Jeremaya 9:23 - Wëël Jwøk

²³ Mana caan Wuuö Jwøki beeye en, ena köö, ni «Ŋat mo wïïe leer kär töödö kiper leec wïc mare, ni ŋat mo oteeø kär töödö kiper teek mare, ni ŋat mo okwär kär töödö kiper kwär mare;

Jeremaya 9:23 Iomraidhean Croise

Jööp 32:13

Käru köö, ni ‹Waana jiy mo wïthwa leer; beerra man ö Jwøki ni bööt Jööp, ni patha dhaanhø.›

Jööp 41:15

Dïŋääe otïïö keda kööt leny mo ocaanø, ni ge bëëdö ni rege gääbö na aciel;

Pwöc Leec Wïc 11:4

Jap kwärö dhaanhø ba kønyge cäŋ ajäla, 'ba bëët bëënynyö dhaanhø wø käle wøk cer thøø.

Pwöc Leec Wïc 21:30

Leec wïc ki ŋäc tiet luup ki pwöc, bäŋgø mo kaala Wuuö Jwøk.

Pwöc Leec Wïc 3:5

Bëëdï niï ŋäätha Wuuö Jwøk ki cwïnyï bäre, ni ba bëëdï niï ŋäätha acaara marï keerï.

Luup Dïpööy 2:19

'Ba ŋäyi ŋa, kanymør ŋatøgø beeye ŋat mo wïïe leer, wala ŋat mo wïïe bäŋ acaara. 'Ba eni jammi moa tïïa ki leec wïc na ööla kiperge tier cäŋ piny kany en, dööŋ jïre. Manøgø thuwø poot na gïn mo bäŋ tiere.

Luup Dïpööy 9:11

Aani, da gïn mør ma acäŋa jootø tier cäŋ piny kany en. Ŋat mo ŋäc ŋwiec da kany ba käädhe ri ŋwïëy, no oteeø da kany ba bööde ri leny, ni ŋat wø wïïe leer da kany ba jïte ki cam, ni ŋat wø waŋe riek da kany ba jïte ki jap kwärö, ni ŋat wø ŋäc jammi da kany ba jïte ki pwøc. 'Ba da kany mo öö ki gum dëël mo tägö kiperge bëët.

Aydheea 10:8

Kiper ena köö, na «?Aŋø, kwääc lwaae mo leny 'moa, paa nyeye bëët?

Aydheea 20:5

Køøre jiy bëët puta lwäyö døc ni lää wïthge kanyo täk gïnögø dëët jø Kuuc na näk ege ŋäädhö, ki dëët jø Ijep na wara ŋwöge kiperge.

Aydheea 47:10

Ïïna bëëdö ni ïïno göök ri gïïa reyø ni wø tïïyï, ni kööï, ni ‹Bäŋ ŋat maa di joodø.› Leec wïc marï ki kwänynyö marï, ïïna tïïcge niï gaaï wøk. Kiper ïïna nø köö ki yi cwïnyï, ni ‹Bee aani keera, ni bäŋ ŋat mør këët mo kaala aani.›

Aydheea 5:21

Otïmö ni leth jï jø wø köö ni leerra wïthge keerge, ni wø car riek waŋ marge keerge.

Jeremaya 31:34

Ni këël doo bëëdö ni bäŋ ŋat pwöny watge ki coki, ni ‹Bëëdï niï ŋäya Wuuö Jwøk,› geno bëëdö naa ŋäcge bëët, ni tägi ka jiy moa kwörge therø këël jiy moa kwörge døøŋŋø; kiper gïïa bacge wiia wiiø, ni ba para wïïa ki raay moge këët.» Luummögø caana Wuuö Jwøki.

Jeremaya 48:14

«?U na jø Möap, aŋø ni wø kööu, ni ‹Waano otëëe, ni waana jiy mo këëdö ki leny mo teek.›?»

Jeremaya 48:7

Uuni ki dëëtu, uuno mak ki tøŋ ni käl uuni, kiper uuna bëëdö nou ŋäätha tïïe mou ki jap kwärö mou. Jwøu ma Kemöc okïth paac mør ni mak ki tøŋ, eni ki dïlämme moe ki jø wø tïny gø.

Jeremaya 49:4

Wui, u na cwïnynyu ogaa wøk en, ni wø ŋääth jap kwärö mou ni kööu, na ‹?Aŋa ni løny jïre ki man thunh baŋwa?› ?Aperŋø ni töödu kiper teek maru en, ni beeye teek mo døøa piny?

