Jøcua 10:39 - Wëël Jwøk

³⁹ Ni ö Jøcua ni mac paanøgø ki nyeya mare këël päänye moa en deŋŋe bëët; ni ö jø Icrielli ni 'näkge jiy bëët moa en mïëri moøgø ko opëëllö, ni dïïrge wïthge bëët. 'Ba Jøcua bäŋ dhaanhø mo ee wiiø ni kwøw. 'Ba teeŋ gïna tïïe dëër paana cwøl ni Keeprön ki paana cwøl ni Libana ki nyeye moge, atïïe dëër paana cwøl ni Dabëër ki nyeya mare thuwø.

Jøcua 10:39 Iomraidhean Croise

2 Nyeye 10:11

Kanyøgø Jiyu jø dhi øt Akap bëët moa no odööŋ na en Jedhriel ki jøøa døøŋŋø moe, ki jøøa näk eno ŋïyö ki geni, ki dïlämme moe, aput näk ge bëët, ni bäŋ dhaanhø aciel mo ee wiiø jïgø ni kwøw.

Obadiya 1:18

Dhi øt Jeekap otïmö kaamar maac, ni ö dhi øt Jocep ni tïme kaamar leep maac; 'ba dhi øt Icøø otïmö kaamar lethø, ni puti ya jøøgø nyep ni thööri ya maaci, ni ö dhi øt Icøø ni put tïmö ni bäŋ dhaanhø mo dööŋ yie.» Manøgø caana Wuuö Jwøki.

Tiet Ciik 3:3

«Køøre Wuuö Jwøk na näk Jwøø, Ög nyeny Baacan ki jiye bëët acïp ceŋŋø thuwø, ni nääø geni këël mana tïme ni bäŋ dhaanhø aciel mo obøth.

Jøcua 10:33

Kanyøgønø, Oram nyeny Gëdher aöö nee jø Lakic kønye, ni ö Jøcua ni 'näk nyeny Gëdher ki jiye bëët këël mana tïme ni bäŋ dhaanhø aciel mo ee wiiø ni kwøw.

Jøcua 10:37

Ni macge paanøgø, ni 'näkge nyeya mar gø ki jiy bëët moa en yie ko opëëllö, këël jiy bëët moa en atude moa en deŋ paac manøgø. Ni ö Jøcua ni 'näk jiy bëët, ni bäŋ dhaanhø mo ee wiiø ni kwøw, ni tïïc gïnögø ni caala teeŋ gïïa tïïe bëët dëër päänya cwøl ni Ëglön. 'Ba Jøcua pääny manøgø aput raanynyø na bäre bäre ni dïïr wïth jiy bëët moa en yie.

Jøcua 10:38

Køøre Jøcua ki jø Icriel bëët moa näk jø leny na cäädhö ki eni, gena duu paana cwøl ni Dabëër, ni këëtge ki jø paanøgø.

Jøcua 10:40

Kanyøgønø, Jøcua mïëri moa en yi ŋöömmögø bëët amaae, ni beege mïëri moa en bäät kïte, ki moa en kanya cwøl ni Nëgëp, ki mïëri moa en yi ŋöömma näk ree ee päärö, ki mïëri moa en deŋ kïte, ni put nyeye moge bëët 'näk. 'Ba Jøcua wïth jiy bëët adïïre, ni bäŋ dhaanhø mo ee wiiø ni kwøw, kaawat mana ö Wuuö Jwøki Jwø Icriel na kööm eni.

Jøcua 11:8

'Ba Wuuö Jwøk jøøgø aput cïp ceŋ jø Icriel, ni ö jø Icrielli ni putge jøøgø böötö, ni riemge ge këël mana pïïcge pääny mana dwøŋ na cwøl ni Caydan, ni pïïc møga Micerepöth-Mayim, ni pïïc møga goor Micpa na en jï løø kur tuul-cäŋ; ni putge jøøgø 'näk këël mana tïme ni bäŋ dhaanhø aciel mo ege wiiø ni kwøw.

Jøcua 12:13

ki nyeny Dabëër, ki nyeny Gëëdir,

1 Camiel 15:3

'Ba ennø, ciï ni tugï jø Amalëk ni dïïrï wïthge na bäre, këël gïïa en jïge bëët, ni bäŋgø mo weyï ni kwøw; cwøw ki mään, ko obwöre, ko obwöre moa näk poot dhøøth, këël dhäk ki dïëk, ka athïrööle ka arëëni, wär put 'näk ge bëët.› »

1 Camiel 15:8

'Ba Cøøl, Agaak nyeny jø Amalëk amaae, ni 'näk jø Amalëk bëët ko opëëllö.