Jeremaya 9:16 - Wëël Jwøk

¹⁶ Ni keetha geni dï wïth juurre mo kucge, mo kuc wëëkge thuwø. Ni jääŋŋa tøŋ køørge këël mano thööra geni.»

Jeremaya 9:16 Iomraidhean Croise

Neemiya 1:8

«Beerra man lääŋŋï luubö mana köömmï dhaanhnhï ma Modhe ki gø na kööï, ni ‹Ni näk mou bëëdö ni cwïnynyu ogaa wøk, u keetha keethø dï wïth juurre.

Luup Dïpööy 12:5

Maya thuwø, jiy tïmö ni lwäär ki man ethge kwöra en maal, ni ge lwäär ki gïïo reyø noo tägi nyeŋ jïëthe; ni beeye kanyo tïm wïth jenni ni ŋøøk, na aditwie tuta dëëtge ki öölö, ni bäŋ gïr met ec mo many dhaanhe këët. Køøre nø, dhaanhø cøøa kar aŋuun bëëtö mare, ni ö jiyi moo kïmmi ni bëëtge ni ge wïïrö nyeŋ jïëthe jaak.

Jeremaya 13:24

Kiper manøgønø, ï na Jerucalem, jiy moï okeetha kaamar lethø ni wø køøl jame paap.

Jeremaya 24:10

Aani, mänye ki käc ki täw mo leth jääŋŋa jääŋŋö bäätge, këël mano thumge ki thøø yi ŋöömma cïba jïge ki kwäcge.»

Jeremaya 25:27

Ni kö Wuuö Jwøki jïra, ni «Caanï jïge, ni ‹Luumma caan Wuuö Jwøki, Jwø Icriel, eni na wïth jammi bëët, beeye en: Mäthu ni meerru, ni ŋwøgu, ni päänhnhu, ni ba duu maal këët, ki køør mäny mano jääŋŋa baŋu.›

Jeremaya 29:17

Luumma caan Wuuö Jwøki, eni na wïth jammi bëët, beeye en, ena köö, ni «Ennø, leny ki käc ki täw mo leth jääŋŋa jääŋŋö bäätge, ni wëëga geni ränynyö kaamar nyïïolämmi mo odheeth mo ba løny ki cam kiper mana näk mo geno kwäk.

Jeremaya 44:27

Ennø, waŋa yaa këël rege nee gïn mo leth kïtha bäätge ni patha gïn mo beer, ni ö jø Juuda bëët moi ni en Ijep ii ni thøwge ko opëëllö ki käc, këël mano thumge bëët.

Jeremaya 7:29

U na jø Jerucalem, gwääru wïthu wøk ni wetu ge, ni jwöŋu bäät thuuri moa leer, kiper Wuuö Jwøk beenhnhø maru man na wëëre ki gø anø kwiere ni wec gø.› »

Jeremaya 8:19

Ennø, kwac mar jø powa awïnyö ki paac mo kare bäär, ni ge köö, na «?Aŋø, Wuuö Jwøk ba en pøø Dhayan? ?Aŋø, eni na nyeny Dhayan tøør paare?» 'Ba aløk Wuuö Jwøki, na «?Aŋø, aperŋø ni bëëtge ni ge raanynya cwïnya ki køør juuga näk otieŋø na näk oballe na kälge ki baŋ juurre?»

Edhikiel 11:17

«Kiper manøgønø, caanï jïge ni man beeye luumma caan Kwäärö Wuuö Jwøki, ena köö, ni ‹Ge lïma wøk dï wïth juurre, ni käla geni wøk ki yïth mïëri moa näk geno keethø yïthge, ni cäŋa ŋööm Icriel cïpö jïge.

Edhikiel 12:15

«Kanyøgønø ŋäcge ŋääö ni bee aani na Wuuö Jwøk ki køør mano keetha geni dï wïth juurre ki yïth mïëri.

