Jeremaya 7:31 - Wëël Jwøk

³¹ Gena gëëdö ki kwör lam kanya cwøl ni Töpeth, na en ya agäm-kïdi mana cwøl ni Ben-Inöm, kiper nee wäätge ki nyïïge waaŋge no olämme kaace, ni gïnögø beeye gïn mo ge kära köömmö ki man tïïcge gø, na acaac gïnögø bäŋgø mo oö wïïa thuwø.

Jeremaya 7:31 Iomraidhean Croise

2 Nyeye 17:17

Ni waaŋge wäätge ki nyïïge no olämme jï juu møøk, ni tïïge ki jap adïëda, ni thööthge ki war, ni gathge dëëtge ki man tïïge ki gïï mo nëëni ni reyø ki jï Wuuö Jwøk, ni ge tïïya Wuuö Jwøk nee goote.

2 Nyeye 23:10

Jöcaya thuwø, Töpeth, kanya raac ni wø waaŋ olämme yie na en yi goor Ben-Inöm atïïe ni ba waany, nee bäŋe dhaanhø mo waaŋ wääde wala nyaare no olämi jï Mölek këët.

2 Nyeye 23:20

Ni ŋar dïlämme bëët mo wø lämö kwör lam moa en bäät thuuri na en kaace bäät gïï wø cïp olämme bäätge, ni waaŋ cuu jiy bäätge. Køøre ena døø Jerucalem.

2 Luup Nyeye 28:3

Ni eni wääŋö thuwø ki jer wø jïcge ŋwääi ni met ya agäm-kïn Ben Inöm, ni waaŋ wääte ki maac, ni cïpa ge no olämme, ni eni caatha køør gïïa raac yi Jwøki ki ge na tïïc wïth juurre moa riem Wuuö Jwøki wøk nyïm jø Icriel.

2 Luup Nyeye 33:6

'Ba wääde awaaŋe ki maac no olämi ya agäm-kïn Ben Inöm, ni tïïe ki jap thïëth, ki jap adïëda, ki jap ajuuk, ni pëëny jiy mo rege da juu mo cøøra jwïëc jøøa no othøw, ki jiy mo cäänö ki juuk piny. 'Ba ena tïïö ki gïï mo thööth døc mo nëëni ni reyø ki jï Wuuö Jwøk, ni tïïya Wuuö Jwøk nee goote.

Aydheea 30:33

Kiper kar maac onø jiiŋŋø ki kany mo bäär; ka adïëri møn, onø jiiŋŋø kiper nyeny Aciria. Ojiiŋŋø na buur mo bäär mo yie dwøŋ, no oämmö ki maac mo wärri mo orubö ki jenni mo thööth. 'Ba jam dhi Wuuö Jwøk beeye na wëëk maac manøgø liel ni wärri.

Aydheea 57:5

Juu mou na näk patha adïëri lammu nou døøa dëëtu ki käp tiet jenni moa no onigïït piny, ni nyïïu ŋallu ŋallø ni cïpu ge jïge no olämme deŋ nyeŋ näm ki tiet agäp-kïte.

Jeremaya 19:2

Ni ciï ya agäm-kïdi mana cwøl ni Ben Inöm, na en buut dhi kiir man wø leeŋ abänni yie, ni caanï luummi ni caana jïrï en kaace,

Jeremaya 2:23

?Aŋø, ïïna diï köö nidïï ni dëërï kärï raanynyø, ni kööï niï kär ci køør juu mo wø cøøri ni Baal? Caar wïïï døøc ki jööra caathï ya agäm-kïdi, ni ŋäyï gïna tïïyï. Ï caala nya athïrööl mo wïïe känni ni wø jøøc piny jaak;

Jeremaya 32:34

'Ba gïïa näk ec raac ki ge døc ni wø lamge akïthge yi øtø man wø cwøl ri nyeŋŋa, ni ge tïïya gø ni ba waany.

Jeremaya 32:35

Ni gëëtge ki kwör lam jï Baal ya agäm-kïdi mana cwøl ni Ben Inöm, nee wäätge ki nyïïge waaŋge no olämme kaace jï Mölek, ni beeye gïn mo ge kära köömmö ki man tïïcge gø, na acaac gïnögø bäŋgø mo ö wïïa thuwø ki man tïïcge gïïögø ni ec raac ki ge døc yøø, ni wëëkge jø Juuda bääyö.

Edhikiel 16:20

« ‹Obwöc cwøw moï ko obwöc mään moï moa nywøla ki ïïni acïpï no olämme jï kït gïï wø lam ni tïmge na cam kiperge. ?Aŋø, bëët käp marï man wø gathï dëërï poot ba rømi nø?

Edhikiel 20:26

gena tïïa nee tïmge ni ge ba waany ki køør mana ö obwöre moge bëët moa näk kaai ni waaŋge ge ki maac ni ge cïpa ge no olämme. Ni manøgø a wëëga ge ränynyö, kiper nee ŋäcge ni bee aani na Wuuö Jwøk.›

Edhikiel 20:31

Kany wø cïpu muuce mou, ki kany wø kïthu wäätu yi maac nou waaŋa geni no olämme, u tïïya dëëtu ni ba waany ki kït gïï wø lammu bëët këël dïcäŋi. ?Wui, u na jø Icriel, u jïëa jïëö këët ki man pëënynyu aani? 'Ba ka adïëri møn, kaawat man bëëda naa kwøw en, aani, a na Kwäärö Wuuö Jwøk, a caana gø jïïu, a ba pëënynyu këët.

Ciik Kiper Dïlämme 18:21

« ‹Ki røk obwöre moï kär dee gø mo jïëyï jïëö nee ge cïp no olämi jï jwø wø cwøl ni Mölek, kiper tïmö niï pääta nyeŋ Jwøï; ni beeye aani na Wuuö Jwøk.

Mikiya 6:7

?Aŋø, løny jï Wuuö Jwøk ki man mïn yie ki nyöök rööm ma kume mo cïp no olämme, ki maaw mo caala pï näm mo thööth døc mo ba kwaan? ?Këël kanynya kiree, rømø ki man cïba gø no olämi kiper gïïa baaa? ?Eni na nyi yia, rømø ki man cïba gø kiper raay mo dëëra?

Tiet Ciik 12:31

Kär dee teeŋ gïn mo caala manøgø mo tïïyu dëër Wuuö Jwøk na näk Jwøu, kiper jøøgø jammi bëët moa näk yi Wuuö Jwøk raac ki ge, na mäne ki ge, beege ni wø tïïcge jï juu moge. Kiper geni, këël obwöre moge moa näk cwøw ki moa näk mään wø waaŋge waaŋø no olämme jï juu moge.

Tiet Ciik 17:3

ni aae ni tïny juu møøk, ni lam geni, wala lama cäŋ wala dwääy wala jap maal bëët mou kära köömmö ki geni nee lammu,

Tiet Ciik 18:10

Kär dee dhaanhø mo joot dïïu mo waaŋa wääde wala nyaare ki maac no olämi, wala ŋat adïëda, wala ŋat mo tïïö ki wäälli, wala ŋat mo thöödhö ki war, wala ŋat ma ajwøa jaak,

Jøcua 15:8

Køøre keew acäŋ aay ki Goor Ben-Inöm ni coonya deŋ kïdi mana bëët pääny jø Jeebuc bääte, ni beeye Jerucalem, ni keew cøra jï løø tier-piny; ni aae ni coonya wï kïdi mana en buut Goor Inöm jï løø kur pänh-cäŋ, na en ya aŋuun Goor Rapayim na en jï løø wï-piny.