Jøcua 11:15 - Wëël Jwøk

¹⁵ 'Ba kaawat mana ö Wuuö Jwøki na kööm dhaanhnhe ma Modhe, ni ö Modhe ni kööm Jøcua, eni na Jøcua enø, gïïögø bëët aput tïïc na karge, ni bäŋ gïn mo ee wiiø ni käre tïïö røk gïïa ö Wuuö Jwøki na kööm Modhe ki ge.

Jøcua 11:15 Iomraidhean Croise

2 Luup Nyeye 30:12

'Ba cer Jwøk ena bäät jø Juuda thuwø ki man tïïc cwïnyge na aciel, nee luumma ö nyeya ki kwääri na köömge ge ki gø ki køør dwør Wuuö Jwøk nee tïïcge.

Kwään Jiy 33:50

'Ba kanya enge pwöl Möap deŋ Naam Jördan na näk dïët ki Jerikö, Wuuö Jwøk acäänö ki Modhe, ni kööe,

Kwään Jiy 33:52

jiy bëët moa bëëdö kaace wär riemu wøk, ni raanynyu gïïa no otieŋø na juu, ki japa no oleenyø na no otïïö na juu bëët mo wø lamge; ni raanynyu kwör lam moge bëët moa en bäät thuuri.

Mathiew 23:23

«Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u wø cïpa paac wïth jammi jï Jwøk røk gïï wø thenh thenh wø piith lak paac, ni weyu moa perge leth ri ciik Jwøk, teeŋ ka ŋøl luup ni beer, ki køny, ki ŋäädhe. Gïïögø beege gïïa dou tïïö, ni ba weyu moøgø thuwø.

Luk 11:42

«'Ba otïmö ni raac jïïu, u jø Paricith. Kiper u wø cïpa paac wïth jammi na jëëthe røk gïï wø thenh thenh wø piith bëët, ni weyu mëëc Jwøk ki ŋøl luup ma kare na caane. Gïïögø beege gïïa dou tïïö, ni ba weyu moøgø thuwø.

Moa Tïïc Nyïïatwieli 20:20

Ni kära lwäyö ki man køba jammi bëët jïïu moa doo beyø kiperu ki man wïnynyu gø. Ni pwönynya uuni nyïm jiy bëët, ni cäŋa pöö naa cøøa yi ødi nø ki ødi nø,

Moa Tïïc Nyïïatwieli 20:27

Kiper a kär lwäyö ki man caana luup Jwøk bëët jïïu.

Tiet Ciik 12:32

«'Ba gïï köömma uuni ki ge bëët ii, beerra man gwøgu ge, ni kïthu ge bäät tïïc, ni ba meetu ge, ni ba kännu wøk rege.

Tiet Ciik 31:3

'Ba Wuuö Jwøk na näk Jwøu beeye noo ŋut løøga nyïmmu, ni thöör wïth juurre nyïmmu, kiper nee ŋøøm moge lwørru na maru kaawat mana nø caani ya Wuuö Jwøki. Jøcua beeye noo ŋut løøga nyïmmu.

Tiet Ciik 31:5

Geno cïp Wuuö Jwøki ceŋŋu, ni putu gïna tïïyu tïïc dëëtge ki køør luup bëët moa köömma uuni ki ge.

Tiet Ciik 31:7

Køøre Modhe Jøcua acwøle ni cääne ki gø nyïm jø Icriel bëët ni kööe, «Mak riï ni bëëdï niï teek, kiper ïïni, ï aay ki jøøi ii ni ciï yi ŋöömma kööŋ Wuuö Jwøki kipere ni cïbe cïbö jï kwäcge, ni pääŋŋï gø jïge, nee dööŋe na marge.

Tiet Ciik 4:2

Kär dee luubö mo meedu bäät luup mo köömma uuni ki geni, ni kär dee luubö mo kälu wøk røkge thuwø, ni gwøgu luup Wuuö Jwøk na näk Jwøu mo köömma uuni ki geni.

Tiet Ciik 4:5

«Ennø, uuna pwönynya ki ciik ki luup ŋøl kaawat mana ö Wuuö Jwøki na näk Jwøa na kööm aani, kiper nee geni kïthu bäät tïïc yi ŋöömö mano cou yie noo lwørru na maru.

Tiet Ciik 7:2

'Ba kanyo ö Wuuö Jwøki na näk Jwøu noo cïp geni ceŋŋu, ni böötu geni, ge wäru putu raanynyø na bäre bäre. Kär dee gïn mo tuutu ki geni, ni ba päth cwïnynyu ki gïrge.

Jøcua 1:7

'Ba mana pere letha eni keere, mak riï ni bëëdï niï teek; gwøk ciik bëët na karge moa ö dhaanhnha ma Modhe na kööm ïïni ki ge; kär niï gaa wøk ki røk ciik moøgø ni ba gaaï bäät cwïï wala bäät caamï, nee gïï wø tïïyï bëët thurge karge.

Jøcua 11:12

'Ba Jøcua päänye mo nyeye moøgø bëët aput mac, ni mak nyeye moge bëët, ni put geni 'näk ko opëëllö, ni dïïr wïthge na bäre bäre, kaawat mana ö Modhe na näk dhaanh Wuuö Jwøk na kööm eni.

Jøcua 11:14

'Ba jø Icriel gïïa twierge mïëri moøgø bëët, këël lääc paac, akälge na moge; 'ba geni jiy bëët anäkge ko opëëllö, këël mana dïïrge wïthge, ni bäŋ dhaanhø aciel mo ege wiiø ni kwøw.

Jøcua 11:16

Kanyøgønø, Jøcua ŋöömmögø bäre aput mac; ni beege mïëya en bäät kïte na en jï løø tier-piny, ki mïëya en Nëgëp bëët, ki ŋööm Göcën bäre, ki mïëya en ŋöömma näk ree ee päärö, ki goor Jördan ni wø cwøl na Araaba, ki mïëya en bäät kïte na en jï løø wï-piny, ki ŋöömma en buute na näk ree ee päärö.

1 Camiel 15:11

ni «Cwïnya apädhö kiper mana tïïa Cøøl na nyeya, kiper ena gaa wøk ki man cäädhe køøra, ni käre ciik 'moa kïth bäät tïïc.» 'Ba Camiel awëër døc kiper gïna wïnynye na tïïc Cøølli, ni jwöŋe dëër Wuuö Jwøk ki yi wäär bäre.