Jeremaya 8:3 - Wëël Jwøk

³ Jiy mo odööŋ røk jøøi na reyø ii, ni beege mo odööŋ kwöro riema geni yïthge bëët, otïmö ni ge para thøø buut kwøw.» Luummögø caana Wuuö Jwøki, eni na wïth jammi bëët.

Jeremaya 8:3 Iomraidhean Croise

1 Nyeye 19:4

'Ba eni, ena aa dï paap ni cäädhe ki dïcäŋ bäre; ni cøøe ni pï piny tier abuŋŋö ni päc dëëre thøø, ni kööe, «Wui Wuuö Jwøk, aløny nø. Käl jwïëy 'moa, kiper ba beerra bëëtö mara ni kaala mar kwäcwa.»

Jeremaya 23:3

'Ba aani ki dëëra, jiya moa näk odööŋ ni kwøw ni caal pïïth dïëk 'moa, lema lemø yïth mïëri bëët moa riema geni yïthge, ni duua geni kar bëëtö marge, ni ö geni ni nyöötge ni nyaacge.

Jeremaya 23:8

'ba geno kööŋ, ni ‹Ŋëët Wuuö Jwøk, Jwøa kwøw, na käl jø Icriel wøk ki paana en jï løø wï-piny, ni duu geni ki mïëri bëët moa riem geni yïthge.› Køøre geno bëëdö yi ŋöömö marge.»

Jeremaya 29:14

Aano jootu møn, a na Wuuö Jwøk, ni duua uuni wøk ki yi bëët laŋ, ni lema uuni yïth mïëc wïth juurre bëët kwöra riema u yïthge bëët, ni duua uuni paana riema u wøk yie nou mak ki tøŋ.» Luummögø caana Wuuö Jwøki.

Jeremaya 29:28

Kiper ena jääk baŋwa ki dwøl Babiløn, ni kööe, ni ‹Bëët laŋ maru känna wøk ki kany mo bäär; beerra man gëëdu ki uudi ni bëëdu yïthge, ni piithu pwöth, ni cammu gïï wø ciek yïthge.› »

Jeremaya 40:12

Køøre jø Juuth bëët gena put duuö ki kwöra riem geni yïthge bëët, ni duuge Juuda ni öge Micpa baŋ Gedaliya, ni aacge ni lïmge ki nyïïomøki ki teeŋ nyïïjenni møga mo thööth døc.

Jeremaya 44:2

ni «Luumma caan Wuuö Jwøki, Jwø Icriel, eni na wïth jammi bëët, beeye en: Uuni, gïïa leth bëët na kïtha bäät Jerucalem ki bäät mïëri bëët mo Juuda ajootu, ni dïcäŋi ennø ge bëëdö ni geno ränynyö ni bäŋ jiy mo bëëdö yïthge,

Jeremaya 44:6

Kiper manøgønø, räny cwïny mara ki wëër mara ni wø wääŋö kaamar maac akïtha bäät Jerucalem ki bäät päänye mo Juuda, ni putge niruuth ni ränyge kaawat man bëëde dïcäŋi en.

Jeremaya 6:9

Mana caan Wuuö Jwøki, eni na wïth jammi bëët, beeye en, ena köö, ni «Dëëci ööi ni lemge jø Icriel moa dööŋ, kaawat man wø lem nyïïomøki moa no obøth ki pøn; kaawat man wø ö dïpun nyïïomøki wø dat bäät bat jaath man nø.»

Daniel 9:7

«Wui Kwäärö Wuuö Jwøk, ïïni bee ï wää bëënynyö, 'ba waani marwa beeye lään wïc, kaawat man bëëde dïcäŋi en, ni bee wa jø Juuda ki jø wø bëëdö Jerucalem, ki jø Icriel bëët moa en kwör mo cärö ki moa en kwör mo bäyö yïth mïëri bëët moa riemï ge yïthge, kiper ageeme moa tïïcge dëërï.

Ciik Kiper Dïlämme 26:33

'Ba uuni, u keetha keethø yïthakic wïth juurre, ni jääŋŋa tøŋ køøru cooth; ni ö ŋöömö maru ni ränynye, ni ö päänye mou ni ränyge ni nigeruuth.

Amøc 3:1

Uuni na jø Icriel, wïnynyu luummi en na caan Wuuö Jwøki dëëtu, na caane dëët jø dhi øt Icriel bäre moa käl wøk ki yïth ŋøøp Ijep. Ena köö,

Joona 4:3

'Ba ennø, wui, ï na Wuuö Jwøk, a kwaya ïïni, lwør jwïëya, kiper theemma thøø jïra ki man bëëda naa kwøw.»

Mikiya 2:3

Kiper manøgønø, mana caan Wuuö Jwøki beeye en, ena köö, ni «Ka adïëri møn, aani, a cädö ki man känna bäätu ki gïn mo leth, ni uuni bäŋ ŋat mo bøth ki gø; ni ba cäädhu këët ni jiy raŋu piny, kiper kar kaace, piny obëëdö ni raac.

Tiet Ciik 30:1

«'Ba kanyo nø täk gïïögø bëët dëëtu, ni beege gwïëth ka acëënne moa cïba nyïmmu, kanyo parru wïthu ki geni nou ena kwöra ö Wuuö Jwøki na näk Jwøu na keeth uuni yïthge dï wïth juurre bëët,

Tiet Ciik 30:4

'Ba këël na bëëde ni uuno keethø dï piny bäre, Wuuö Jwøk na näk Jwøu u cooŋe kanya ciel ki kwörögø, ni duu uuni ki kwöreka.

Mana Nyooth 6:16

ni ge cøøra kïte ko ogeeme, ni «Päthu bäätwa ni kannu waani ki waŋ ŋat en bäät wälu, ki wëëc Nyidiel.

Mana Nyooth 9:6

'Ba yïth nïrögø jiy thøø omanyge ni ba jootge gø. Ni parge thøø, 'ba thøø oreŋi buutge.