Jøcua 10:20 - Wëël Jwøk

²⁰ 'Ba kanya tïme ni Jøcua ki jø Icriel jø Amör ege nø thöör ki 'näk, këël mana dïïrge wïthge, ni moa bøth dëëtge onø reŋ yïth päänye moa no ogeerø ni teek,

Jøcua 10:20 Iomraidhean Croise

2 Camiel 20:6

'Ba Deebit aköö jï Abicay, ni «Neenï, ennø Cïïba o Bëkri manynya man tïïe ki gïn mo leth dëëtø ni kaala mana tïïc Abëcëlömmi. Lwør jø leny 'moa, a na nyeya marï, ni reŋŋï køør Cïïba, kiper nee ba jïte ki päänye moa no ogeerø ni teek ni tïme ni ba løny mak jïïø.»

1 Nyeye 20:21

Køøre nyeny Icriel aci wøk ni mak okwëënyi ki jïëth leny mo wø tut okwëënyi, ni 'näk jø leny mo jø Aram mo thööth døc.

2 Luup Nyeye 13:17

'Ba Abaaja ki jiye, jø Icriel aböötge ki böötö mo raac døc, ni put jø lenynyi moa teek mo jø Icriel ma kume ma dïpe abïïc thøø.

Jeremaya 4:5

«Caannu yi Jerucalem, ni køpu gø dï ŋööm Juuda bäre, ni kööu, ni ‹Koothu tuŋi dï paac bäre.› Tïŋu döötu maal ni kööu, ni ‹Cooŋŋu rou kanya aciel nøø reŋŋø yïth päänye moa no ogeerø ni teek.›

Jeremaya 8:14

'Ba jø paac aköö, na «?Aperŋø ni poodø nøø bëëdö jaak en? Cooŋø røø kanya ciel, nee ø cøø yïth päänye moa no ogeerø ni teek, nøø thumø ki thøø kaace. Kiper Wuuö Jwøk, Jwøk marø, marø anø ŋøl yi thøø, ni eni cïpa pïï mo rege da cïm jïïø nee maadhø, kiper mana bääyø dëëre.

Tiet Ciik 20:16

«'Ba yïth päänye mo juurre moa kwörge cärö, moo cïp Wuuö Jwøki na näk Jwøu jïïu noo dööŋ na maru, gïn mo ree da jwïëy jaak, kär weyu ni kwøw.

Jøcua 10:10

Ni ö Wuuö Jwøki ni kier wïth jø Amör ni tïïc ge nee bwøkge nyïm jø Icriel, ni ö jø Icrielli ni böötge jø Amör døc Gibien, ni riemge geni ki jöör Bëëth-Örön ni ge iitha thuur, ni ŋwiecge køørge ni 'näkge geni këël mana pïïcge mïëri moa näk cøøri na Adhëka ki Mekëëda.

Jøcua 10:19

'Ba uuni ki dëëtu kiree käru bëëdö kaagø; cou ni läpu køør nyïïmännu, ni 'nägu moo maau waŋjöö na näk odööŋ cään. 'Ba ge kär weyu nee reŋge yïth päänye moge, kiper Wuuö Jwøk na näk Jwøu jøøgø ee nø cïp ceŋŋu.»

Jøcua 10:21

kanyøgønø, jiy bëët aput duu twïër baŋ Jøcua paana cwøl ni Mekëëda ni dëëtge jööt. 'Ba ki dëët wïth juurre moa en kaace, bäŋ dhaanhø aciel dïge mo dhee ee maar tuk ki jø Icriel.

Jøcua 11:12

'Ba Jøcua päänye mo nyeye moøgø bëët aput mac, ni mak nyeye moge bëët, ni put geni 'näk ko opëëllö, ni dïïr wïthge na bäre bäre, kaawat mana ö Modhe na näk dhaanh Wuuö Jwøk na kööm eni.

Jøcua 11:8

'Ba Wuuö Jwøk jøøgø aput cïp ceŋ jø Icriel, ni ö jø Icrielli ni putge jøøgø böötö, ni riemge ge këël mana pïïcge pääny mana dwøŋ na cwøl ni Caydan, ni pïïc møga Micerepöth-Mayim, ni pïïc møga goor Micpa na en jï løø kur tuul-cäŋ; ni putge jøøgø 'näk këël mana tïme ni bäŋ dhaanhø aciel mo ege wiiø ni kwøw.

Jøcua 8:24

'Ba kanya nø tïme ni jø Icriel jø Gaay moa reŋ køørge ege nø thöör ki 'näk pwöla dï paap, ni ge ege nø 'näk bëët këël mana thumge na bäre, jø Icriel bëët adøø baŋ jiy moa en pääny Gaay, ni 'näkge ge bëët.