Jeremaya 7:9 - Wëël Jwøk

⁹ Uuni, u wø kwädö, ni nääu ki jiy, ni kännu ki lugi, ni kööŋŋu ki tööt, ni waaŋŋu gïn wø jïye ŋwääi ni met jï jwøa cwøl ni Baal, ni cäädhu køør juu møøk mo käru kwøŋ ŋäc dïkwøŋ.

Jeremaya 7:9 Iomraidhean Croise

1 Nyeye 18:21

Køøre Ilaaja aö baŋ jiy ni kööe, na «?A këël kany mo nyïëdi noo bëëdu nou wïdö yïthakic acaare ariiø? Ni näk Wuuö Jwøk beeye Jwøka eni, caathu køøre; 'ba ni näk Baal beeye Jwøka eni, putu køøre caath.» 'Ba bäŋ dhaanhø mo odwögö jïgø ki luubö.

Bwøth Wøk 20:3

«Kär dee juu møøk jïrï këët nyïma.

Aydheea 1:13

Muuce mou moø ni bäŋ tietge yøø kär cïpu këët! Gïï wø jïcge ŋwääi ni met mou, yia raac ki ge døc. Wödö man wø wøørru cäŋ man wø päär dwääyi yie, ki wøør cäŋ jwömö, ka acooŋe mo wø cwøllu, a ba jïëy ki ge; kiper acook lam mo wø tïïyu, tïïyu ni bëëtö maru patha kare.

Aydheea 58:2

Kiper a manyge manynyø ki yi cäŋ cooth, keda gena jiy mo yïthge met ki man ŋäcge uutjïëthe 'moa. Dëëtge ege tïïö kaamar jiy mo caatha køør bëënynyö, ni ge bëëdö ni caala jiy mo ciik Jwøk marge kärge wiiø. A pëënyge pëënynyö ki man ŋunna geni, keda gena jiy mo ge mëër ki man ena buutge.

Jeremaya 1:16

naa jääla geni kiper rääö marge na wecge aani ni cïpge ko olämme jï juu møøk, ni wøørge gïïa tïïcge ki ceŋge.

Jeremaya 11:13

Kiper u na jø Juuda, juu mou atïmö ni thööth ni röömi ki kwään päänye mou, ni gïï wø waaŋŋu gïn wø jïye ŋwääi ni met bäätge jï Baal, jwøk mo duua lään wïc, thööth ni röömi ki kwään uutjïëthe mo Jerucalem.

Jeremaya 11:17

'Ba Wuuö Jwøk, eni na wïth jammi bëët, na këël tietu piny, aköö ni gïn mo leth käle ka bäätu, u na jø Icriel ki jø Juuda, kiper raay moa tïïyu ni u raanynya cwïnye ki køør mana waaŋŋu gïn wø jïye ŋwääi ni met jï Baal.

Jeremaya 13:10

Geni na jøøa reyø, ni wø kweer ki man wïnyge luup 'moa, ni wø bëëdö ni ge caatha køør teek wïc marge, ni wø caath køør juu møøk nee tïnyge ni wøørge geni, ge tïmö ni ge caala abïïnögø ni bäŋ gïn kønye këët enø.

Jeremaya 18:15

'Ba jiya aana wecge, ni tïmge ni ge wääŋö ki gïn wø jïye ŋwääi ni met jï juu mo oballe; ni ö juugögø ni wëëk tietge cwanynyø yïth uutjïëtha cääŋŋe na cørge yïthge, ni wëëkge ge wääth yïth uutjïëthe moa näk kär ŋeth.

Jeremaya 19:4

Kiper jiy 'moa aana wecge, ni tïïcge kany na kany wø lamge juu mo wïth juurre yie, ni waaŋge gïn wø jïye ŋwääi ni met jï juu moøgø mo kucge, mo kuc kwäcge, këël nyeye mo Juuda; ni pääŋge kany ki rem jiy mo bäŋ gïn mo ege baaø.

Jeremaya 32:29

Ni ö jø Babilønni moø ni këëdi ki päänyi en, ni dønyge yie, ni nyepge gø ki maac ni waaŋge gø. Ni waaŋge uudi bëët mo wø wääŋ jiyi bäätge ki gïn wø jïye ŋwääi ni met jï jwøa cwøl ni Baal, ni wø kunyge piny bäätge ki muuy mar køøŋø jï juu møøk, ni raanyge cwïnya.

Jeremaya 44:3

kiper gïïa reyø na tïïc jiyi ni raanyge cwïnya ki køør mana bëëtge ni ge cïpö ko olämme mo wø waaŋ jï juu møøk ni ge tïnynya geni, ni beege juu mo kucge dïkwøŋ, ni uuni ki kwäyu juugögø kuyu thuwø.

Jeremaya 44:8

?Aperŋø na raanynyu cwïnya ki køør gïïa tïïyu ki ceŋŋu en, ni cïpu ko olämme mo wø waaŋ jï juu moa path Ijep, paana ööu yie kiper bëëtö? Manøgø, u thööra rou, nou tïmu ni uuna gïr acïëni, na gïr ajøøŋ dï wïth juurre bëët mo bäät piny.

Jeremaya 44:9

?Aŋø, wïthu awïl ki gïïa reyø na tïïc kwäyu, ki gïïa reyø na tïïc nyeye mo Juuda ki määrge, ki gïïa reyø na tïïyu ki määru dï Jerucalem ki dï Juuda bäre?

