Jøcua 1:5 - Wëël Jwøk

⁵ 'Ba bäŋ dhaanhø mo maara lønyø jïre ki man cuŋŋe nyïmï kany wø näk ri leny ki yïth nïr kwøw moï bëët moo beetï. Aano bëëdö ki ïïni kaawat mana bëëda ki Modhe; ï ba leeŋa piny ni ba wiia ïïni.

Jøcua 1:5 Iomraidhean Croise

Wïlöölö 39:2

'Ba Wuuö Jwøk nut buut Jocep, ni ö Jocepi ni jïte ki bëëtö ma wøp. Ni tïme ni bëëdö øt kwääye na näk nyï Ijep.

1 Nyeye 1:37

Kaawat mana nø bëët Wuuö Jwøki ki ï na nyeya mara, beerra man ö eni ni bëëde ki Cølöman thuwø, ni tïïc nyec mar gø ni dwøŋ ni kaala nyec marï, ï na nyeya mara ma Deebit.»

1 Nyeye 11:38

'Ba ni näk mo luup bëët mo wø caana jïrï wïnynyï wïnynyö, ni cäädhi køøra, ni tïïyï gïï mo nëëni ni beyø ki jïra, niï gwøga ciik 'moa ki luup moa cema, kaawat mana tïïc dhaanhnha ma Deebit, aani, a puta bëëtö ki ïïni ni këëlla tier nyec marï piny kaawat mana tïïa jï Deebit, ni cïba jø Icriel jïrï.

1 Nyeye 6:13

Ni puta bëëtö dï jiya ma jø Icriel ni ge ba wiia.»

1 Nyeye 8:57

'Ba ennø, beerra man ö Wuuö Jwøki, Jwøk marø, ni bëëde ki øøni, kaawat mana bëëde ki kwäyø; ni ba wec øøni ni ba kwier øøni.

1 Luup Nyeye 28:20

Køøre Deebit aköö jï wääde ma Cølöman, ni «Mak riï ni bëëdï niï teek, ni tïïyï gïïögø bëët; kärï lwäyö ni ba bwøk cwïnyï; kiper Wuuö Jwøk, eni na Jwøk mara, ena buutï. Eni ï ba wiie këël kanyo thum tïï jammi bëët mo wø tïïc Øt Wuuö Jwøk.

Bwøth Wøk 3:12

Ni kö Jwøki, ni «Ka adïëri møn, aano en buutï; 'ba gïno ŋäyï gø ki gø ni beeye aani na jääŋ ïïni beeye en, kanyo nø kälï jiy wøk ki yi Ijep, aano wøørru ni aana Jwøk maru bäät kïdi man en.»

Aydheea 42:16

Cööye bwødha bwødhø ki waŋjöö mo kucge, ge pieya pieyø ki nyeŋ jïëthe mo kucge. Muudhö tïïa tïïö na tar nyïmge, ni ö kwöra gwalli øtjöö ni tïïa ge ni pøøth. Gïïögøøni beege noo tïïa, ni ge ba wïïa jaak ni kära tïïö.

Jeremaya 1:8

Kärï lwäyö ki geni, kiper a ena buutï, naa peemma ïïni.» Luummögø caana Wuuö Jwøki.

Daniel 11:16

'Ba ŋato tuk paac tïmö ni tïïya mano met yie ki gø, ni bäŋ ŋat mo løny jïre ki man cuŋŋe ki gø. Eni tiere këëlle piny yi ŋööm wø cwøl ni Mïërö, ni cere da teek man raany paac ki gø.

Mathiew 28:20

Ni pwönynyu geni ki man gwøkge gïïa caana jïïu bëët. 'Ba aani, aano en buutu cooth këël kanyo ŋuut pinynyi yie.»

Wëëlö Mana Göör Pøølli Baŋ Jø Röm 8:31

?Agïnaŋø nø, noo caanø kiper gïïögø? ?Ni näk mo Jwøk ena kurø, aŋa noo männi ki øøni?

Wëëlö Mana Göör Pøølli Baŋ Jø Röm 8:37

Jïre bäär. 'Ba ki yïth gïïögø bëët teeka øøni ki køør ŋata mëër ki øøni, ni bäŋ gïn mo maarge tïïc.

Tiet Ciik 20:1

«'Ba kanyo aau wøk baŋ leny baŋ nyïïmännu, noo jootu okwëënyi ki jïëth leny mo wø tut okwëënyi, ni jiy thööth ni ge kaala uuni, käru lwäyö ki geni, kiper Wuuö Jwøk na näk Jwøu, na käl uuni wøk ki yi ŋööm Ijep, nut buutu.

