Jøcua 1:9 - Wëël Jwøk

⁹ Ennø, a köömma ïïni. Mak riï ni bëëdï niï teek; ni ba bwøk cwïnyï ni ba lwäyï, kiper a na Wuuö Jwøk na näk Jwøk marï, a ena buutï kany wø ciï yie jaak.»

Jøcua 1:9 Iomraidhean Croise

Wïlöölö 28:15

Ni ennø, a ena buutï, ni kany oci yie jaak ï gwøa gwøø, ni duua ïïni yi ŋöömmi; kiper ï ba wiia këël mano tïïa gïna caana jïrï en.»

Wïlöölö 39:2

'Ba Wuuö Jwøk nut buut Jocep, ni ö Jocepi ni jïte ki bëëtö ma wøp. Ni tïme ni bëëdö øt kwääye na näk nyï Ijep.

Wïlöölö 39:3

Ni jooti ya kwääye ni Wuuö Jwøk nutö buut Jocep, ni jammi bëët moa tïïe cäädhi ni beyø.

2 Camiel 13:28

Køøre Abëcëlöm jiye aköömme ni kööe, ni «Ennø, kanyo ö Amnönni noo meere ki køøŋ nyïïomøki, kanyo kööa, ni ‹'Nägu eni›, eni wär putu 'näk. Kär nou lwäyö. ?Aŋø, u ba köömma aani? Magu rou, ni bëëdu nou teek.»

1 Luup Nyeye 28:20

Køøre Deebit aköö jï wääde ma Cølöman, ni «Mak riï ni bëëdï niï teek, ni tïïyï gïïögø bëët; kärï lwäyö ni ba bwøk cwïnyï; kiper Wuuö Jwøk, eni na Jwøk mara, ena buutï. Eni ï ba wiie këël kanyo thum tïï jammi bëët mo wø tïïc Øt Wuuö Jwøk.

2 Luup Nyeye 15:7

'Ba uuni, bëëdu nou teek ni ba wëëgu bäätu pädhö, kiper da gïn mo u di ŋadø ki gø ki køør tïïc maru.»

Aydheea 41:10

Kärï lwäyö, kiper a nut buutï, ni ba bwøk cwïnyï, kiper aana Jwøk marï. Ï tïïa tïïö niï teek, ni kønya ïïni, ni jøla ïïni ki cer cwïïa ni wø tïïya adïëri.

Aydheea 43:1

'Ba ennø, Jeekap, Wuuö Jwøk na cwääc ïïni, na tïïc ïïni, ï na Icriel, ena köö, ni «Kärï lwäyö, kiper ïïna nø wïïla wøk, ïïna nø cwøla ki nyeŋŋï, ni ïïna thööŋŋa!

Aydheea 43:5

Kärï lwäyö, kiper a nut buutï; jiy moo käl riï tïïa tïïö nee öge ki jï løø kur tuul-cäŋ, ni cuuŋa uuni ki jï løø kur pänh-cäŋ.

Aydheea 8:12

ni «Gïn wø kö jøøgø na ageem, kär jïëyu na ageem, ni ba lwäärru ki gïn wø lwäärge, wala u wëëga cwïnynyu bwøk ki gø.

Daniel 10:19

Ni kööe, ni «Wui dhaanhø, ï na näk owøørø døc, kärï lwäyö. Bëëdï ni dëërï jööt. Bëëdï niï teek, ni cwïnyï da cer.» 'Ba kanya nø cään aani ennø, aana put jïtö ki teek, ni kööa, ni «Kwääya, beerra man caanï gïna diï caanø, kiper ïïni, dëëra amooyï ki teek.»

Agëë 2:4

'Ba ennø, ï na Dherubabel, ki ï na Jøcua wär Jöcëdëk, ni bee ï Kwääy Lam Mana Dwøŋ, ki u na jø paac bëët, magu dëëtu ni tïïyu tïïc; 'ba a ena buutu.› Manøgø caana Wuuö Jwøki, eni na wïth jammi bëët.

Agëë 2:5

'Ba ena cäŋ köö, ni ‹Manøgø beeye luumma tuuda ki uuni kanya ööu wøk ki Ijep. 'Ba jwïëy 'moa poot bëëdö ki uuni. Käru lwäyö.›

Moa Tïïc Nyïïatwieli 4:19

'Ba adwøk Piterri ki Jøøn jïge, ni köge, ni «Nee beer jï Jwøk ki man wïnywa luummu ni kaala mare, ŋølu piny.

