Jeremaya 7:32 - Wëël Jwøk

³² Kiper manøgønø, da cääŋŋe mo ööi, mo kaace ba cwøl këët ni Töpeth wala Agäm Kïn Ben-Inöm; 'ba ocwøl na Agäm Kïn Kar Ŋaal Jiy, kiper jiy okoony Töpeth këël kanyo pääŋe ni bäŋ kany kuny yie.

Jeremaya 7:32 Iomraidhean Croise

2 Nyeye 23:10

Jöcaya thuwø, Töpeth, kanya raac ni wø waaŋ olämme yie na en yi goor Ben-Inöm atïïe ni ba waany, nee bäŋe dhaanhø mo waaŋ wääde wala nyaare no olämi jï Mölek këët.

Jeremaya 19:11

ni kööï jïge, ni ‹Luumma caan Wuuö Jwøki, eni na wïth jammi bëët, beeye en: Aani, jøøi ii ki pääny man raanynya raanynyø kaamar dak man na gøø piny en ni ba løny ki man dwøgi kare këët. Køøre geno koony Töpeth kany këël kanyo pääŋe ni bäŋ kany kuny yie.

Jeremaya 19:13

Uudi mo Jerucalem, ki mo nyeye mo Juuda, otïmö ni ba waany kaamar Töpeth, ni beege uudi bëët moa näk jiy wääŋö bäätge ki gïn wø jïye ŋwääi ni met ni ge lama cäŋ ki dwääy ki ceer, ni kunyge piny bäätge ki muuy mar køøŋø jï juu møøk.› »

Jeremaya 19:2

Ni ciï ya agäm-kïdi mana cwøl ni Ben Inöm, na en buut dhi kiir man wø leeŋ abänni yie, ni caanï luummi ni caana jïrï en kaace,

Jeremaya 19:6

Kiper manøgønø, da cääŋŋe mo öö, mo kany ba cwøl këët ni Töpeth wala Agäm Kïn Ben Inöm, 'ba ocwøl na Agäm Kïn Kar Ŋaal Jiy.

Jeremaya 31:40

Ni ö ya agäm-kïdi bäre kany wø leeŋ jiy yie moa no othøw, kany wø wet bur yie, ki pwöth bëët moa en deŋ waŋ Naam Kidaran løø paac jï løø kur tuul-cäŋ, këël mano pïïe kanya gun kiirri ki yie buut dhi kiir mana cwøl ni Dhi Kiir Okwëënyi, ni tïmge ni ge ena kur keerge jï Wuuö Jwøk. 'Ba päänyögø obëëdö ni ba daak ni ba nyaa piny këët na bäre bäre.»

Jeremaya 7:31

Gena gëëdö ki kwör lam kanya cwøl ni Töpeth, na en ya agäm-kïdi mana cwøl ni Ben-Inöm, kiper nee wäätge ki nyïïge waaŋge no olämme kaace, ni gïnögø beeye gïn mo ge kära köömmö ki man tïïcge gø, na acaac gïnögø bäŋgø mo oö wïïa thuwø.

Edhikiel 6:4

Kiper manøgønø, gïï wø cïp olämme mou bäätge oränynyi, ni ö gïï wø waaŋ jer wø jïcge ŋwääi ni met bäätge ni tøc geni. Aani, u nääa nääö deŋ kït gïï wø lammu.

Ciik Kiper Dïlämme 26:30

Aani kwör lam mou moa en bäät thuuri raanynya raanynyø, ni ö gïïö ni wø duuŋ gïn wø jïye ŋwääi ni met bäätge ni tøya geni, ni ö dëët jiy moa no othøw ni lööra ge bäät gïïa näk you tieŋø ni wø lammu moa no otøyø, kiper aano nø männö ki uuni.