Edhikiel 14:17

«'Ba ni näk mo opëëllö yaa jääŋŋö yi ŋöömö marge ni kööa, ni ‹Beerra man ö opëëllö ni wïr dï ŋöömö marge bäre,› ni ööa ni nääa geni ki lääy moge,

Edhikiel 20:23

'Ba aana cäŋ kööŋ thuwø dï paap ki man keetha geni dï wïth juurre ki yïth mïëri,

Edhikiel 27:2

«Wär dhaanhø, wärï ki duut kïmmö mo cäänö kaper pääny Tayar.

Edhikiel 5:12

Dää thäk jiy moï geno thøw dïërï ki täw mo raac ki käc, ni ö dää thäk jiyï møga ni näk geni ko opëëllö ŋää kiir marï, ni keetha dää thäk jiyï møga yïth tuk piny, ni puta køørge ŋwiec døc ko opëëllö.

Edhikiel 5:2

'Ba kanyo thum nïne yie mo ciel Jerucalem dïër, dää thäk jïër wär waaŋï dï pääny. Ni lwørï dää thäk møøk ni ŋørï ge ko opëëllö deŋ pääny bäre. Ni ö thäk dääge moa no odööŋ ni kerï ge yi jamø. 'Ba aani, køørge ŋwiea ŋwieø ko opëëllö.

Ciik Kiper Dïlämme 26:33

'Ba uuni, u keetha keethø yïthakic wïth juurre, ni jääŋŋa tøŋ køøru cooth; ni ö ŋöömö maru ni ränynye, ni ö päänye mou ni ränyge ni nigeruuth.

Amøc 5:16

Ki køør gïïa tïïyu bëët, kwäärö Wuuö Jwøk, eni na wïth jammi bëët, aköö na ennø, «Dï paac otïmö ni da oduuru ni jiy jwöŋö ni ‹Wui wui›. Ni ö jø puurri ni cwøli kuna jwöŋge, ni ö jø wø ŋäc jwøk thøø ni cwøli baŋ gøøy oduuru;

Mikiya 2:4

'Ba dïcäŋece uuno cäŋ jiyi ki duut, ni duudögø beeye duut mar jwøk keec ec, ni beeye duut mano løøgu ni kööu, ni ‹Waana ränynyö na bäre! Wuuö Jwøk ŋøøp jø powa alwøre, alwøre baŋwa møn, ni cïp pwöth mowa jï jø wø mac paac.› »

Dhekaraya 7:14

'Ba aani gena puta keethø ka atuunna mo teek døc ni putge ci yïthakic wïth juurre mo kucge. Kanyøgø nø ŋöömö aput dööŋŋö ni bäŋ jiy yie, ni put tïmö ni bäŋ ŋat mo ci yie këët, kiper bee geni na tïïc ŋöömma beer nee dööŋe ni bäŋ jiy yie.› »

Tiet Ciik 28:25

«Wuuö Jwøk u wëëge böötö nyïm nyïïmännu. U aa wøk baŋ leny baŋge nou caatha jöö aciel; 'ba u bwøk nyïmge ni reŋu ki uutjïëthe abïriiø, ni ö wïth juurre mo bäät piny ni bwøk cwïnyge ki gïïa tägö dëëtu.

Tiet Ciik 28:36

«Wuuö Jwøk uuni ki ŋato røønynyu na nyeya maru, u kïthe baŋ wï jur mo kuyu mo kuc kwäyu thuwø, ni tïnynyu juu møøk kaace, ni beege jenni ki kïte mo otieŋø.

Tiet Ciik 28:64

«Wuuö Jwøk u di keethø dï wïth juurre moa en bäät piny bäre; ni tïmu nou lama juu møøk mo kuyu mo kuc kwäyu thuwø, ni beege jenni ki kïte mo otieŋø.

Tiet Ciik 32:26

Aana köö ni ge daa thöörö na bäre nee bäŋe dhaanhø mo par gïrge këët.

Tiet Ciik 4:27

Køøre Wuuö Jwøk uuno keethe dï wïth juurre, ni dööŋŋu nou nøk yïthakic wïth juurre moo ö Wuuö Jwøki noo riem uuni dïge.

Jeemeth 1:1

Aana Jeemeth na laŋ Jwøk ki Kwäärö ma Jecu Krictø. A määtha uuni na tuŋi apaar kurriiø, u no okeethø dï piny.