 Luup Nyeye 25:16

'Ba kanya poot nyikuŋ Jwøki manøgø ni cäänna gø, eni na nyeya ma Amaciya aput köö jï nyikuŋ Jwøk, na «?Aŋø, ïïna jierwa na ŋat cïp acaare jï nyeya? Lïŋï! ?Ï manynya thøø?» Køøre nyikuŋ Jwøk alïŋö ni kööe, na «Aŋääa møn ni Jwøk da gïn mo ee nø cïp piny ki man raany ïïni, kiper gïn ni tïïyï en, ni kweerï ki man wïnynyï luumma caana.»

Bwøth Wøk 10:1

Køøre Wuuö Jwøk aköö jï Modhe, ni «Ci baŋ Peerø, kiper cwïnye ki cwïny jø kööre moe døøya aani mo teek, kiper nee ŋïïce moi na 'moa ii nee tïïa dïge;

Bwøth Wøk 11:10

'Ba Modhe ka Aran gïï mo rëëma ec moøgø atïïcge nyïm Peerø; 'ba Wuuö Jwøk cwïny Peerø poot døøye mo teek, ni ö Peerø ni män jø Icriel ki man aacge paare.

Bwøth Wøk 14:17

'Ba aani cwïny jø Ijep odøøya mo teek møn ni lämge køør jø Icriel; 'ba aani teek mara onyoodha ki ri Peerø ki lwaak mar leny mare bäre, ki jïëthe moe mo wø tut okwëënyi, ki jø okwëënyi moe.

Bwøth Wøk 14:4

Køøre aani cwïny Peerø odøøya mo teek, ni läm køøru. 'Ba aani teek mara onyoodha ki ri Peerø ki lwaak mar leny mare bäre; ni ö jø Ijepi ni putge gø ŋäc møn ni beeye aani na Wuuö Jwøk.» Ni ö jø Icrielli ni døøge ŋäthge keda mana caani ya Wuuö Jwøki jïge.

Bwøth Wøk 14:8

Ni ö Wuuö Jwøki ni døøc cwïny Peerø nyeny Ijep mo teek, ni ö Peerø ni läp køør jø Icriel, ni jø Icriel cäädhi ni cwïnyge da cer.

Bwøth Wøk 4:21

Ni cäŋ Wuuö Jwøki köö jï Modhe, ni «Kanyo døøï Ijep, nyuuthe bëët moa cïba teek marge jïrï nee tïïyï, wär tïïyï nyïm Peerø; 'ba aani cwïny Peerø odøøya mo teek nee jø Icriel mäne ki man aacge.

Bwøth Wøk 9:12

'Ba Wuuö Jwøk cwïny Peerø adøøc mo teek, ni ö Peerø ni käre luumge wïnynyö, kaawat mana kwøŋi ya Wuuö Jwøki caan jï Modhe.

Bwøth Wøk 9:16

'Ba gïna wiia ïïni kipere niï bëëdï, beeye kiper nee teek mara nyoodha jïrï, nee gïra køp bäät piny bäre.

Aydheea 14:24

Wuuö Jwøk, eni na wïth jammi bëët, anø kööŋ ni kööe, ni «Ka adïëri møn, kaawat mana nø cïba acaara mara piny, puta tägö; kaawat mana nø caara gø, puta bëëtö kare.

Aydheea 34:2

Kiper gootø mar Wuuö Jwøk ena bäät wïth juurre bëët, ni wëër mare ena bäät jø leny bëët mo wïth juurre. Eni wïth jø bäät piny dïïre dïïrö na bäre; eni jø bäät piny wëëge 'näk.

Wëëlö Mana Göör Pøølli Baŋ Jø Röm 9:18

Kiper manøgønø, eni wø kønya ŋat wø kønye kaa mana manynye, ni ŋat wø cwïny gø døøc mo teek, wø døøye mo teek kaawat mana manynye.

Tiet Ciik 2:30

'Ba Cëëwön nyeny Ëcbön kär jïëy ki man pöödhø ki dï paare, kiper Wuuö Jwøk na näk Jwøu wï Cëëwön nyeny Ëcbön adøøc mo teek, ni tïïc cwïny gø ni teek, kiper nee eni cïp ceŋŋu, kaawat man bëëde dïcäŋi en.

Tiet Ciik 7:16

Jiy bëët moo cïp Wuuö Jwøki na näk Jwøu ceŋŋu wär putu thöör, ni ba päth cwïnynyu ki gïrge; ni ba tïnynyu juu moge, kiper noo tïnynyu ge, puta tïmö ni caala abïëp kiperu.

Pïëmme 14:4

'Ba wänni ki menni kucge ni Wuuö Jwøk nut ri luummögø, ni da gïn mo manynye manynyø nee tïïe dëët jø Pilitin. Kiper kar kaaca, jø Icriel bëënna jø Pilitin.

1 Camiel 2:25

Ni näk mo dhaanhø bääya dëër dhaanhø mør, Jwøk beeye noo tïmö na dïthääy yïthakicge. ?'Ba ni näk dhaanhø bääya dëër Wuuö Jwøk, aŋa noo tïme na dïthääy jïge?» 'Ba wäät Ëli dwør wääge kärge kam leŋ na bäre, kiper Wuuö Jwøk oløny ni manynya geni nee ge nääe.