Jøcua 11:2 - Wëël Jwøk

² ni jääk baŋ nyeye moa näk bëëdö mïëya en bäät kïte na en jï kuna en wï-piny, ki moa en mïëya en yi goor Jördan ni wø cwøl na Araaba na en jï løø tier-piny ki Puur Kinërët, ki moa en ŋöömma näk ree ee päärö, ki moa en mïëya en bäät kïnna cwøl ni Dör na en jï løø kur pänh-cäŋ;

Jøcua 11:2 Iomraidhean Croise

1 Nyeye 15:20

Køøre Ben-Adat luum nyeya ma Aca awïnynye, ni jääŋ kwääc lwaae mo leny moe, ni cige ni tukge päänye mo jø Icriel, ni makge Ijöön, ki Daan, ka Abël-Bëëth-Maika, ki mïëya en buut puur Kinërët, këël ŋøøp Naptali bäre.

1 Nyeye 4:11

ni Ben-Abinadap, na nywøm Thapath nyi Cølöman, beeye na bëën mïëri moa en bäät kïnna cwøl ni Dör;

Kwään Jiy 34:11

Ni ö waŋkeewi ni cäŋ aay ki Cepama ni coonya Ribala, na Ayn ee wii bäät cwiic, ni put pöödhö ki bäät thuuri mo wø en jï løø kur tuul-cäŋ ki naam Kinërët.

Luk 1:39

'Ba yïth nïrögø Meeri aö maal, ni aae ni rwäänhnhö, ni cøøa po kïte, pääny mo ena Judia.

Luk 5:1

'Ba dïcäŋ aciel Jecu acuŋŋö bäät Puul Genedharet, ni tïm jiyi ni rïïya bääte kiper nee luum Jwøk wïnyge.

Jøcua 10:40

Kanyøgønø, Jøcua mïëri moa en yi ŋöömmögø bëët amaae, ni beege mïëri moa en bäät kïte, ki moa en kanya cwøl ni Nëgëp, ki mïëri moa en yi ŋöömma näk ree ee päärö, ki mïëri moa en deŋ kïte, ni put nyeye moge bëët 'näk. 'Ba Jøcua wïth jiy bëët adïïre, ni bäŋ dhaanhø mo ee wiiø ni kwøw, kaawat mana ö Wuuö Jwøki Jwø Icriel na kööm eni.

Jøcua 10:6

Køøre jø Gibien ajääk baŋ Jøcua ki dwøl kanya näk jø Icriel twïër marge ege tïïö yie Gëlgela, ni köge, ni «Kär wa weyï jaak; køny waani, wa na laaŋe moï. Ennø laar rwänh baŋwa ni gwøgï jwïëy mowa ni kønyï wa, kiper nyeye mo jø Amör bëët na näk bëëdö mïëya en bäät kïte dëëtge adwalge nee këëtge ki waani.»

Jøcua 11:16

Kanyøgønø, Jøcua ŋöömmögø bäre aput mac; ni beege mïëya en bäät kïte na en jï løø tier-piny, ki mïëya en Nëgëp bëët, ki ŋööm Göcën bäre, ki mïëya en ŋöömma näk ree ee päärö, ki goor Jördan ni wø cwøl na Araaba, ki mïëya en bäät kïte na en jï løø wï-piny, ki ŋöömma en buute na näk ree ee päärö.

Jøcua 11:21

'Ba kar kaaca Jøcua acøø ni 'näk jø Anak na bëëdö mïëya en bäät kïte, ni beege mïëri moa näk cøøri ni Keeprön, ki Dabëër, ka Anap, këël mïëri bëët moa en bäät kïte moa en buut piny man ki maya. Jøøgø wïthge aput Jøcua dïïr na bäre bäre ni raany mïëri moge,

Jøcua 12:23

ki nyeny Dör, paana en bäät kïnna cwøl ni Dör, ki nyeny Göyim na en Gëlgela,

Jøcua 12:3

'Ba ŋöömö manøgø rwöpa goor Jördan ni wø cwøl na Araaba na en jï løø tuul-cäŋ, ni tägi ka Puur Kinërët këël mana pïïe Bëëth-Jecimöt na en deŋ Naam Araaba, ni beeye Naam Acäbö, na en jï løø kur tuul-cäŋ, ni put aay ni coonya tier Kïn Pedhega.

Jøcua 13:27

ni rwöpa mïëri moa en dï goor Naam Jördan, ni beege Bëëth-Aram, ki Bëëth-Nimera, ki Cuköt, ki Capön. 'Ba ŋöömö manøgø bäre beeye mar Cëëwön nyeny Ëcbön, na thääŋŋe cïp jï jø tuuŋ Ruben. Ni ŋöömö manøgø beeye ŋöömma en løø Naam Jördan jï løø kur tuul-cäŋ, ni keew mare beeye Naam Jördan, ni put gø këël deŋ puul mana cwøl ni Kinërët.

Jøcua 17:11

'Ba päänye møøk moa en yïth ŋøøm mo jø tuuŋ Icakar ki ŋøøm mo jø tuuŋ Acer na ci jï jø tuuŋ Maneeca beege Bëëth-Can ka atude moe moa en buute, ki Ibleäm ka atude moe moa en buute, ki Dör, paana en bäät kïdi, ka atude moe moa en buute këël jiy moa bëëdö yïthge, ka Endör ka atude moe moa en buute ki jiy moa bëëdö yïthge, ki Tanak ka atude moe moa en buute ki jiy moa bëëdö yïthge, ki Megidø ka atude moe moa en buute ki jiy moa bëëdö yïthge.

Pïëmme 1:27

'Ba jø tuuŋ Maneeca, jø paana cwøl ni Bëëth-Can, ki jø Tanak, ki jø Dör, ki jø Ibleäm, ki jø Megidø ki jøw moa bëëdö yïth atude moa en tiet päänye moøgø, kärge riem wøk; ni ö jø Keenanni ni putge cwïnyge mak ki man bëëtge yïth ŋøøm moøgø.