Jeremaya 8:9 - Wëël Jwøk

⁹ Jøøa köö ni wïthge leer, wïthge olääy; cwïnyge obwøk ni mak geni. Neenï, gena kweer ki luum Wuuö Jwøk. ?'Ba a teeŋ leec wïc mo nyïëdi nø ni en jïge?

Jeremaya 8:9 Iomraidhean Croise

2 Nyeye 17:15

Ni kwierge ciik moe, ki luubö mana tuude ki kwäcge, ki luup moa cem geni ki ge. Ni tïmge ni ge caatha køør juu mo oballe jaak, ni tïmge ni bäŋ karge, ni caathge køør kööŋŋe mo wïth juurre møøk moa en deŋge, ni beege jøøa ö Wuuö Jwøki na kööm geni kiperge ni gïrge kär ŋwalge.

Jööp 5:12

Eni luup mo wø tuut jø wø nyeŋge reegø wø raanynye raanynyø, ni tïme ni bäŋ gïn mo thura kare këët ri tïïe moge.

Jööp 5:13

Eni jø wø ŋääth leec wïc marge keerge wø wëëge mak ka abïëp riek waŋ marge, ni ö japa tuutge ni laar tïmö ni bäŋ tietge.

Aydheea 19:11

'Ba kwääri mo Dhöän gena bøøre døc. Jiy moa wïthge leer ni wø cïpi ka acaare jï Peerø gena tïmö ni ge cïpa acaare mo reyø. Nyie jaay, kee uuna köö jï Peerø na bëëde, ni «Waana nyïïkwaac jøøa wïthge leer, ni kwäcwa beege nyeye moa dïkwøŋ.»

Aydheea 29:14

Kiper manøgønø, a cäŋa tïïö ki gïn mør mo ec thäŋŋö ki gø dëët jøøgø, ni beeye gïn mo rëëma ec mo ec thäŋŋö ki gø møn. Leec wïc mar jøøa wïthge leer wëëga ränynyö, ni ö jø wø laar tiet jammi joot ni tïmge ni tiet jammi ba kwanyge.»

Aydheea 43:27

Kwaru mana dïkwøŋ atïïö ki raay, ni ö jøøa cäänö na karï ni bääcge dëëra.

Aydheea 8:20

Beerra man cïpge ŋäädhe marge ri pwöc Wuuö Jwøk ki ciik moe. 'Ba ni näk luummögø ba tïïcge, nyootha gø ni bäŋ tar bäätge.

Jeremaya 15:6

Uuni, aana weyu, a na Wuuö Jwøk, ni bëëdu nou døøa ŋäthu. Kiper manøgønø, u jääla jäälö ni raanynya uuni; aana jøøm ni cwïnya ba wara ki uuni këët.

Jeremaya 19:7

« ‹Aani, acaare mo jø wø bëëdö Jerucalem ki dï Juuda bäre raanynya raanynyø yi paani, ni cïba geni dho opëëllö nyïm nyïïmän moge, jø wø many jwïëcge. Ni cïba rïŋ dëëtge na cam jï wec maal ki jï lääc paap.

Jeremaya 2:8

Këël dïlämme thuwø, ge kär pëëö, ni ‹?Wuuö Jwøk en kaa?› Jø wø caan tiet ciik a kärge ŋääö, ni ö dïbwöthe ni bääcge dëëra, ni ö nyïïkuk Jwøki ni køpge luup ki nyeŋ jwøa cwøl ni Baal, ni caathge køør juu mo bäŋ gïn duuge.

Jeremaya 49:7

'Ba man beeye luumma caan Wuuö Jwøki, eni na wïth jammi bëët, kiper Ëdöm, ena köö, na «?Aŋø, bäŋ jiy mo wïthge leer këët Tëman? ?Aŋø, pwöc atïmö ni bäŋgø baŋ jøøa nyeŋge reegø? ?A leec wïc marge aränynyö?

Jeremaya 6:15

?Aŋø, wïthge alääö ki gïna tïïcge na raac eci ki gø? Jïre bäär, wïthge kär lääö na bäre, ni nyeŋge kär tïmö ni law. Kiper manøgønø, kanyo jääla geni, ge puta ränynyö, ni thøwge ki jiy na aciel.» Luummögø caana Wuuö Jwøki.

Jeremaya 6:19

Wui, ï na piny, wïny gïn: Ka adïëri møn, a känna bäät jøøi ii ki gïn mo leth, ni beeye gïno duu acaare moge na reyø, kiper ïthge kärge ciiø ki luup 'moa, ni kweerge ki ciik 'moa thuwø.

Edhikiel 7:26

Jammi mo leth otägi ni rege döötge döötö, ki waae mo ööi ni rege lwöbö, ni ö geni ni manyge luup mo wø nyooth ki baŋ nyikuk Jwøk; 'ba otïmö ni bäŋ ciik ki baŋ dïlämme, ni bäŋe pwöc ki baŋ jø døøŋŋø.

Amøc 2:4

Wuuö Jwøk aköö na ennø, ni «Kiper mana ö jø Juuda na kaathge bääyö marge, a ba døø ŋääa ki man jääla geni, kiper mana kwierge ciik Wuuö Jwøk, ni kärge luumme gwøø; ni gaage wøk thuwø køør juu mo patha adïëri moa cääth kwäcge køørge.

Dhekaraya 13:4

«'Ba dïcäŋöca, nyikuŋ Jwøk man nø mana näk patha adïëri wïïe olääy ki køør luup tööt moe na care, ni ba ruye ka abïïna näk cwääc ka jïër ni wø käär nyïïkuk Jwøki, kaa mana wara røc gø ni maaŋŋa wïth jiy ki gø.

Tiet Ciik 4:6

Beerra man gwøgu geni ni kïthu geni bäät tïïc, kiper gïnögø tïmö na gïn mo nyootha leec wïc maru ki ŋäc acaara jï jiy bëët. Ni kanyo ö jiyi noo wïnyge gïr ciik moi, geno kööi, ni ‹Ka adïëri møn, wï juni ni dwøŋ en beege jiy mo wïthge leer ni wïthge da acaara.›

2 Timöthi 3:15

kaawat mana kwanyï weet Jwøk na en kur keerge na ööï ki gø ki thïnhö, ni wø løny ki man pwönyge ïïni ki jöör pïëm man piem jiy ki gø ki køør ŋäädhe na en ri Krictø Jecu.