Jøcua 10:25 - Wëël Jwøk

²⁵ Køøre Jøcua aköö jï kwääc lwaae moøgø, ni «Käru lwäyö, ni ba bwøk cwïnynyu. Magu rou ni bëëdu nou teek, kiper teeŋ gïnögø poot tïïc Wuuö Jwøki tïïö dëët nyïïmän mou bëët moo këëdu ki geni.»

Jøcua 10:25 Iomraidhean Croise

Wëëlö Mana Göör Pøølli Baŋ Jø Röm 8:37

Jïre bäär. 'Ba ki yïth gïïögø bëët teeka øøni ki køør ŋata mëër ki øøni, ni bäŋ gïn mo maarge tïïc.

2 Körin 1:10

Waana käl wøk cer gïn mo raac døc mo doo kännö ki thøø dëëtwa. 'Ba waani, waano cäŋ käl wøk. Ni eni ewa ŋäädhö ni wa poot käle wøk cooth.

Epeca 6:10

'Ba mana dööŋ keere nø, tëënnu ki ri Wuuö ki køør teege, eni ni wø teek.

Tiet Ciik 7:19

ni beege gïïa leth døc na jootu ki nyeŋŋu, ki ŋïïce ki gïï mo rëëma ec moa tïïc Wuuö Jwøki na näk Jwøu ki teek bade ki teek mare na dwøŋ kanya käl uuni wøk. 'Ba Wuuö Jwøk na näk Jwøu teeŋ gïïögø thuwø otïïe dëët jiy bëët moo lwäyu ki geni.

Jøcua 1:6

«Mak riï ni bëëdï niï teek, kiper ïïni, jøøi ii otïïyï nee ŋöömö mana kööŋa kipere jï kwäcge ni wëëga geni na marge nee ci jïge.

Jøcua 1:9

Ennø, a köömma ïïni. Mak riï ni bëëdï niï teek; ni ba bwøk cwïnyï ni ba lwäyï, kiper a na Wuuö Jwøk na näk Jwøk marï, a ena buutï kany wø ciï yie jaak.»

Jøcua 10:8

Kanyøgønø, Wuuö Jwøk aköö jï Jøcua, ni «Kärï lwäyö ki geni, kiper geni ge yaa nø cïp cerï; 'ba bäŋ dhaanhø aciel dïge mo maara lønyø jïre ki man cuŋŋe nyïmï kanyo tïme na ri leny.»

1 Camiel 17:37

Ni cäŋ Deebiti köö, ni «Wuuö Jwøk na piem aani cer ŋuu ki cer teeŋ cwieny mør, eni a pieme piemø cer nyï Pilitin manøgø.» Kanyøgønø, Cøøl aköö jï Deebit, ni «Wøp nø, ïïno cii; 'ba Wuuö Jwøk obëëdö ki ïïni.»