Jeremaya 9:2 - Wëël Jwøk

² Wui, aŋø ni ba tïme ni da abïla jïra mo bëëda yie dï paap en, mo caala kany wø but jø wääthi yie, naa paanya raa buut jø powa ni wiia geni! Kiper gena jø lugi bëët, ni gena lwaa jiy mo tïïö ki gïï mo reyø ki piny.

Jeremaya 9:2 Iomraidhean Croise

Aydheea 59:3

Kiper ceŋŋu atïmö ni ba waany ki rem jiy moa kønynyu piny, ni lweetu bëëdö ni temma gïï mo reyø. Dhøgu päŋ ki luup tööt, ni lëëpu cara luup mo reyø.

Jeremaya 12:1

Wui, Wuuö Jwøk, ï bëëdö ni marï adïëri kany wø lööa nyïmï; 'ba ï poot pëënynya pëënynyö kiper ŋøl marï. ?Aŋø, aperŋø ni ö gïï wø tïïc jø raayi ni thurge karge jïge en? ?Na aperŋø ni ö jiyi bëët mo wø tïïö ki gïï mo reyø ki piny ni bëëtge ni bëëtö marge jööt jaak?

Jeremaya 12:6

Kiper këël nyïïmeru ki dhi øt wäru kiree atïïö ki gïï mo reyø dëërï ki piny, ni ge poot kwöŋŋö køørï døc ki nyeŋŋï. Ïïni, kär niï ŋäätha geni, këël ge doo cäänö ki luup mo beyø jïrï.»

Jeremaya 13:22

'Ba ni näk miï köö ki cwïnyï, na ‹?Aperŋø na ö gïnni ni leth en bääta?› beeye kiper raay moï na thööth na tïmï kaamar dhaagø ma abïïne okäl wøk dëëre, ni dööŋe ki dëëre.

Jeremaya 23:10

Kiper paac päŋ ki jø luui, ni tïm ŋøømmi ni kïmmö ki køør acïëni mana pïï bääte, ni ö kwör kwaathi bëët moa en paap ni talge. Nyïïkuk Jwøk jöör bëëtö marge raac, ni teek marge tïïcge ka jöö mo patha kare.

Jeremaya 4:22

'Ba Wuuö Jwøk aköö, ni «Jiya bëëdö ni wïthge teek, ni ge bëëdö naa kucge, ni ge caala obwöre ma bøøre, ni wïthge bäŋ acaara. Nyeŋge reegø ka tïïc gïï mo reyø, 'ba tïïc gïn mo beer kucge.»

Jeremaya 5:1

'Ba Wuuö Jwøk aköö, ni «U na jø Jerucalem, jøøyu dï pääny maru bäre; ni neetu bëët jiy moe døøc nee jootu, ni manynyu kwör acooŋe moe. Ni näk mou jïtö ki dhaanhø mo tïïö na kare, ni manynya adïëri, aani Jerucalem wëënna wëënnö ki køøre.

Jeremaya 5:11

kiper jø Icriel ki jø Juuda gena tïïö ki gïï mo reyø døc dëëra.

Jeremaya 5:2

'Ba këël jø Jerucalem doo kööŋ ni köge, ‹Ŋëët Wuuö Jwøk, Jwøa kwøw,› ka adïëri møn, kööŋ marge poot na tööt jaak.»

Odheea 4:2

'Ba atïmö ni nuta acëënne, ki bëët tööt, ki 'näk jiy, ki bëët käw, ki bëët lugi. Jiy atïmö ni ge tïïya okiera, ni bëët remø ni øya piny cooth bäät rem møga.

Odheea 5:7

Gena tïmö ni ge tïïö ki riek waŋ dëër Wuuö Jwøk, ni ge nyöödö ko obwöre ma nyïïkwaalle. 'Ba geni ki pwöth moge geno ränynyi ki køør wödö man wø wøørge päär mar dwääy ki gø.

Odheea 6:7

«'Ba kaawat mana tïïc kanya cwøl na Adam, geni luumma tuuda ki kwäcge akwierge, ni ge bëëdö ni nyeŋge ege døøc mo reegø ki aani, a na Jwøk.

Odheea 7:4

'Ba gena jø luuy ge bëët, mo cwïnyge lïëth kaamar buur maa dääpe man wø äp ŋat wø budö, ni wø wec ni wärri jaak këël kanyo kïth dääpe yie.

Mikiya 6:12

Jiy moa no okwär dï pääny, yïthge päŋ ki tïïc gïï mo reyø, ni jø wø bëëdö yi pääny manøgø, ge cara tööt, ni lëëpge cara luup cwøk.

Jepaniya 3:4

Nyïïkuk Jwøk moe gena jiy mo wïthge reyø, ni wïth jiy maaŋge maaŋŋø. Dïlämme moe kar lam mana en kur keere atïïcge ni ba waany, ni raanyge ciik.

Milkiya 2:11

Jøøa bëëdö yi ŋööm Juuda gena tïïö ka atade, ni tïïge ki gïn mo raac døc yi Icriel ki yi Jerucalem, kiper jøøa bëëdö yi ŋöömmögø, øt lam na en kur keere mar Wuuö Jwøk mana mëëre ki gø apäätge ki køør mana nyöömge ki mään mo wøøra jwøk mør.

Milkiya 2:14

Ni pëëu ni kööu, na «?Aperŋø na ba jïëc geni?» 'Ba beeye kiper Wuuö Jwøk bëëdö ni neeta luum nywöm mana tuutu yïthakiyu ki cïïï mana nywømï ni ïïna wøp; 'ba ïïna tïïö ka atade dëëre, këël na bëëde ni uuna dëël aciel ki gø ni näk cïïï na tuutu luum nywöm ki gø.

Jeemeth 4:4

?Nyie, u ni wø kwier luum Jwøk en, kuyu ni ŋat wø näk nyïïawäädi ki piny, mare män ki Jwøk? Kiper manøgønø, ŋat wø many piny nee tïme na nyawatge, wø tïïya ree ni ena nyimän Jwøk.

Pïëmme 2:10

'Ba jøøa en yi beenhnhø maneca bëët gena thøw thuwø, ni läpge køør kwäcge; ni ö jiyi moa en yi beenhnhø mana öö køør jøøgø ni døøŋge. 'Ba geni na en yi beenhnhø manøgø, Wuuö Jwøk kucge; këël gïïa tïïe kiper jø Icriel kucge thuwø.