Tiet Ciik 1:21

Neennu, Wuuö Jwøk na näk Jwøu ŋöömö anø cïbe jïïu. Cou yie ni lwørru gø na maru, kaawat mana nø caani ya Wuuö Jwøki na näk Jwø kwäyu jïïu. Käru lwäyö, ni ba bwøk cwïnynyu.›

Tiet Ciik 20:1

«'Ba kanyo aau wøk baŋ leny baŋ nyïïmännu, noo jootu okwëënyi ki jïëth leny mo wø tut okwëënyi, ni jiy thööth ni ge kaala uuni, käru lwäyö ki geni, kiper Wuuö Jwøk na näk Jwøu, na käl uuni wøk ki yi ŋööm Ijep, nut buutu.

Tiet Ciik 31:23

Køøre Wuuö Jwøk Jøcua o Nun acuume ni kööe, «Mak riï ni bëëdï niï teek, kiper beeye ïïni noo kïth jø Icriel yi ŋöömma kööŋa kipere jïge. 'Ba aani, a bëëdö naa ena buutï.»

Tiet Ciik 31:28

'Ba cooŋŋu jø døøŋŋø mo wïth tuŋi mou bëët ki cuumme mou kanya ciel buuta, kiper nee luup moi caana ni wïnyö jïge; ni tïm maalli ki piny na gïïo ŋäc luummi en yïthakicwa ki geni kiper bääyö marge.

Jøcua 1:10

Køøre Jøcua dïbwöthe mo jø Icriel aköömme, ni kööe,

Jøcua 1:17

Ïïni dwørï oleŋwa kaawat mana bëëtwa ni dwør Modhe ewa leŋø ki røk jammi bëët. 'Ba mana pere letha eni keere, beerra man bëët Wuuö Jwøki na näk Jwøï ki ïïni, kaawat mana bëëde ki Modhe.

Jøcua 1:18

'Ba ŋato kwier dwørï ni ba leŋ luup moa caanï jïre, ŋatøgø doo nääö. 'Ba mana pere letha eni keere, mak riï ni bëëdï niï teek.»

Jøcua 10:25

Køøre Jøcua aköö jï kwääc lwaae moøgø, ni «Käru lwäyö, ni ba bwøk cwïnynyu. Magu rou ni bëëdu nou teek, kiper teeŋ gïnögø poot tïïc Wuuö Jwøki tïïö dëët nyïïmän mou bëët moo këëdu ki geni.»

Jøcua 10:8

Kanyøgønø, Wuuö Jwøk aköö jï Jøcua, ni «Kärï lwäyö ki geni, kiper geni ge yaa nø cïp cerï; 'ba bäŋ dhaanhø aciel dïge mo maara lønyø jïre ki man cuŋŋe nyïmï kanyo tïme na ri leny.»

Jøcua 3:7

'Ba Wuuö Jwøk aköö jï Jøcua, ni «Dïcäŋi en a tägö ki man tïïa ïïni ni ïïna dhaanhø mo kare dwøŋ nyïm jø Icriel bëët, nee ŋäcge naa bëëdö ka ïïni kaawat mana bëëda ki Modhe.

Jøcua 6:27

'Ba Wuuö Jwøk aput bëëtö ki Jøcua, ni ö nyeŋ Jøcua ni put wïnynye yi ŋöömmögø bäre.

Jøcua 8:1

Køøre Wuuö Jwøk aköö jï Jøcua, ni «Kärï lwäyö ni ba bwøk cwïnyï. Lwør jø leny mo jø Icriel bëët, ni cou baŋ jø Gaay. Neenï, aani nyeny Gaay, ki jiye, ki pääny mare, këël ŋöömö mana näk mare bäre, yaa nø cïp cerï.

Pïëmme 6:14

'Ba eni na Wuuö Jwøk enø, jï Gidien aneene, ni kööe, ni «Ciï ki teek man cïba jïrï ennø ni piemï jø Icriel ceŋ jø Midien. Ïïna jääŋŋa ennø.»

1 Camiel 10:7

'Ba kanyø jootï nyuuthe moøgø noo tägö, wär put ŋäc ni Jwøk oløny ni bëëdö ki ïïni. Køøre nø, løny jïrï ki man tïïyï gïno tïïyï jaak.