Jeremaya 7:26 - Wëël Jwøk

²⁶ 'Ba uuni, mara käru wïnynyö, ni ïthu käru ciiø ki dwøra, 'ba wïthu adøøyu mo teek, ni tïïu ki gïï mo reyø mo kaala moa tïïc kwäyu.

Jeremaya 7:26 Iomraidhean Croise

1 Nyeye 14:22

'Ba jø Juuda gena tïïö ki gïï mo nëëni ni reyø ki jï Wuuö Jwøk, ni ö Wuuö Jwøki ni këëye ki køør gïïa reyø na tïïcge ni kaala moa tïïc kwäcge bëët.

1 Nyeye 14:9

Ïïni thuwø, ïïna tïmö niï tïïya raay mo thööth ni kaala moa tïïc jiy moa dïkwøŋ na bwøth maal nyïmï, ni ciï ni tïï ki juu møøk kiper dëërï, ni tïï ki kït gïï mo oleenyø na gïï lam, niï tïïya aani naa goota, ni kwierï aani.

2 Nyeye 17:14

'Ba jø Icriel ki jø Juuda luummögø kärge wïnynyö, ni bëëtge ni wïthge teek kaamar kwäcge, na kär Wuuö Jwøk, Jwøk marge, ŋäädhö.

2 Nyeye 17:15

Ni kwierge ciik moe, ki luubö mana tuude ki kwäcge, ki luup moa cem geni ki ge. Ni tïmge ni ge caatha køør juu mo oballe jaak, ni tïmge ni bäŋ karge, ni caathge køør kööŋŋe mo wïth juurre møøk moa en deŋge, ni beege jøøa ö Wuuö Jwøki na kööm geni kiperge ni gïrge kär ŋwalge.

2 Luup Nyeye 30:8

'Ba ennø, kär wïthu døøyu mo teek kaawat mana tïïc kwäyu, 'ba beerra man wïnynyu luum Wuuö Jwøk, ni dønynyu kar bëëtö mare na en kur keere, na näk ee cïp kur keere na bäre bäre, ni tïnynyu Wuuö Jwøk, Jwøk maru, nee wëër mare ni wø liel kaamar maac nee paanye bäätu.

2 Luup Nyeye 33:10

'Ba Wuuö Jwøk Maneeca ki jiye acäänne, 'ba ïthge kärge ciiø ki luum gø.

2 Luup Nyeye 33:23

'Ba Amön dëëre käre dwøk piny nyïm Wuuö Jwøk kaawat mana tïïc wänni ma Maneeca na dwøk dëëre piny, 'ba aput bëëte ni 'meeta raay moe.

Neemiya 9:29

«Ni köömmï geni ki man cäŋge rege luu baŋ ciik moï. 'Ba gena tïmö ni marge atöör, ni luup moa cemï ba wïnyge, ni bëëtge ni ge baya luup ŋøl moï moa caanï 'ni ni näk mo ogwøk dhaanhe, dhaanhø kwøw ki køørge. 'Ba geni, ki køør teek wïc marge, gena bëëdö ni wïthge ege cwiidø, ni ïthge ba cekge.

Pwöc Leec Wïc 29:1

Ŋat wø jøgi cooth, ni luup poot di dhalø, ränynyö ocwöp dëëre, ni bäŋ gïn køny gø.

Aydheea 48:4

Kiper ŋääa ni cwïnynyu teek, ni wïthu teek kaamar nywïënyö, ni teek wïc maru caala nywïënyö ma jwïël.

Aydheea 5:4

?Agïnaŋø mør këët nø, noo tïïa mo odööŋ ni kära tïïö kiper pwöth jer omøki mara? ?Kanya bëëda naa koora nyïëdi mo beyø ki man nywøl gø, aperŋø ni tïme ni nywøla nyïëdi mo reyø?

Jeremaya 11:8

'Ba dwøra kärge wïnynyö, ni ïthge kärge ciiø ki mara, ni ŋati man nø bëëdö ni caatha køør teek wïc mare mana ö ki køør rääö mana en cwïnye. Kiper manøgønø, luummi en na tuuda ki geni atïïa na ajäla bäätge, ni beeye luumma caana jïge nee kïthge bäät tïïc, 'ba kärge kïth bäät tïïc.› »

Jeremaya 16:12

'Ba uuni thuwø, uuna tïïö ki gïï mo reyø døc mo kaala moa tïïc kwäyu, kiper ŋati man nø dïïu bëëdö ni caatha køør teek wïc mare na öö ki køør rääö mana en cwïnye, ni mara ba wïnynyu.

Jeremaya 17:23

'Ba kwäyu, mara kärge wïnynyö, ni kärge ïthge ciiø ki dwøra. 'Ba wïthge adøøcge mo teek, ni kärge pwöc mara wïnynyö ni kärge gø jïëö.

Jeremaya 19:15

ni «Luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Ka adïëri møn, aani, gïïa leth bëët na nø caana käla bäät pääny man ki bäät mïëri bëët moa en deŋŋe, kiper wïthge adøøcge mo teek ni kweerge ki man cekge ïthge ki luup 'moa.› »

Jeremaya 22:21

Uuna köömma kanya bëëdu ni bëëtö maru jööt jaak, 'ba uuna köö, ni ‹Marï ba wïnywa!› Manøgø beeye bëëtö maru cøøn ki mana täge ki kanya täk paac yie, ni dwøra ba wïnynyu.

Jeremaya 25:3

ni «Ki yïth cwiiri moi na pïërariiø kurdäk ii, ki mana täge ki ra aŋuun cwiiri apaar kurdäk moa beet Jöcaya wär Amön ni ena nyeny Juuda, këël dïcäŋi en, dwør Wuuö Jwøk abëëdö ni öa bääta, ni cara gø jïïu cooth, 'ba dwøre käru wïnynyö.

