Jøcua 10:6 - Wëël Jwøk

⁶ Køøre jø Gibien ajääk baŋ Jøcua ki dwøl kanya näk jø Icriel twïër marge ege tïïö yie Gëlgela, ni köge, ni «Kär wa weyï jaak; køny waani, wa na laaŋe moï. Ennø laar rwänh baŋwa ni gwøgï jwïëy mowa ni kønyï wa, kiper nyeye mo jø Amör bëët na näk bëëdö mïëya en bäät kïte dëëtge adwalge nee këëtge ki waani.»

Jøcua 10:6 Iomraidhean Croise

2 Nyeye 4:24

Køøre arëën ajiiŋ nyijøøgø, ni kööe jï ŋat tïïc mare, ni «Kwørï døc nee rïïŋe; kär kwørï mëëth kipera këël kanyo caana gø jïrï.»

Aydheea 33:22

Kiper Wuuö Jwøk bee dïŋut luup marwa, ni bee eni na cïp ciik jïwa, ni ena nyeya marwa, ni bee eni noo piem waani.

Kwään Jiy 13:29

'Ba jø Amalëk ge bëëdö Nëgëp, ni ö jø Këth ki jø Jeebuc ki jø Amör ni bëëtge mïëya en bäät kïte, ni ö jø Keenan ni bëëtge deŋ naama dwøŋ ki deŋ Naam Jördan.»

Luk 1:39

'Ba yïth nïrögø Meeri aö maal, ni aae ni rwäänhnhö, ni cøøa po kïte, pääny mo ena Judia.

Tiet Ciik 1:15

«Køøre jiy moa näk dïbwöthe mo wïth tuŋi mou, jøøa wïthge leer na näk oŋïyö ki tïïc, gena lwøra ni cuuma geni na kwääri bäätu, ni tïïa geni na kwääc lwaae mo wø käär jiy ma kuma, ki mo wø käär jiy ma dïpa, ki mo wø käär jiy ma pïërabïïc, ki mo wø käär jiy ma apaar, ni tïïa geni na kwääri kiper wïth tuŋi mou.

Jøcua 10:5

Køøre nyeye mo jø Amör moøgø na abïïc yøø, ni beege nyeny Jerucalem, ki nyeny Keeprön, ki nyeny Jërmut, ki nyeny Lakic, ki nyeny Ëglön, geni bëët ki jø leny moge dëëtge adwalge ni öge ni tïïcge twïër marge buut Gibien nee këëtge ki ge.

Jøcua 10:7

Ni ö Jøcua ni tïŋŋe Gëlgela, ni beeye eni ki jø leny bëët, ni jø leny moa näk teek marge okadhø nutö dïge thuwø.

Jøcua 21:11

'Ba jø Icriel Kiriat-Arba na näk ocaa ri kwar jø Anak, ni beeye pääny mana cwøl ni Keeprön, na en mïëya en bäät kïte løøa näk kur jø tuuŋ Juuda, acïpge jï nyïïkwaac Aran ki kwör kwaath moe na en buute kaace.

Jøcua 5:10

'Ba kanya bëët jø Icrielli ni twïër marge ege tïïö Gëlgela, cäŋ Cäŋa Pööth Thøøe Yie awøørge pwöl Jerikö ni nïr dwääy apaar kurŋween ni piny a wïthïënhö.

Jøcua 9:15

Ni ö Jøcua ni put jïëy ki man bëëtge ki bëët-mëër ki jø Gibien, ni put tudö ki luubö ki geni, nee bëëtge ni kwøw; ni ö jø døøŋŋø mo lwaa Icriel ni putge kööŋ jï jøøgø.

Jøcua 9:6

Ni putge ci baŋ Jøcua kanya näk jø Icriel twïër marge ege tïïö yie kanya cwøl ni Gëlgela, ni köge jïgø ki jï jø Icriel, ni «Waani, waana öö ni wa käla paac mo bäär; ennø, wa kwaya uuni nou tudu ki luubö ki waani.»

Jøcua 9:8

'Ba gena köö jï Jøcua, ni «Waani, waana laaŋe moï.» Køøre Jøcua aköö jïge, «?Uuna ŋaani cøøn di? ?U kälu kaa ŋø?»