Jeremaya 8:10 - Wëël Jwøk

¹⁰ Kiper manøgønø, määrge omëëga jø møøk, ni cïba pwöth moge jï jøw oööi noo mac paac. Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø cwïnye atïmö ni päl ki jammi mo wø joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Jeremaya 8:10 Iomraidhean Croise

Jööp 31:10

doo beerra man ö dhaagø mara ni tïme na ŋat tïïc jï dïcwøø mør, ni buut cwøwi møøk ki gø.

Aydheea 28:7

'Ba këël nyikuk Jwøk ki dïlämme, ge mädhö ki kwøŋ mo keec, ni cääthge ni ge näännö ni ge bøømmø ki meerø. Ge bëëdö ni wïthge ocwöth køøŋe, ni ge cäädhi ni ge bøømmø kany wø mäthge ki kwøga keec. Ge bëëdö ni ge näännö ki meerø kany wø nyuunh geni ki luup, ni tïmge ni ge bääö ni luup ba ŋølge na adïëri.

Aydheea 57:17

Aana gootø ki geni ni jääla geni kiper päl cwïny marge na raac, ni kana täärnyïma ki geni ni mara gootø. 'Ba këël na jääla ge, gena cäŋ bëëdö ni ge gaa wøk, ni bëëtge ni ge cäädhi ka køør jap wø many cwïnyge.

Jeremaya 14:14

Ni kö Wuuö Jwøki jïra, ni «Nyïïkuk Jwøk moøgø, luup mo wø køpge ki nyeŋŋa, køpge ka wïthge, ni beege luup tööt. Geni, ge ba jääŋŋa aani, ni ge ba köömma aani, naa kär cäänö ki geni. 'Ba ge køpa luup tööt ki køør lääk moge, ki luup adïëda mo bäŋ gïn kønyge, ki cwøk mo käla wïthge keerge.

Jeremaya 14:18

Ni kany wø cøøa yie jaak töök paac, a joota jiy mo onääö ri leny! Ni kany wø cøøa pääny, a joota jiy mo onäk käci! Ni ö nyïïkuk Jwøki ki dïlämme ni bëëtge ni ge wïïrö kwör mo kucge.› »

Jeremaya 17:11

Ŋat wø jïti ki jap kwärö ki øtjöö mo patha kare, eni caala ajwiero mo buta bäät tøŋ møøk mo patha moe na leeŋ piny. 'Ba kanyo tïme na thäk nïr cwiiri moe, kwärö manøgø aay cere; 'ba noo tïme na aŋuudi, put ka ŋäc ni tïïc mana tïïe beeye tïï bøøl jaak.

Jeremaya 22:17

'Ba ïïni, waŋï ki cwïnyï wø ena køør jammi mo wø jöötï ki jïëth atade, ki køny rem jiy piny mo bäŋ gïn mo ege baaø, ki 'caar jiy ki thiel jiy piny.»

Jeremaya 32:32

kiper gïïa reyø bëët na tïïc jø Icrielli ki jø Juuda ni raanyge cwïnya, ni beeye geni ki nyeye moge, ki jø kööre moge, ki dïlämme moge, ki nyïïkuk Jwøk moge, ki jø wø bëëdö Jerucalem ki dï Juuda bäre.

Jeremaya 38:22

Ka adïëri møn, mään bëët moa näk odööŋ paan dwøŋ mar nyeny Juuda okäl wøk ni kïthi baŋ jøøa kwörge døøŋŋø mo nyeny Babiløn. Ni ö määnni moøgø ni cäänge ni köge, «ni ‹Nyïïawäätï moa näk iï ŋäädhö ïïna cøøkge ni böötge ïïni ki luubö; 'ba ennø, kanya tïme ni tietï omwøny onøti, ïïna wecge.›

