Jøcua 10:12 - Wëël Jwøk

¹² 'Ba ni poot na dïcäŋ mana ö Wuuö Jwøki na cïp jø Amör ceŋ jø Icriel, Jøcua acäänö ki Wuuö Jwøk, ni caan luup moi ii ki teek Jwøk ni nëënö jï jø Icriel, ni kööe, ni «Wui cäŋ, put bëëtö niï cuŋŋö bäät Gibien, 'ba ï na dwääy, put bëëtö niï cuŋŋö bäät goor Ayalön.»

Jøcua 10:12 Iomraidhean Croise

2 Camiel 2:12

'Ba Abinër o Nër atïŋŋö ki Maanayim ni ci Gibien ki jø leny mo Icböcëth o Cøøl.

2 Nyeye 20:10

'Ba aløk Edhekaya, ni «Jööt jï tïpö ki man cääth nyïme ki rumme apaar; 'ba beerra man døø ŋääe ki rumme apaar.»

2 Nyeye 20:11

Køøre nyikuŋ Jwøk ma Aydheea Wuuö Jwøk akwaae, ni ö Wuuö Jwøki ni dwøk tïpö ŋääe ki rumme apaar ki bäät gïn wø nyooth caa mana no otïïc nyeya ma Eeyeth.

2 Nyeye 20:9

'Ba Aydheea aköö, ni «Man beeye nyuudhi mano nyooth Wuuö Jwøki kiperï, mo nyootha gø ni Wuuö Jwøk gïna caane tïïe tïïö. ?A mane ni beer ki jïrï? ?Beerra man ö tïpö man wø nyooth caa ni cääth nyïm ki rumme apaar, wala døø ŋääe ki rumme apaar?»

1 Luup Nyeye 8:13

ni wäät Elpaal møøk beege Beria ki Cema, jøøa bëëdö na wïth dhøk uudi paana cwøl ni Ayalön. 'Ba geni jø Gëth ariemge.

2 Luup Nyeye 11:10

ki Dhöra, ka Ayalön, ki Keeprön. Moøgø bëët beege päänye moa no ogeerø ni teek na en yïth ŋøøp jø tuuŋ Juuda ki jø tuuŋ Benjamen.

Jööp 9:7

Eni cäŋ wø di cäännö nee ba rienye, ni tïïc ceer nee ba cïpge ki tar.

Aydheea 28:21

Kiper Wuuö Jwøk ööa maal bäätu kaawat mana tïïe bäät Kïn Peradhim; eni wëër kaawat mana tïïe yi goor Gibien; ni ööe ni tïïe ki gïn mo kär dïëdö, ni beeye gïn mo nyään mo kär kwøŋ tïïc.

Aydheea 38:8

Ka adïëri møn, tïpö man wø nyooth pöödhö mar caa ki bäät gïna no otïïc nyeya ma Eeyeth, tïïa tïïö nee døø ŋääe ki rumme apaar.› » Kanyøgø tïpö man wø nyooth pöödhö mar caa aput døø ŋääe ki rumme apaar.

Aydheea 60:20

Cäŋ obëëdö ni ba pädhi bäätï, ni bëët dwääyi ni ba ci muudhö; kiper a na Wuuö Jwøk, a tïmö na tar marï mano bëëdö na bäre bäre, ni ö nïr kïmmö moï ni thumge.

Jeremaya 28:1

'Ba kanya tïme na køøre cään, ni poot na yi cwiinøgø, ri ŋweer cwiiri moa beet Cëdëkiya ni ena nyeny Juuda, kanya tïme na dwää abïïc, nyikuŋ Jwøk ma Ananiya wär Adhur, na käl Gibien, acäänö ki aani, a na Jeremaya, yi Øt Wuuö Jwøk, nyïm dïlämme ki jiy bëët, ni kööe,

Amøc 2:9

«'Ba beeye aani na raany jø Amör nyïmge; këël na bëët bäc jø Amörri ni caala bäc jaath mo bäär, ni teekge caala teek dhegu, wïthge adïïra na bäre bäre.

Amøc 8:9

Man beeye mana caan Wuuö Jwøki, ena köö, ni «Dïcäŋöca cäŋ owëëga pädhö ki dhöör, ni wëëga piny tïmö na muudhö ki dïcäŋ.

Abakuk 2:20

'Ba Wuuö Jwøk bëëdö yi øt lam mare na en kur keere; beerra man ö pinynyi bäre ni neebäc nyïme.»

Abakuk 3:11

Kanya tïm tar mar athëëre moï ni nimal, ni tar mar tøŋ marï nigaaŋ, cäŋ ki dwääy aput cuŋŋö karge maal.

Dhekaraya 2:13

Wui u na jiy bëët, noukïïl nyïm Wuuö Jwøk, kiper ena nø ö maal ki kar bëëtö mare na en kur keere.»

Tiet Ciik 17:3

ni aae ni tïny juu møøk, ni lam geni, wala lama cäŋ wala dwääy wala jap maal bëët mou kära köömmö ki geni nee lammu,

Tiet Ciik 4:19

'Ba kany wø raŋŋu maal, nou jootu cäŋ ki dwääy ki ceer, ni wø en maal, gwøgu rou nee wïthu ba maaŋŋi ki man tïme nou lama geni ni tïnynyu geni. Kiper gïïögø beege gïïa cïp Wuuö Jwøki na näk Jwøu jï jiy bëët moa en bäät piny.

Jøcua 10:13

Ni ö cäŋŋi ni put bëëtö kare ni cuŋŋö, ni ö dwääyi ni put ruuö kare thuwø, këël mana ö jø Icrielli ni putge wïth nyïïmänge dïïr. 'Ba luubö manøgø beeye luubö mana no ogöörö yi wëëlö mana cwøl ni Jacar. Kanyøgønø, cäŋ aput ruuö dhöör, ni put bëëtö ni kär laar pädhö ki kany mo yie caala dïcäŋ aciel bäre.

Jøcua 19:42

ki Caalebin, ki Ayalön, ki Ithla,

Jøcua 21:24

ka Ayalön, ki Gaat-Rimön; ni beege päänye aŋween ki kwör kwaath moge na en buutge.

Pïëmme 12:12

Køøre Ëlön nyï tuuŋ Dhebulan athøw ni koonyi Ayalön na en yi ŋööm Dhebulan.

Pïëmme 5:20

Ceer akëëdö ki kwöra cääthge yïthge maalø, ni ge këëdi ka Cicara; gena këëdö ki Cicara møn ki køør gïna tïïc Wuuö Jwøki.

1 Camiel 12:18

Kanyøgønø, Camiel Wuuö Jwøk aput kwac, ni ö Wuuö Jwøki ni put køth mo pöödö jääŋŋö dïcäŋögø; køøre jiy bëët aput lwäyö døc ki Wuuö Jwøk ki dhaanhnhe ma Camiel.

1 Camiel 14:31

'Ba dïcäŋögø jø leny mo jø Icriel, jø Pilitin aböötge ni 'näkge geni ki mana täge ki Mikmac këël mana këët Ayalön. 'Ba kar kaagø, jø Icriel oööl døc.