Jeremaya 7:30 - Wëël Jwøk

³⁰ Ni kö Wuuö Jwøki, ni «Jø Juuda atïïö ki gïï mo neeni ni reyø ki jïra; gïïa näk ec raac ki ge acïpge yi øtø mana cwøl ri nyeŋŋa, ni ge tïïya gø ni ba waany.

Jeremaya 7:30 Iomraidhean Croise

2 Nyeye 21:3

Kiper eni kwör wø läm jiyi yïthge bäät thuuri na raany wänni ma Edhekaya acäŋ geerrø, ni tïïe ki gïï wø cïp olämme bäätge jï juuk wø cwøl ni Baal, ni tëëŋe ki jenni ni caa ge ri jwø wø cwøl na Acara, kaawat mana tïïc Akapi nyeny Icriel, ni wøør jap maal ni tïny geni.

2 Nyeye 21:4

Køøre ena tïïö ki gïï wø cïp olämme bäätge jï juu møøk yi Øt Wuuö Jwøk, ni beeye øtø mana kö Wuuö Jwøki ni nyeŋŋe doo wøørø yie yi Jerucalem.

2 Nyeye 21:7

Køøre eni jaadha näk ee tieŋø na näk ocaa ri jwøa cwøl na Acara acwöth piny yi Øt Wuuö Jwøk, ni beeye øda kö Wuuö Jwøki jï Deebit ki wääde ma Cølöman, ni «Jerucalem ki øtø man ni en yie en, yaa jierø ki røk kwör wø bëët wïth tuŋi mo jø Icriel yïthge bëët, nee nyeŋŋa bëëde ni ŋäc yie na bäre bäre.

2 Nyeye 23:12

'Ba gïï wø cïp olämme bäätge moa tïïc nyeye mo Juuda wï thääŋ øtø mana geer Eeyethi wï øtø maal, ki moa tïïc Maneeca yïth käälle moa na ariiø mo Øt Wuuö Jwøk, akäl nyeya ma Jöcaya wøk ni tøc ge na thäŋi, ni leeŋ thäŋi moge yi waŋ Naam Kidaran.

2 Luup Nyeye 33:15

Kanyøgø eni, juu moa path, ki kït gïn wø lam na näk ee tieŋø akäl wøk yi Øt Wuuö Jwøk, këël ki gïï wø cïp olämme bäätge bëët moa näk ee tïïö bäät thuur Øt Wuuö Jwøk ki yi Jerucalem, ni put ge leeŋ wøk ŋää pääny.

2 Luup Nyeye 33:3

Kiper eni kwör wø läm jiyi yïthge bäät thuuri, na raany wänni ma Edhekaya, acäŋ geerrø, ni tïïe ki gïï wø cïp olämme bäätge jï juuk wø cwøl ni Baal, ni tëëŋe ki jenni ni caa ge ri jwø wø cwøl na Acara, ni wøør jap maal ni tïny geni.

2 Luup Nyeye 33:7

Køøre eni kït gïn wø lam na näk ee tieŋø acwöth piny yi Øt Jwøk, ni beeye øda kö Jwøki jï Deebit ki wääde ma Cølöman, ni «Jerucalem ki øtø man ni en yie en, yaa jierø ki røk kwör wø bëët wïth tuŋi mo jø Icriel yïthge bëët, nee nyeŋŋa bëëde ni ŋäc yie na bäre bäre.

Aydheea 66:4

Kiper manøgønø, ge jëënna jëënnö ka ajäla, a kïtha bäätge ki gïn mo ge lwäär ki gø. Kiper aana cwödö, ni bäŋ ŋat mo ojïëy, ni cääna, ni bäŋ ŋat mo ïthe ee ciiø. Gena tïïö ki gïï mo reyø nyïma, ni jierge jammi mo cwïnya ba mïnni ki ge.»

Jeremaya 16:18

Aani, pïïn raay moa tïïcge ki gïïa bacge coola coolø dëëtge na kwöre ariiø, kiper ŋöömma araanyge, ni pääŋge gø ki juu moge na reyø døc na näk dëëtge bäŋ jwïëy, gïïa näk yia raac ki ge døc.»

Jeremaya 23:11

Wuuö Jwøk aköö, ni «Nyïïkuk Jwøk ki dïlämme bëët bëëtö marge araanyge; këël ki yi øtø mara kiree, gena jooda ni ge tïïö yie ki gïï mo reyø.

Jeremaya 32:34

'Ba gïïa näk ec raac ki ge døc ni wø lamge akïthge yi øtø man wø cwøl ri nyeŋŋa, ni ge tïïya gø ni ba waany.

Jeremaya 32:35

Ni gëëtge ki kwör lam jï Baal ya agäm-kïdi mana cwøl ni Ben Inöm, nee wäätge ki nyïïge waaŋge no olämme kaace jï Mölek, ni beeye gïn mo ge kära köömmö ki man tïïcge gø, na acaac gïnögø bäŋgø mo ö wïïa thuwø ki man tïïcge gïïögø ni ec raac ki ge døc yøø, ni wëëkge jø Juuda bääyö.

Edhikiel 7:20

Gena töödö kiper jap mïërö moge, ni dëëtge kønyge kønyø ki ge ki man tïïcge kït gïï wø lamge na näk yia raac ki ge. Kiper manøgønø, aani japøge tïïa tïïö jïge kaamar gïn mo ba waany.

Edhikiel 8:3

Kanyøgø gïn mo bëëdö kede cere arwiee ni mak aani ki gø ki jïëc wïïa; ni ö Jwïëc Jwøki ni put a tïŋ maal yïthakic piny ki maal; ni kïth a Jerucalem ki ri gïï wø nyooth Jwøki ki yi wïc, ni kïth a dhi kal mana en jï løø wï-piny mar kal mana en dïër, kanya näk ocöönhnhö ki kït gïn wø lam na käl këëny cwïny jï Wuuö Jwøk.

Daniel 11:31

«Ni ö lwaa leny mana en dëëre ni thïïŋge dëëtge dëër kar lam na näk ogeerø ni teek, ni mänge olämme mo wø cïp cooth. Køøre geni gïna näk ec raac ki gø døc na näk gïr ränynyö, cwöthge piny.

Daniel 9:27

'Ba kwäärö manøgø tudö ki luubö mo teek ma kar cwiiri abïriiø, ni tuude ka jiy mo thööth; 'ba noo tïme na thääŋ cwiiri abïriiø moøgø, eni, jiy di mänö ki man cïpö ko olämme ki muuce mo beel. 'Ba eni na käl ränynyö, gïna näk ec raac ki gø døc ocwöth piny wï Øt Jwøk, këël kanyo tïme na aŋuudi mano kïth ränynyö bääte mana näk oŋølø kipere.»