Jeremaya 48:35

A na Wuuö Jwøk, jø Möap mo wø cïpi ko olämme jï juu moge kwör lam moa en bäät thuuri, ni wø wääŋge jïge ki gïn wø jïye ŋwääi ni met, raanynya raanynyø.

Jeremaya 5:2

'Ba këël jø Jerucalem doo kööŋ ni köge, ‹Ŋëët Wuuö Jwøk, Jwøa kwøw,› ka adïëri møn, kööŋ marge poot na tööt jaak.»

Jeremaya 5:7

'Ba Wuuö Jwøk aköö, ni «?Ï na Jerucalem, ïïno wëënna gø nidïï nø? Jiy moï aana wecge, ni kööŋge røk juu mo patha adïëri. Kanya nø caama geni ni jäŋge, rege agwaarge uut kääpe, ni känge ki lugi.

Jeremaya 7:6

ni juurre mo wø bëëdö dïïu ki kïïe ki määr thuunhnhi ba caaru, ni rem jiy mo bäŋ gïn mo ege baaø ba kønynyu piny kany jaak, ni ba cäädhu køør juu møøk mo käla ränynyö bäätu,

Edhikiel 18:18

'Ba wänni thøw kiper raaye keere; kiper eni wati amøde ni twier gø ki teek, ni tïïe ki gïï mo reyø yïthakic jø poge.

Edhikiel 20:30

«Kiper manøgønø, caanï jï jø Icriel ni man beeye luumma caan Kwäärö Wuuö Jwøki, ena köö, na ‹?Aŋø, dëëtu tïïyu tïïö ni ba waany kaawat mana tïïc kwäyu, ni dëëtu gathu gadhø ki käp ni nyeŋŋu ena køør kït gïïa wara lamge?

Edhikiel 23:39

Kiper kany wø ŋarge nyïïge nee cïpge no olämme jï kït gïï wø lamge, dïcäŋöca thuwø ge puta døny kar bëëtö mara na en kur keere kuna päätge gø; manøgø beeye gïn wø tïïcge yi øtø mara.

Edhikiel 5:11

Kiper manøgønø, Kwäärö Wuuö Jwøk aköö, ni «Ka adïëri møn, kaawat man bëëda naa kwøw en, kiper mana päätï øtø mara na en kur keere ki kït gïï wø lamï na reyø døc, ki gïïa näk ec raac ki ge, aani ki dëëra raa paanya paanyø buutï, ni ba nyoodha bäth ec mara jïrï wala ki man wara cwïnya ki ïïni.

Odheea 2:13

'Ba eno jääla kiper nïra beede ni lama jwø wø cwøl ni Baal, ni cïpö jïgø ko olämme; nïra beede ni wïïe owïl ki aani ni caatha køør omëërri moe, ni ïthe ee kïthö ki gwet-ïdhi, ni dëëre ee tïïö ni mïërö ki jap mïërö ma teeŋi. Luummögø caana aani, a na Wuuö Jwøk.

Odheea 6:9

Kaawat man wø møør dïtwïëte piny ni ge kurö ki dhaanhø, lwaa dïlämme atïmö na dïnäk jiy øtjöör Cekam; ka adïëri møn, gena tïïö ki gïï mo reyø døc.

Amøc 4:5

Waaŋŋu møø mo ree da thømmø na muuy mar dwøk met ec, ni ŋwöu kiper olämme mo wø cïpu ki met ec, ni töödu kiperge, kiper beeye mana manynyu.» Beeye Wuuö Jwøk ni cäänö enø.

Jepaniya 1:5

Ni beege jø wø këël cøŋge piny bäät uudi, ni wø løø wïthge maal kuna lamge cäŋ ki dwääy ki ceer, ni wø këël cøŋge piny ni kööŋge ri Wuuö Jwøk, ni ge cäŋa kööŋ ri jwø wø cwøl ni Milköm;

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

Wëëlö Mana Göör Pøølli Baŋ Jø Röm 2:2

'Ba ŋääø ni ŋøl mar Jwøk kany wø ŋøl jø wø tïïc teeŋ gïïögø wøk, mare beeye adïëri.

Tiet Ciik 32:17

Gena cïpö ko olämme jï juu mo reyø mo patha Jwøk ma adïëri, ni beege juu mo kucge dïkwøŋ, na juu mo nyärö mo jootge cään mo kär wøør kwäcge dïkwøŋ.

Mana Nyooth 21:8

'Ba mar jøøa lwäyö, ki jøøa näk kär jïëy, ki jøøa näk ocienø, ki dïnäk jiy, ki jø käp, ki jø thïëth, ki jø wø lam juu møøk, ki tööte bëët, marge beeye ciin yi naamo liel ki maa näk jïye keec ni lïëth døc, na näk beeye thøw oen cään.»

Mana Nyooth 22:15

'Ba guu, ki jø thïëth, ki kääpe, ki dïnäk jiy, ki jø wø lam juu møøk, ki jø wø mëër ki caan tööt oen wøk.

Pïëmme 5:8

Kanya ö jø Icrielli na jierge juu møøk kiper dëëtge, nyïïmän moge aput öö ki lenye mo teek këël dhøk kiiri moge. 'Ba dï jø leny mo jø Icriel moa näk jïtö ki kume ma pïëraŋween, bäŋ dhaanhø mo ojoodø ni cere da kwöt leny ki tøŋ.