Jeremaya 42:1

'Ba kwääri mo jø leny, ni beege Jöanan o Karëa ki Jaadhania wär Ocaya, ki kwääc jø leny møga bëët, ki jiy bëët, ki mana täge ki jiy moa kwörge bäŋgø këël mana pïïe ri jøøa kwörge døøŋŋø, gena ö baŋ nyikuŋ Jwøk ma Jeremaya,

Jeremaya 5:31

Nyïïkuk Jwøk atïmö ni køpa luup ki wïthge, ni beege luup tööt, ni ö dïlämme ni bwøthge jiy ki wïthge keerge; ni tïm yïth jiya ni met ka teeŋ gïï mo caala moøgø. ?'Ba u na jiya, agïnaŋø noo tägi dëëtu kanyo tïme na aŋuun japøgø?

Wëël Kïmmö 4:13

'Ba gïnögø tägi kaper raay moa tïïc nyïïkuk Jwøki moe, ki raay moa tïïc dïlämme moe, ki køør mana kønyge rem jiy moa beyø piny.

Edhikiel 33:31

Jiy ööa baŋï kaawat man wø tïïc dhaanhe jaak, ni pïge piny nyïmï kuna wïnyge luup moï kede gena jiya, 'ba ba kïthge bäät tïïc. Geni, ge cara luup mo beyø ki dhøkge, 'ba cwïnyge caara gïï mo reyø ki møt.

Amøc 5:11

Jøøa can wø thielu piny, ni jwägu geni ki beel. kiper manøgø nø, këël na gëënnu dëëtu ki uut kïte mo mïërö, u ba bëëdö yïthge; këël na pïïdhu ki jer omøki mo mïërö, u ba mädhö ki kwøk nyïïomøki moøgø.

Mikiya 2:4

'Ba dïcäŋece uuno cäŋ jiyi ki duut, ni duudögø beeye duut mar jwøk keec ec, ni beeye duut mano løøgu ni kööu, ni ‹Waana ränynyö na bäre! Wuuö Jwøk ŋøøp jø powa alwøre, alwøre baŋwa møn, ni cïp pwöth mowa jï jø wø mac paac.› »

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Mikiya 3:5

'Ba man beeye mana caan Wuuö Jwøki kiper nyïïkuk Jwøk mo wø køp luup ki wïthge, ni wø bwøth jiya nee gaage wøk, ena köö, ni «Kany wø näk da jiy mo tiet lakge di lëëŋŋö ki gïn mo nyamge, ge wø puta tïmö ni ge køpa luum bëët-mëër jïge. 'Ba ni näk da jiy mo dhøkge kär mooø ki cam, ge wø puta tïmö ni ge køpa luum leny jïge.

Abakuk 1:6

Kiper ka adïëri møn, aani jø Kaldia tïŋa maal, jøøa näk cwïnyge keec na näk cwïnyge piew ki lac gïrpiny, ni caathge piny bäre ki man macge kwör bëëte moa näk paa moge.

Jepaniya 1:13

Geni, jap kwärö moge otwier, ni dööŋ uudi moge ni bäŋ gïrpiny yïthge. Geno gëëdö ki uudi, 'ba ge ba bëëdö yïthge, ni pïïthge ko omøki, 'ba kwøk nyïïomøki ba maathge.»

Tayta 1:11

Män geni nee lïŋge, kiper ge kiera wïth tuŋi møga karge bëët, kiper mana pööge ki pwöc mana ba dege pöö ki gø. 'Ba pwöc marge bee kiper nee ge jïtge ki gwel ki jöö mo patha kare.

Tayta 1:7

'Ba ŋat wø raŋ acooŋ Jwøk, kiper mana tïme na ŋat wø tïny Jwøk, doo bäŋ ajäla ri bëëtö mare, ni paa ŋat mo koorrø, wala ŋat mo cwïnye laara ränynyö ni wëëre, wala ŋat meeye, wala wïnni, wala ŋat mo cwïnye päl kiper gïn joode.