Jeremaya 9:15 - Wëël Jwøk

¹⁵ Kiper manøgønø, luumma caan Wuuö Jwøki, eni na wïth jammi bëët, eni na Jwø Icriel, beeye en, ena köö, ni «Ennø, jøøi tïïa tïïö nee gïï mo leth mo caala lweet jenni mo keec, ki pïï mo rege da cïm belge.

Jeremaya 9:15 Iomraidhean Croise

Aydheea 2:17

'Ba atöör mar jiy odwøk piny, ni ö bëëtö mar jø wø tïŋ dëëtge maal ni dwøgi piny. 'Ba Wuuö Jwøk keere beeye noo bëëdö ni di jiemø dïcäŋöce.

Aydheea 2:22

Weyu ŋääth dhaanhø, man ni jwïëy ka ume keere jaak en. ?Aŋø, da kare cøøn?

Jeremaya 23:15

«Kiper manøgønø, mana caana, a na Wuuö Jwøk, Jwø wïth jammi bëët, kiper nyïïkuk Jwøk moøgø beeye en: «Ka adïëri møn, aani, ge caama caamø ki lweet jaath mo keec, ni maadha geni ki pïï mo ree da cïm; kiper bëëtö mo raac anyaay paac bäre, ni tägi ka baŋ nyïïkuk Jwøk mo Jerucalem.»

Jeremaya 24:10

Aani, mänye ki käc ki täw mo leth jääŋŋa jääŋŋö bäätge, këël mano thumge ki thøø yi ŋöömma cïba jïge ki kwäcge.»

Jeremaya 25:15

Man beeye luumma caan Wuuö Jwøki jïra, eni na Jwø Icriel, ena köö, ni «Lwør athöönh ajäla man ni yie da køøŋø ni en cera en, ni nyootha wëër mara, ni cïpï gø jï wïth juurre moo jääŋŋa ïïni baŋge bëët nee maathge.

Jeremaya 44:27

Ennø, waŋa yaa këël rege nee gïn mo leth kïtha bäätge ni patha gïn mo beer, ni ö jø Juuda bëët moi ni en Ijep ii ni thøwge ko opëëllö ki käc, këël mano thumge bëët.

Jeremaya 49:37

Aani na Wuuö Jwøk, jø Ilam cwïnyge owëëga bwøk nyïm nyïïmän moge, nyïm jø wø many jwïëcge; aano kän bäätge ki gïn mo leth ki køør wëër mara ni wø liel kaamar maac. Tøŋ ojääŋŋa køørge këël mano thööra geni.

Jeremaya 8:14

'Ba jø paac aköö, na «?Aperŋø ni poodø nøø bëëdö jaak en? Cooŋø røø kanya ciel, nee ø cøø yïth päänye moa no ogeerø ni teek, nøø thumø ki thøø kaace. Kiper Wuuö Jwøk, Jwøk marø, marø anø ŋøl yi thøø, ni eni cïpa pïï mo rege da cïm jïïø nee maadhø, kiper mana bääyø dëëre.

Wëël Kïmmö 3:15

Aana maadhe ki jaath mo keec, ni wëëk a jäŋö ki gø.

Wëël Kïmmö 3:19

Wïïa apara ki caarø mara ki thääyö mara na caal cïm ki jaadha keec.

Edhikiel 5:12

Dää thäk jiy moï geno thøw dïërï ki täw mo raac ki käc, ni ö dää thäk jiyï møga ni näk geni ko opëëllö ŋää kiir marï, ni keetha dää thäk jiyï møga yïth tuk piny, ni puta køørge ŋwiec døc ko opëëllö.

Edhikiel 5:2

'Ba kanyo thum nïne yie mo ciel Jerucalem dïër, dää thäk jïër wär waaŋï dï pääny. Ni lwørï dää thäk møøk ni ŋørï ge ko opëëllö deŋ pääny bäre. Ni ö thäk dääge moa no odööŋ ni kerï ge yi jamø. 'Ba aani, køørge ŋwiea ŋwieø ko opëëllö.

Tiet Ciik 28:36

«Wuuö Jwøk uuni ki ŋato røønynyu na nyeya maru, u kïthe baŋ wï jur mo kuyu mo kuc kwäyu thuwø, ni tïnynyu juu møøk kaace, ni beege jenni ki kïte mo otieŋø.

Tiet Ciik 29:18

'Ba kär dee dhaanhø dïïu dïcäŋi, ma dïcwøø wala ma dhaagø, wala jø dhi øtø aciel, wala wï tuuŋ aciel, mo cwïnye døøa cään ki Wuuö Jwøk na näk Jwøø, ni cøøe ni tïny juu mo wïth juurre. Kär dee dhaanhø dïïu mo tïmö kaamar jaath mo nywøl ki nyïëdi mo reyø mo keec;

Mana Nyooth 8:11

'Ba nyeŋ cëëyögø cwøl ni Jaadha Keec. Ni tïm dää thäk pï näm ni keec. Ni thøw jiyi mo thööth ki pïï, kiper na tïmge ni keec.