Jeremaya 7:28 - Wëël Jwøk

²⁸ Køøre ï köö jïge, ni ‹Paac man beeye paac mo luum Wuuö Jwøk, Jwøk mare, ba wïnynye, ni käre pwöc mare na leth wïnynyö thuwø; ni ö adïëri ni rwäänye, ni tïme ni bäŋ ŋat mo cäänö ka adïëri.

Jeremaya 7:28 Iomraidhean Croise

Pwöc Leec Wïc 1:7

Ki man lwäär Wuuö Jwøk beeye täk kwänynyö, 'ba jøøa wïthge känni, ge män ki leec wïc ki pwöc.

Aydheea 30:9

Kiper jøøgø beege jø ageem, ni geno obwöre ma tööte, ni beege obwöre mo wïthge teek ki man wïnyge ciik Wuuö Jwøk;

Jeremaya 11:10

Jø Icriel ki jø Juuda bëët, gena døø baŋ gïïa reyø na tïïc kwäcge, jøøa kweer ki man wïnyge luup 'moa, na cäädhö køør juu møøk nee tïnyge, na kaal luumma tuuda ki kwäcge.

Jeremaya 17:23

'Ba kwäyu, mara kärge wïnynyö, ni kärge ïthge ciiø ki dwøra. 'Ba wïthge adøøcge mo teek, ni kärge pwöc mara wïnynyö ni kärge gø jïëö.

Jeremaya 2:30

Aana tïïö ki gïï mo leth dëëtu, 'ba bäŋ pwöc mo you wïnynyö; opëëlle mou nyïïkuk Jwøk mou athöörge kaamar ŋuu mo owär.

Jeremaya 32:33

Ni öge bëët ni luuge ŋäthge baŋa ni patha nyïmge; ni këël na bëëda naa pwönynya geni cooth, ïthge kärge ciiø nee pwöc wïnyge.

Jeremaya 5:1

'Ba Wuuö Jwøk aköö, ni «U na jø Jerucalem, jøøyu dï pääny maru bäre; ni neetu bëët jiy moe døøc nee jootu, ni manynyu kwör acooŋe moe. Ni näk mou jïtö ki dhaanhø mo tïïö na kare, ni manynya adïëri, aani Jerucalem wëënna wëënnö ki køøre.

Jeremaya 5:3

Wui, ï na Wuuö Jwøk, ï manynya gïn ma adïëri. Ïïna tïïö ki gïï mo leth dëëtge, 'ba kärge lääŋŋö; gena thöörï, 'ba gena dhäthö ki man tiirge rege. Cwïnyge atïïcge ni teek ni kaala kïdi, ni kweerge ki man løkge cwïnyge.

Jeremaya 6:17

Ni kö Wuuö Jwøki, ni «Aana cïpö ki dïkuye jïïu mo koora uuni, ni kööa, ni ‹Cegu ïthu kanyo koothge tuuŋ!› 'Ba uuna köö, ni ‹Jïwa bäyö, ïthwa ba cekwa.› »

Jeremaya 6:28

Geni, gena jø ageem moa no opöödhö døc, ni ge wø wïdö jaak ni ge waya nyeŋ jiy. Ge caala jwïël ki nywïëny mo wø wet ŋat wø leeny gwel-bïrö, ni gena jiy mo reyø bëët.

Jeremaya 6:8

Ï na Jerucalem, ï köömmi; 'ba ni näk miï ba köömmi, ø pääö ki ïïni, ni tïïa ïïni na paac mo owii kur keere, na ŋöömö mo ba beet.»

Odheea 4:1

Wui jø Icriel, cegu ïthu ki dwør Wuuö Jwøk, kiper Wuuö Jwøk jïre da løøk ki uuni, u ni bëëdö yi ŋöömö man en, ni luummaca bee en, ena köö, na «Atïmö ni bäŋ jø ŋäädhe, ni bäŋ mëër, ni bäŋ acaara ki man ŋäc Jwøk yi ŋöömö man.

Jepaniya 3:2

Eni bäŋ dwøl mo wïnynye, ni bäŋ acaara mo jïëe. Eni Wuuö Jwøk käre ŋäädhö, ni eni ba nyiik buut Jwøk mare.

Jepaniya 3:7

Kanyøgø aana cädö ni jø Jerucalem doo løny ki man lwäcge ki aani, ni wïnyge pwöc 'moa. Køøre ŋöömö marge daa wiiø ni ba raanynya këët, ni ö ajäla mara bäre mana näk yaa cïp piny kipere ni ba kïtha gø bääte këët. 'Ba geni, ge poot pänynya maal kuna tïïcge japa reyø ki yïth tïïe moge bëët.»