Jøcua 1:6 - Wëël Jwøk

⁶ «Mak riï ni bëëdï niï teek, kiper ïïni, jøøi ii otïïyï nee ŋöömö mana kööŋa kipere jï kwäcge ni wëëga geni na marge nee ci jïge.

Jøcua 1:6 Iomraidhean Croise

Wïlöölö 12:7

Kanyøgø Wuuö Jwøk ree anyoodhe jï Abram ni kööe, ni «Aani ŋøøpi ii cïba cïbö jï nyïïkwaayï.» Køøre Abram atïïö ki gïn wø cïp olämme bääte jï Wuuö Jwøk na nyooth ree jïgø.

Wïlöölö 26:3

Pï piny yi ŋöömmi, ni bëëdï ni ïïna wëëllö; 'ba aano en buutï ni gwïëdha ïïni, kiper ŋöömö man bäre en ocïba jïrï ki nyïïkwaayï, ni wëëga kööŋ mana kööŋa ki gø jï wäru ma Eeberam thur kare.

2 Camiel 10:12

Mak riï nø, ni këëdø ni ø teek kiper jø pøø ki päänye mo Jwøk marø. Beerra man ö Wuuö Jwøki ni tïïc mana beerra eni ki jïre.»

1 Nyeye 2:2

ni «Ennø, kara aløny ni cään ki man thøøa, naa cøøa jöör wø caath jø bäät pinynyi bëët. 'Ba ïïni, bëëdï niï teek, ni nyoothï cwøw marï.

1 Luup Nyeye 22:13

'Ba jammi moo tïïyï othur karge jïrï ni näk mo ciik moa cïp Wuuö Jwøki jï Modhe kiper jø Icriel iï gwøø. Mak riï nø, ni bëëdï niï teek; ni ba bwøk cwïnyï ni ba lwäyï.

1 Luup Nyeye 28:10

Raŋï ennø, Wuuö Jwøk ïïna jiere niï gëëdï ki øtø mo ena kur keere ma øt lam; mak riï ni teek nø, ni tïïyï gø.»

1 Luup Nyeye 28:20

Køøre Deebit aköö jï wääde ma Cølöman, ni «Mak riï ni bëëdï niï teek, ni tïïyï gïïögø bëët; kärï lwäyö ni ba bwøk cwïnyï; kiper Wuuö Jwøk, eni na Jwøk mara, ena buutï. Eni ï ba wiie këël kanyo thum tïï jammi bëët mo wø tïïc Øt Wuuö Jwøk.

2 Luup Nyeye 15:7

'Ba uuni, bëëdu nou teek ni ba wëëgu bäätu pädhö, kiper da gïn mo u di ŋadø ki gø ki køør tïïc maru.»

2 Luup Nyeye 20:11

'Ba ennø, raŋ gïn cäŋge tïïyö dëëtwa en ki man öge nee wa kälge wøk yi ŋöömö marï mana cïpï jïwa na marwa.

2 Luup Nyeye 20:7

Wui, ï na Jwøk marwa, ?aŋø, patha ï na riem jiy wøk moa bëëdö yi ŋöömö man nyïm jiyï ma jø Icriel, ni cïpï ŋöömö man jï nyïïkwaac Eeberam na näk nyawadu, nee bëëde na marge na bäre bäre?

Daniel 10:19

Ni kööe, ni «Wui dhaanhø, ï na näk owøørø døc, kärï lwäyö. Bëëdï ni dëërï jööt. Bëëdï niï teek, ni cwïnyï da cer.» 'Ba kanya nø cään aani ennø, aana put jïtö ki teek, ni kööa, ni «Kwääya, beerra man caanï gïna diï caanø, kiper ïïni, dëëra amooyï ki teek.»

Agëë 2:4

'Ba ennø, ï na Dherubabel, ki ï na Jøcua wär Jöcëdëk, ni bee ï Kwääy Lam Mana Dwøŋ, ki u na jø paac bëët, magu dëëtu ni tïïyu tïïc; 'ba a ena buutu.› Manøgø caana Wuuö Jwøki, eni na wïth jammi bëët.

Dhekaraya 8:9

Wuuö Jwøk, eni na wïth jammi bëët, aköö, ni «U ni wø wïny luup moi ennø dhøk nyïïkuk 'moa ki mana täge ki kanya cak tier Øt Jwøk ki geer, ni beeye øtø mara, a na Wuuö Jwøk na en wïth jammi bëët, magu dëëtu ki tïïc nee Øt Jwøk geer.

Kwään Jiy 26:53

ni «Ŋøøm opääŋŋï jï jøøi ki køør kwäänge na ŋøøpo dööŋ jïge.

Kwään Jiy 33:53

Ni mayu ŋøøm ni bëëdu yie, kiper yaa nø cïp jïïu na maru.

1 Körin 16:13

Kuru, ni cuŋŋu nou teek ri ŋäädhe maru. Magu cwïnynyu nou teek.

