Jøcua 11:11 - Wëël Jwøk

¹¹ Ni ö jø Icrielli ni 'näkge jiy bëët moa en yi päänyögø ko opëëllö, ni putge wïth jøøgø dïïr na bäre bäre; 'ba bäŋ dhaanhø mo owiiø ni kwøw. Ni ö Jøcua ni nyep päänya cwøl na Adhör ki maac.

Jøcua 11:11 Iomraidhean Croise

Tiet Ciik 20:16

«'Ba yïth päänye mo juurre moa kwörge cärö, moo cïp Wuuö Jwøki na näk Jwøu jïïu noo dööŋ na maru, gïn mo ree da jwïëy jaak, kär weyu ni kwøw.

Tiet Ciik 3:7

'Ba lääc paac moge bëët, ki japa twierø yïth päänye, akälø ni tïmge na moø.

Tiet Ciik 7:2

'Ba kanyo ö Wuuö Jwøki na näk Jwøu noo cïp geni ceŋŋu, ni böötu geni, ge wäru putu raanynyø na bäre bäre. Kär dee gïn mo tuutu ki geni, ni ba päth cwïnynyu ki gïrge.

Jøcua 10:40

Kanyøgønø, Jøcua mïëri moa en yi ŋöömmögø bëët amaae, ni beege mïëri moa en bäät kïte, ki moa en kanya cwøl ni Nëgëp, ki mïëri moa en yi ŋöömma näk ree ee päärö, ki mïëri moa en deŋ kïte, ni put nyeye moge bëët 'näk. 'Ba Jøcua wïth jiy bëët adïïre, ni bäŋ dhaanhø mo ee wiiø ni kwøw, kaawat mana ö Wuuö Jwøki Jwø Icriel na kööm eni.

Jøcua 6:21

Ni ö jø Icrielli ni 'näkge gïïa en yi päänyögø bëët ko opëëlle, ni beege cwøw ki mään, ko obwöre ki jø døøŋŋø, ki dhäk ki dïëk ka arëëni.

Jøcua 6:24

'Ba jø Icriel pääny manøgø ki gïïa en yie bëët awaaŋge ki maac. 'Ba warkey ki gwel-bïrö, ki gïïa no otïïö ki nywïënyö ma jwïël ki nywïëny møga keerge, akïthge kanya no ojiiŋŋø na kar kän na en yi oduŋkaany Wuuö Jwøk.