Jøcua 10:10 - Wëël Jwøk

¹⁰ Ni ö Wuuö Jwøki ni kier wïth jø Amör ni tïïc ge nee bwøkge nyïm jø Icriel, ni ö jø Icrielli ni böötge jø Amör døc Gibien, ni riemge geni ki jöör Bëëth-Örön ni ge iitha thuur, ni ŋwiecge køørge ni 'näkge geni këël mana pïïcge mïëri moa näk cøøri na Adhëka ki Mekëëda.

Jøcua 10:10 Iomraidhean Croise

2 Camiel 22:15

Ni tïïyï køth nee pööde bäät nyïïmän, ni caala man wø thöödhö ka athëëre, ni ö nyïïmän ni putge keethø, ni putï wïthge kier ka agaackøth.

1 Nyeye 9:17

Køøre Cølöman Gëdher acäŋ geerrø, ni geer Bëëth-Örön mana en jï piny,

2 Luup Nyeye 14:12

Kanyøgø Wuuö Jwøk jø leny mo jø Kuuc awëëk böötö nyïm Aca ki jø Juuda, ni ö jø lenynyi mo jø Kuuc ni putge bwøk.

2 Luup Nyeye 25:13

'Ba jø leny mo Icriel moa dwøk Amaciya paac nee ba cige baŋ leny ki eni, päänye mo Juuda atukge, ki mana täge ki Cameria këël Bëëth-Örön, ni nääge ki jiy ma kume adäk yïth päänye moøgø, ni twierge jammi mo thööth døc.

Aydheea 28:21

Kiper Wuuö Jwøk ööa maal bäätu kaawat mana tïïe bäät Kïn Peradhim; eni wëër kaawat mana tïïe yi goor Gibien; ni ööe ni tïïe ki gïn mo kär dïëdö, ni beeye gïn mo nyään mo kär kwøŋ tïïc.

Aydheea 30:30

Wuuö Jwøk dwøre na teek tïïe tïïö nee wïnye, ni wëëk teek bade ööny piny ni nëënö jï jiy, ki yi maac mo liel man wø thöör jammi bëët, ki yi køth ma ruuga, ki yïth pey.

Jeremaya 34:7

kanya bëët jø lenynyi mo nyeny Babiløn ni ge këëdö Jerucalem ki päänye bëët moa näk poot no odööŋ yi Juuda, ni beege Lakic ka Adhëka, kiper bee geni keerge moa näk odööŋ røk päänye bëët moa näk ogeerø ni teek yi Juuda.

Dhekaraya 14:3

'Ba Wuuö Jwøk eno døny wøk kuna këëde ki wïth juurre moøgø kaawat man wø këëde dïcäŋ leny.

Tiet Ciik 7:23

'Ba Wuuö Jwøk na näk Jwøu jøøgø ocïp ceŋŋu ni mooc geni ki böök ni jït wïthge ko okiera, këël mano thumge bëët.

Jøcua 10:11

'Ba kanya rïïŋ jø Amörri ni ge ŋwieya jø Icriel, Wuuö Jwøk pey mo døøŋŋø døc mo caala kïte alëëŋe ki maal, ni leeŋ ge bäät jø Amör, ni tägi ka kanya løøcge piny ki Bëëth-Örön, këël mana pïïcge Adhëka, ni putge thøø; 'ba atïmö ni thöötha jiy moa thøw ki pey moøgø na näk caala kïte yøø, ki jiy moa 'näk jø Icrielli ko opëëlle.

Jøcua 10:28

'Ba Jøcua pääny Mekëëda amaae ni poot na dïcäŋögø; ni 'näk nyeya mar gø ki jiy moa en yie bëët ko opëëllö, ni dïïr wïthge bëët, ni bäŋ dhaanhø mo ee wiiø ni kwøw. 'Ba Jøcua teeŋ gïna tïïe dëër nyeny Jerikö atïïe dëër nyeny Mekëëda thuwø.

Jøcua 10:9

'Ba Jøcua atïŋŋö Gëlgela ni but ri wääth ni put pïï røk jø Amör ni cwöba rege.

Jøcua 11:8

'Ba Wuuö Jwøk jøøgø aput cïp ceŋ jø Icriel, ni ö jø Icrielli ni putge jøøgø böötö, ni riemge ge këël mana pïïcge pääny mana dwøŋ na cwøl ni Caydan, ni pïïc møga Micerepöth-Mayim, ni pïïc møga goor Micpa na en jï løø kur tuul-cäŋ; ni putge jøøgø 'näk këël mana tïme ni bäŋ dhaanhø aciel mo ege wiiø ni kwøw.

Jøcua 12:16

ki nyeny Mekëëda, ki nyeny Bëthël,

Jøcua 15:35

ki Jërmut, ka Adulam, ki Cökö, ka Adhëka,

Jøcua 15:41

ki Gedëröt, ki Bëëth-Dagön, ki Nayma, ki Mekëëda; ni beege päänye apaar ka abïciel ka atude moge moa en buutge.

Jøcua 16:3

Ni løøc piny mëëth jï løø kur pänh-cäŋ, ni put pïï waŋ keew mar jø Jeplëtha, ni aae ki waŋ keew mar Bëëth-Örön mana en jï piny këël mana pïïe Gëdher. Ni put ŋuudö yi naama dwøŋ.

Jøcua 16:5

'Ba ŋøøm moa cïp jï jø tuuŋ Ipariem na ŋöömmo dööŋ jïge na kurge ki køør dhøk uudi moge, waŋ keew mar ŋøøm moøgø ki jï løø tier-piny, atägö ka Atharöt-Adar na en jï løø kur tuul-cäŋ, këël mana aae ni coonya jï løø kur pänh-cäŋ, ni put pïï Bëëth-Örön mana en jï maal.

Jøcua 21:22

ki Kibicayim, ki Bëëth-Örön; ni beege päänye aŋween ki kwör kwaath moge na en buutge.

Pïëmme 4:15

'Ba kanya tïme na ri leny, Wuuö Jwøk Cicara ki jïëthe mo wø tut okwëënyi ki jø leny moe bëët atïïe nee bwøkge nyïm Barak, ni thøw jic Cicara mo thööth døc; ni ö Cicara ni päny piny ki bäät jääy mare man wø tut okweenynyi ni put reeŋø ki tiete.

Pïëmme 4:16

'Ba Barak aput reŋ køør jïëthe mo wø tut okwëënyi ki jø leny mo Cicara, këël mana pïïcge Aröcët-Agöyim; ni ö jø leny bëët mo Cicara ni putge thøø ri leny, ni bäŋgø mo obøth, këël aciel.

Pïëmme 5:20

Ceer akëëdö ki kwöra cääthge yïthge maalø, ni ge këëdi ka Cicara; gena këëdö ki Cicara møn ki køør gïna tïïc Wuuö Jwøki.

1 Camiel 13:18

ni dhøk maya cura jï kun da päänya cwøl ni Bëëth-Örön, ni ö dhøk maya ni cur jï kuna näk da waŋ keew mana näk raŋŋa rege ki goor Dheböym na en jï kuna näk da paap.

1 Camiel 17:1

'Ba jø Pilitin jø leny moge acwølge kiper nee cige baŋ leny ki jø Icriel; ni cooŋge rege pääny mana cwøl ni Cökö na en yi ŋööm jø tuuŋ Juuda, ni cige ni tïïcge twïër marge buut pääny mana cwøl ni Epec-Damim na en yïthakic Cökö ki pääny mana cwøl na Adhëka.