Edhikiel 29:9

Ijep odööŋ ni bäŋ gïrpiny yie. Køøre nø, oputge ŋäc ni bee aani na Wuuö Jwøk. « ‹'Ba kiper mana kööï, ni «Naam Nail bee mara, ni eni tïïya aani,»

Edhikiel 7:19

Gwet-bïrö moge oleeŋge nyeŋ jïëthe, ni ö warkie moge ni tïmge kaamar gïn mo ba waany. Gwet-bïrö moge ki warkie moge otïmö ni bäŋ køny mo tïïcge kiperge kanyo tïme na ri cäŋ wëër mar Wuuö Jwøk. Japøge ba cïpi ki jäŋ jïge wala yïthge päŋ ki ge, kiper beege japa wëëk geni päth yïth raay.

Daniel 3:15

Ennø, ni näk mo rou you jiiŋŋø, kanyo wïnynyu dwør tuuŋ, ki dwør opelø, ki dwør thoom, ki dwør thoom-othïënhö, ki dwør buul, ki dööt wïth jap meeŋ bëët, ni putu cøŋŋu këël piny ni wøørru kït gïna näk yaa tïïö ki warkey, wøp; 'ba ni näk mo ba wøørru, kawaane waane en u put ka leeŋ yi maac mo orubö ni wärri. ?'Ba a jwøa ŋø nø noo piem uuni cera?»

Daniel 4:37

Kawaane a na Nabukedenecör, a pwøya nyeya mar maal, ni tïŋa nyeŋŋe maal, ni jiema eni, kiper tïïe moe bëët beege adïëri, ni jïëth tïïe moe tiir, ni eni løny jïre ki man dwøk jiy piny mo wø bëëdö ni cwïnyge da atöör.

Mikiya 6:8

Wui ï na dhaanhø, Wuuö Jwøk gïna beer anyoodhe jïrï. ?'Ba Wuuö Jwøk agïnaŋø ni manynye baŋï? Beeye ki man ŋølï luup na karge, ki man nyoothï mëër man wø ba jøøl, ki man cäädhï ki Jwøk marï ni riï iï dwøk piny.

Jepaniya 1:18

Bäŋ gwel-bïrö marge wala warkey marge mo løny jïre ki man piem geni yi cäŋ wëër mar Wuuö Jwøk; piny bäre ränynyö ki maa këëny cwïny mare, kiper eni jø bäät piny bëët thööre thöörö ki 'näk ki jöö mo di lwäärö.

Maak 10:24

'Ba bääge yïthge athäŋŋö ki luupe. 'Ba Jecu acäŋ köö jïge, «Obwöre, døny buc Jwøk teee ki teek mo nyïëdi ki man døny yie.

Wëëlö Mana Göör Pøølli Baŋ Jø Röm 1:22

'Ba na köge ni wïthge leer, gena tïmö na bøøre,

1 Körin 1:31

Kiper ogöörö, ni «Ŋat wäro töödö, wär wø tööde kiper Wuuö Jwøk.»

Tiet Ciik 8:17

Kanymør u köö ki cwïnynyu, ni ‹Beeye riek waŋ marwa ki teek bäätwa na tïïc japi ni thööth ii jïwa.›

Pilipay 3:10

kiper naa tïma naa ŋäya eni, ki teek duunne wøk ki yi thøø, naa tïma naa nywaaga gïïa leth na jwøre, ni tïma kaamare ri thøwe;

Pilipay 3:8

Ni jammi bëët ataa møn, kiper mana beerra eni døc beeye ki man ŋääa Krictø Jecu na näk Kwääya. Ni beeye kipere na taaa jammi bëët, ni neeta geni kaamar juu mo owetø, kiper nee Krictø ci jïra,

1 Timöthi 6:10

Kiper mëëc jammi beeye wø käl teeŋ raay bëët. Ni beeye päl cwïny kiper jammi na tïm jø møøki ni geno gaa wøk ri ŋäädhe, ni raanyge cwïnyge ki luup mo thööth mo leth.

1 Camiel 17:42

'Ba kanya ö nyï Pilitinni manøgø na lwïthe, eni Deebit ajoode, ni put Deebit taak døc; kiper kar kaagø, Deebit poot thiinh, ni dëëre pulli, ni nëëni ni kïte mïërö.