Epeca 6:10

'Ba mana dööŋ keere nø, tëënnu ki ri Wuuö ki køør teege, eni ni wø teek.

Tiet Ciik 1:21

Neennu, Wuuö Jwøk na näk Jwøu ŋöömö anø cïbe jïïu. Cou yie ni lwørru gø na maru, kaawat mana nø caani ya Wuuö Jwøki na näk Jwø kwäyu jïïu. Käru lwäyö, ni ba bwøk cwïnynyu.›

Tiet Ciik 1:8

Neennu, ŋöömmögø anø cïba jïïu; cou yie ni lwørru gø, ni tïme na maru, ni beeye ŋöömma kööŋa kipere, a na Wuuö Jwøk, kiper nee cïba jï kwäyu, ni beege Eeberam ki Aydhak ki Jeekap, këël nyïïkwaacge moo lämmi køørge.› »

Tiet Ciik 11:8

«Kiper manøgønø, beerra man gwøgu ciik bëët moi ni köömma uuni ki geni dïcäŋi en, kiper nou tïmö nou teek, ni cou yi ŋöömö ni lwørru gø na maru, ni beeye ŋöömmögø ni karu cään ki man ŋutu yie løøga enø nee lwørru na maru,

Tiet Ciik 31:23

Køøre Wuuö Jwøk Jøcua o Nun acuume ni kööe, «Mak riï ni bëëdï niï teek, kiper beeye ïïni noo kïth jø Icriel yi ŋöömma kööŋa kipere jïge. 'Ba aani, a bëëdö naa ena buutï.»

2 Timöthi 2:1

Ï na wääda nø, bëëdï niï teek ki ri met ec mana en ri Krictø Jecu.

Jøcua 1:18

'Ba ŋato kwier dwørï ni ba leŋ luup moa caanï jïre, ŋatøgø doo nääö. 'Ba mana pere letha eni keere, mak riï ni bëëdï niï teek.»

Jøcua 1:7

'Ba mana pere letha eni keere, mak riï ni bëëdï niï teek; gwøk ciik bëët na karge moa ö dhaanhnha ma Modhe na kööm ïïni ki ge; kär niï gaa wøk ki røk ciik moøgø ni ba gaaï bäät cwïï wala bäät caamï, nee gïï wø tïïyï bëët thurge karge.

Jøcua 1:9

Ennø, a köömma ïïni. Mak riï ni bëëdï niï teek; ni ba bwøk cwïnyï ni ba lwäyï, kiper a na Wuuö Jwøk na näk Jwøk marï, a ena buutï kany wø ciï yie jaak.»

Jøcua 10:25

Køøre Jøcua aköö jï kwääc lwaae moøgø, ni «Käru lwäyö, ni ba bwøk cwïnynyu. Magu rou ni bëëdu nou teek, kiper teeŋ gïnögø poot tïïc Wuuö Jwøki tïïö dëët nyïïmän mou bëët moo këëdu ki geni.»

Jøcua 13:6

«'Ba aani na Wuuö Jwøk, jiy bëët moa näk bëëdö mïëya en bäät kïte ki mana täge ki Libaanø këël mana këët Micerepöth-Mayim, ki jø Caydan bëët, ge riema wøk nyïm jø Icriel; 'ba gïno tïïyï keere beeye ki man pääŋŋï ŋøøm moøgø jï jø Icriel ki køør ŋïïce mo wø tïïc ki ri kwääk ki baw, nee ci jïge na marge kaawat mana nø köömma ïïni.

Jøcua 18:3

Kanyøgønø, Jøcua aköö jï jø Icriel, na «?Aŋø, a këël kany mo nyïëdi nø nou poot bëëdö nou ba døny yi ŋöömma cïp Wuuö Jwøki na näk Jwø kwäyu jïïu nee lwørru na maru?

Jøcua 21:43

'Ba Wuuö Jwøk ŋöömö bäre aput cïp jï jø Icriel, ni beeye ŋöömma kööŋe jï kwäcge kipere nee cïbe jïge; ni ö jø Icrielli ni macge ŋöömö manøgø ni putge bëëtö yie.

Jøcua 5:6

Kiper jø Icriel acäädhö dï paap ki cwiiri ma pïëraŋween, këël mana thøw cwøw lenynyi bëët moa ö wøk ki Ijep, kiper mana kärge dwør Wuuö Jwøk leŋø. Ni beege jøøgø na cään Wuuö Jwøki ki ge na kööe ni ŋöömma näk caak ki maar kïc päl yie ba dege joodø, ni beeye ŋöömma kööŋe kipere jï kwäyø nee cïbe jï nyïïkwaacge.

1 Camiel 4:9

Wui, jø Pilitin, maaø røø ni bëëdø ni øøna cwøw, kiper nøø ba tïmø na laaŋe mo jø Ibaru kaawat man bëëtge ni gena laaŋe 'moø en; 'ba bëëdø ni øøna cwøw ni këëdø ki geni.»