Tiet Ciik 20:4

kiper beeye Wuuö Jwøk na näk Jwøu noo cäädhi ki uuni na aciel, noo këëdi ki nyïïmännu kiperu, noo køny uuni.›

Tiet Ciik 31:23

Køøre Wuuö Jwøk Jøcua o Nun acuume ni kööe, «Mak riï ni bëëdï niï teek, kiper beeye ïïni noo kïth jø Icriel yi ŋöömma kööŋa kipere jïge. 'Ba aani, a bëëdö naa ena buutï.»

Tiet Ciik 4:31

Kiper Wuuö Jwøk na näk Jwøu beeye Jwøk mo yie bäth; u ba wiie, u ba raanynye, ni wïïe ba wïl ki luumma tuude na kööŋe ki gø jï kwäyu.

Tiet Ciik 7:24

'Ba Wuuö Jwøk nyeye moge ocïp ceŋŋu, ni putu nyeŋge tïïc ni kuc bäät ŋøøm, ni tïme ni bäŋ dhaanhø mo maar lønyø jïre ki man cuŋŋe nyïmmu kany wø näk ri leny, këël mano thöörru geni na bäre.

2 Timöthi 4:17

'Ba Wuuö acuŋŋö buuta, ni wëëk a tëënnö ki man køba luum Jwøk ki kare bäre, kiper nee wïny juurre bëët. 'Ba aana piem ni bødha dhi ŋuu.

Ibaru 13:5

Bëëdu ni dëëtu you gwøø ki mëëc jammi, ni uuno rømø ki mou na en jïïu. Kiper Jwøk aköö, ni «U ba leeŋa piny, ni ba wiia uuni.»

Jøcua 1:17

Ïïni dwørï oleŋwa kaawat mana bëëtwa ni dwør Modhe ewa leŋø ki røk jammi bëët. 'Ba mana pere letha eni keere, beerra man bëët Wuuö Jwøki na näk Jwøï ki ïïni, kaawat mana bëëde ki Modhe.

Jøcua 1:9

Ennø, a köömma ïïni. Mak riï ni bëëdï niï teek; ni ba bwøk cwïnyï ni ba lwäyï, kiper a na Wuuö Jwøk na näk Jwøk marï, a ena buutï kany wø ciï yie jaak.»

Jøcua 10:8

Kanyøgønø, Wuuö Jwøk aköö jï Jøcua, ni «Kärï lwäyö ki geni, kiper geni ge yaa nø cïp cerï; 'ba bäŋ dhaanhø aciel dïge mo maara lønyø jïre ki man cuŋŋe nyïmï kanyo tïme na ri leny.»

Jøcua 21:44

'Ba kaawat mana nø ö Wuuö Jwøki na kööŋe jï kwäcge, gena put mooc ki jwöm këël deŋ ŋöömö marge bäre, ni bäŋ dhaanhø aciel mo omaar cuŋŋö nyïmge røk nyïïmänge bëët kanya näk ri leny; ni ö Wuuö Jwøki ni put nyïïmän moge bëët cïp ceŋge.

Jøcua 3:7

'Ba Wuuö Jwøk aköö jï Jøcua, ni «Dïcäŋi en a tägö ki man tïïa ïïni ni ïïna dhaanhø mo kare dwøŋ nyïm jø Icriel bëët, nee ŋäcge naa bëëdö ka ïïni kaawat mana bëëda ki Modhe.

Jøcua 6:27

'Ba Wuuö Jwøk aput bëëtö ki Jøcua, ni ö nyeŋ Jøcua ni put wïnynye yi ŋöömmögø bäre.

Pïëmme 2:18

'Ba kany wø tïme ni Wuuö Jwøk pïëmi man nø di thïïŋö jïge, eni puta bëëtö ni nut buut pïëmi mano thïïŋe, ni køny jø Icriel ceŋ nyïïmän moge yïth nïr kwøw mo wø beet pïëmi manøgø; kiper Wuuö Jwøk cwïnye opädhö ki cooyø marge ki køør gïna tïïc jøøa dïïm geni na caar geni.

Pïëmme 6:16

'Ba Wuuö Jwøk aköö jïgø, ni «Ka adïëri møn, aano en buutï; ni putï jø Midien näk ni caala dhaanhø aciel jaak.»

1 Camiel 10:7

'Ba kanyø jootï nyuuthe moøgø noo tägö, wär put ŋäc ni Jwøk oløny ni bëëdö ki ïïni. Køøre nø, løny jïrï ki man tïïyï gïno tïïyï jaak.