Jeremaya 9:10 - Wëël Jwøk

¹⁰ Aani, a jwöŋö ni kïmma kiper powa bäre, këël kïte moa en yie, ni gööa ko oduuru kiper kwör kwaath na en dï paap, kiper gena ränynyö, ni bäŋe ŋat mo ci yïthge, ni bäŋe dwør dhieŋ mo wïnyi. Ni ö wenynyi ki lääy bëët ni bwøkge ni aacge.

Jeremaya 9:10 Iomraidhean Croise

Aydheea 41:15

Ka adïëri møn, ï tïïa tïïö niï caala gïr dïn man wø tut dhäki, na teeŋ gïr dïn mo nyään mo beth mo lage thööth, nee wïth kïte dwøgï piny ki gø, ni nyaaï thuuri piny ki gø ni tïmge kaamar lethø.

Aydheea 49:19

«Kiper kwöra no owiiø na no odööŋ keerge, ki ŋöömö maru na no oraanynyø, ka adïëri møn, otïmö ni thiinh kiper jø obëëdö yie, ni ö jøøa caar uuni ni tïm karge ni bäär døc.

Jeremaya 12:10

Kwääc tiet mïëri mo thööth paac mara na beer kaamar pwöth omøki oraanyge, ni nyørge gø ki tietge; ŋöömmögø na mara enø, na mëëra ki gø, oraanyge ni tïme kaamar paap.

Jeremaya 12:11

Geni ŋöömö mara oraanyge møn, ni bëët ŋöömö ni jwöŋö dëëra; ŋöömö bäre otïïcge na kany mo oränynyö, ni bäŋe ŋat mo caar gïr gø.

Jeremaya 12:4

?A këël kany mo nyïëdi nø noo bëët ŋøømmi no otal, noo bëët luummi bäre no onär? Këël lääy ki weny bëët athum ki thøø, ki køør rääö mar jø wø bëëdö yie, kiper ge wø köö, ni «Wuuö Jwøk aŋuun bëëtö marø ba nëëni jïre.»

Jeremaya 14:6

Na arëëni mo paap cuŋŋö jaak bäät thuuri moa leer, ni ge jwëëyö ni lëëpge onøbøønhnha kaamar guu; ni nyeŋge otal jaak kiper na bäŋe luum.»

Jeremaya 2:15

Nyïïmänne amärö bääte kaamar ŋuuwe, ni märge døc ni döötge ena maal. Paac mare atïïcge ni bäŋ gïn mo odööŋ yie, ni ö päänye moe ni ränyge, ni bäŋ jiy mo bëëdö yïthge.

Jeremaya 2:6

Geni, ge kär pëëö, ni ‹?Wuuö Jwøk en kaa, na käl øøni wøk ki yi ŋööm Ijep, na bwøth øøni ki dï paap, yïth pwöle mo otal mo ocöötö ki kääk, yi ŋöömma näk yie da meel na kany mo cøl ma kar thøø, yi ŋöömma näk bäŋ ŋat mo cør yie, na näk bäŋ ŋat mo bëëde yie?›

Jeremaya 23:10

Kiper paac päŋ ki jø luui, ni tïm ŋøømmi ni kïmmö ki køør acïëni mana pïï bääte, ni ö kwör kwaathi bëët moa en paap ni talge. Nyïïkuk Jwøk jöör bëëtö marge raac, ni teek marge tïïcge ka jöö mo patha kare.

Jeremaya 50:3

Kiper wï jur mo käla jï løø wï-piny öö ni tuk Babiløn, ni raany ŋöömö mare bäre, ni bäŋ ŋat mo bëëdö yie. Jiy ki lääy bëët obwøk ni aacge.

Jeremaya 7:29

U na jø Jerucalem, gwääru wïthu wøk ni wetu ge, ni jwöŋu bäät thuuri moa leer, kiper Wuuö Jwøk beenhnhø maru man na wëëre ki gø anø kwiere ni wec gø.› »

Jeremaya 8:18

Aani, kïmmö mara ba løny ki jook, ni cwïnya bëëdö ni peek bäre!

Wëël Kïmmö 1:16

«Kiper gïïögø bëët, a bëëdö naa jwöŋö, ni nyeŋŋa kwödö ki pïï, kiper bäŋ ŋat mo cøma cwïnya mo kare cään, mo dwøga jwïëy 'moa kare. Obwöre 'moa ŋäädhe marge aränynyö, kiper nyïïmän gena böödö.»

