Jeremaya 9:12 - Wëël Jwøk

¹² ?Aŋa nø ni wïïe leer, ni ŋäc tier gïnögø? ?Na aŋa nø na cään Wuuö Jwøki ki gø, nee luum Wuuö Jwøk købe? ?Na aperŋø na räny ŋöömö ni tïme kaamar paap mo bäŋ dhaanhø mo ci yie en?

Jeremaya 9:12 Iomraidhean Croise

Aydheea 42:23

?Aŋa dïïu noo wïny gïn, wala cega ïthe ki luup moo en yi nyïm?

Jeremaya 23:10

Kiper paac päŋ ki jø luui, ni tïm ŋøømmi ni kïmmö ki køør acïëni mana pïï bääte, ni ö kwör kwaathi bëët moa en paap ni talge. Nyïïkuk Jwøk jöör bëëtö marge raac, ni teek marge tïïcge ka jöö mo patha kare.

Jeremaya 23:16

Man beeye mana caan Wuuö Jwøki, Jwø wïth jammi bëët, ena köö, ni «Kär nou wïnynya luup nyïïkuk Jwøk moø ni køp luup yøø jïïu. Geni, ge pääŋa cwïnynyu jaak ki luup ŋäädhe mo oballe; luup moøgø ni carge yøø käla wïthge keerge, ni patha moa cur dhi Wuuö Jwøk.

Jeremaya 23:22

'Ba doo na geno bëëdö wï maac mara, a na Wuuö Jwøk, luup 'moa dege købø jï jiya, ni dege jiya duu wøk ki yïth uutjïëth raay moge, ki tïïe moge na reyø.

Jeremaya 23:28

Beerra man ö nyikuŋ Jwøki mana lägö ni caan gø ni beeye lääk mare keere, 'ba beerra man ö nyikuŋ Jwøki mano wïny luumma ni caan gø na kare. ?Aŋø, lethø pere wø leth kaamar beel?

Jeremaya 9:20

Wui, u na mään en, wïnynyu dwør Wuuö Jwøk, ni cegu ïthu ki luubö man wø ö wøk ki dhee. Pwönynyu nyïïu ki jwøk thøø, ni ö ŋati man nø ni pwöny wati ko oduuc thøø.

Edhikiel 14:23

Uuni, cwïnynyu cïbu piny ka ajäla mana pïï bäätge kanyo jootu bëëtö marge ki tïïe moge, kiper ŋäyu ŋääö ni gïna tïïa dëëtge paa gïrpiny jaak mo bäŋ tiere. Luummögø caana aani, a na Kwäärö Wuuö Jwøk.»

Odheea 14:9

Ni näk da ŋat mo wïïe leer, beerra man kwany tiet jammi moi; ni näk da ŋat mo tiet luup ŋääe, beerra man ŋäc ge, kiper jïëthe mo Wuuö Jwøk thïïŋ, ni jø wø marge beer wø cäädhö ki yïthge, 'ba jø wø tïïc raay ge pädhö yïthge.

Odheea 4:10

Geno cämö, 'ba ge ba jäŋ; geno bëëdö ki bëët käp, 'ba ge ba nyaay, kiper wïthge awïl ki Wuuö Jwøk.

Jool 1:11

Wui jø puur, wïthu lääge. Wui jø wø piith omøki, gööu ko oduuru, ni kïmmu kiper beel mou, ni beege cïndë ki gäbci, kiper caammi mo pwöth aränynyö.

Jepaniya 3:6

Wuuö Jwøk aköö, ni «Aani wïth juurre anø raanynya, ni wëëga kwör gwøk røk moge na teek na en gøøde mo kiir ränynyö. Nyeŋ jïëthe moge anø raanynya, ni tïme ni bäŋ ŋat mo cäädhi ki yïthge; ni wëëga päänye moge niruuth ni bäŋ dhaanhø mo obøth na bäre bäre.

Mathiew 24:15

«'Ba gïna näk ec raac ki gø døc na näk gïr ränynyö ojootu ni cuŋŋa yi kanya en kur keere na näk mar Jwøk, ni beeye gïna køp nyikuŋ Jwøki ma Daniel.» Beerra man ö ŋato kwaan luubö man ni ŋäc tier gø.

Tiet Ciik 32:29

Doo na gena jiy mo wïthge leer, tier gïnögø dege kwanyø; ni caarge gïno tägi dëëtge yi nyïme.

Mana Nyooth 1:3

Gwïëth en jï ŋato kwaan luupi ni køp gïï mo poot ena nyïm en nee wïnye. Ni gwïëth en jï jøw owïny ge, ni gwøkge gïïa näk ogöör yie, kiper kanya wäŋŋi acäännö.