Wëël Kïmmö 2:11

Aani nyeŋŋa awer ki jwøk, ni jwïëya bëëdö ni kïmmö døc. Aani cwïnya apädhö døc ki kïmmö kiper ränynyö mar jø powa, ki man wø bëët obwöre moa therø ki moa mar na en kööthi ni geno räp piny nyeŋ jïëthe mo pääny.

Wëël Kïmmö 5:18

kiper Dhayan na näk Jerucalem aniruuth piny, ni tïme na kar bëëtö mar othööe.

Edhikiel 14:15

«'Ba ni näk mo lääc paap yaa jääŋŋö yi ŋöömö marge, ni ö obwöre moge ni thööri ya lääyi moøgø, ni dööŋ ŋöömö keere ni bäŋ gïrpiny yie, ni put tïmö ni bäŋ ŋat ŋuti ki yie kiper lääy,

Edhikiel 27:2

«Wär dhaanhø, wärï ki duut kïmmö mo cäänö kaper pääny Tayar.

Edhikiel 29:11

Bäŋ dhaanhø wala lääy mo ŋutö ki yie. Ni put tïmö ni bäŋ ŋat bëëdö yie ki cwiiri ma pïëraŋween.

Edhikiel 33:28

Aani, ŋöömö marge wëëga ränynyö ni dööŋe ni bäŋ gïrpiny yie, ni ö teek mar jø wø töödö yie ni cuŋe, ni ö kïte mo Icriel ni dööŋge keerge, ni put tïmö ni bäŋ ŋat mo ŋuti ki bäätge.

Edhikiel 6:6

Päänye moo bëëdu yïthge bëët oränynyi, ni ö kwör lam mou moa en bäät thuuri ni ränyge, kiper nee gïï wø cïp olämme mou bäätge nee ränyge ni tïmge ni bäŋgø; ni ö kït gïï wø lammu ni tøyi ni ränyge na bäre, ni ö gïï wø waaŋ gïï wø jïcge ŋwääi ni met bäätge moa näk mou ni ŋødi piny, ni ö jammi moa tïïyu ni putge tïmö ni bäŋgø.

Odheea 4:3

Kiper manøgønø, ŋöömö atal ni kïmme, ni ö jiyi moa bëëdö yie bëët ni öölge, ni rwöbe ka lääc paap ki wec maal bëët, ni ö reci moa en yi naama dwøŋ ni putge rwäänyö.

Jool 1:13

Wui, u na dïlämme, røøu keece dëëtu na abïïe, ni kïmmu; wui, u ni tïïc maru beeye cïp olämme bäät gïn wø cïp olämme bääte, gööu ko oduuru; wui, u ni wø tïny Jwøk mara, ööu ni thöörru wäär bäre ni keece ena dëëtu; kiper muuce mo beel, ki muuce mo kwøŋ bäŋgø mo kïtha yi Øt Jwøk maru këët.

Jool 1:19

Wui Wuuö Jwøk, a jwöŋö dëërï, kiper lïëth piny mo caala maac, kwör kwaath athööre dï paap, ni waaŋ jenni bëët moa en dï pwöla.

Amøc 5:1

U na dhi øt Icriel, wïnynyu jwøk thøø man jwøa bäätu en,

Amøc 5:16

Ki køør gïïa tïïyu bëët, kwäärö Wuuö Jwøk, eni na wïth jammi bëët, aköö na ennø, «Dï paac otïmö ni da oduuru ni jiy jwöŋö ni ‹Wui wui›. Ni ö jø puurri ni cwøli kuna jwöŋge, ni ö jø wø ŋäc jwøk thøø ni cwøli baŋ gøøy oduuru;

Mikiya 2:4

'Ba dïcäŋece uuno cäŋ jiyi ki duut, ni duudögø beeye duut mar jwøk keec ec, ni beeye duut mano løøgu ni kööu, ni ‹Waana ränynyö na bäre! Wuuö Jwøk ŋøøp jø powa alwøre, alwøre baŋwa møn, ni cïp pwöth mowa jï jø wø mac paac.› »

Mikiya 3:12

Kiper manøgønø, Dhayan na näk Jerucalem oränynyi ni neeruuth, ni puuri na pwöth jaak ki køøru, ni ö thuurri mana näk Øt Jwøk ogeer bääte ni tuue ka abuŋŋe.