Jeremaya 25:7

«'Ba luumma käru wïnynyö, a na Wuuö Jwøk, ni putu cwïnya raanynyø ki køør juu moa tïïyu ki ceŋŋu, nou käla gïï mo leth bäätu.»

Jeremaya 26:5

ni ba wïnynyu luup mo jiya ma nyïïkuk Jwøk mo wø jääŋŋa baŋu cooth, kaawat man wø bëëdu ni luupge ba wïnynyu cooth,

Jeremaya 29:19

Kiper geni, luup 'moa, a na Wuuö Jwøk, kärge wïnynyö, ni beege luup moa cara jïge cooth ki dhøk jiya ma nyïïkuk Jwøk. Ni uuni thuwø, u na mak ki tøŋ, dwøra käru wïnynyö.

Jeremaya 3:13

Mano tïïyï keere beeye ki man jïëyï raay moï, man näk mo ïïno gëëmö ki aani, a na Wuuö Jwøk, Jwøk marï, ki mana caathï køør juu moa path tiet jenni bëët moa no onigïït piny, ni dwøra kärï wïnynyö.› » Luummögø caana Wuuö Jwøki.

Jeremaya 32:23

Ni öge yie ni macge gø, 'ba dwørï kärge wïnynyö, ni kärge cäädhö køør ciik moï. Ni bäŋ gïn mo ege tïïö kiper gïïa köömmï geni ki ge bëët nee kïthge bäät tïïc, ni beeye tiere gø na jääŋŋï gïï na leth bëët ii bäätge.

Jeremaya 34:14

ni ‹Kany wø tïme na aŋuun bïriet cwiiri, ŋati man nø dïïu coki ma ŋat Ibaru mo dëëre ee biel baŋ gø, mo otïïö jïre ki cwiiri abïciel, dee wiiø nee aae.› 'Ba kwäyu, mara kärge wïnynyö, ni ïthge kärge ciiø ki mara.

Jeremaya 35:15

Aani thuwø, jiya ma nyïïkuk Jwøk bëët ajääŋŋa baŋu kwöre mo thööth, ni kööa, ni «Ŋati man nø dïïu luu ree ni wec jöör bëëtö mare na raac, ni tïïyu tïïe moa beyø, ni ba cäädhu køør juu møøk nou lama geni; køøre u bëëdö yi ŋöömö mana cïba jïïu ki jï kwäyu.» 'Ba ïthu käru ciiø ki dwøra, ni mara käru wïnynyö.

Jeremaya 35:17

«Kiper manøgønø, luumma caan Wuuö Jwøki, Jwø Icriel, eni na wïth jammi bëët, beeye en: ‹Ka adïëri møn, a känna bäät jø wø bëëdö Jerucalem bëët ki dï Juuda bäre ki gïn mo leth, ni beeye gïna näk yaa nø caan ni 'käla bäätge, kiper aana cäänö ki geni, ni kärge mara wïnynyö, ni cwøla geni, ni kärge mara løø.› »

Jeremaya 44:16

ni «Luubö mana caanï enø jïwa ki nyeŋ Wuuö Jwøk ba wïnywa.

Jeremaya 5:3

Wui, ï na Wuuö Jwøk, ï manynya gïn ma adïëri. Ïïna tïïö ki gïï mo leth dëëtge, 'ba kärge lääŋŋö; gena thöörï, 'ba gena dhäthö ki man tiirge rege. Cwïnyge atïïcge ni teek ni kaala kïdi, ni kweerge ki man løkge cwïnyge.

Jeremaya 6:10

'Ba aana köö, na «?Aŋa noo luumma noo köömma, nee luumma wïnynye? Ka adïëri møn, ïthge ege cïëgö, ni ba løny jïge ki man cekge ïthge. Ennø, luum Wuuö Jwøk atïmö ni jääla geni, ni tïm yïthge ni ba met ki gøøni.

Jeremaya 6:17

Ni kö Wuuö Jwøki, ni «Aana cïpö ki dïkuye jïïu mo koora uuni, ni kööa, ni ‹Cegu ïthu kanyo koothge tuuŋ!› 'Ba uuna köö, ni ‹Jïwa bäyö, ïthwa ba cekwa.› »

Jeremaya 7:24

'Ba mara kärge wïnynyö, ni ïthge kärge ciiø ki dwøra, 'ba gena tïmö ni ge cäädhi ka køør acaare moge, ki køør teek wïc marge na öö ki køør rääö mana en cwïnyge; ni bëëtö marge ba cääth maal, 'ba døøa piny.

Jeremaya 9:13

Ni løgi ya Wuuö Jwøki, ni «Beeye kiper mana wecge ciik 'moa na cïba jïge, ni kärge dwøra wïnynyö, ni kärge cäädhö ki køør ciik 'moa,

Edhikiel 12:2

ni «Wär dhaanhø, ï ena dï jiy ma jø ageem. Gena jiy mo da nyeŋ jïge mo raŋ, 'ba ge ba rääŋö; ni da ïdhi jïge mo wïnynyö, 'ba ge ba wïnyö; kiper gena jø ageem.

Edhikiel 12:3

«Kiper manøgønø, ï na wär dhaanhø, twöc jammi moï kede man wø täk bööki paac; ni putï tïŋŋö ki dïcäŋ ni nëënö jïge ni kede täga böök. Beerra man tïŋŋï paac marï ni ciï paac mør niï nëënö jïge. Kanymør tier gïnögø kwanyge kwanyø, këël na bëëtge ni gena jø ageem.

Edhikiel 20:30

«Kiper manøgønø, caanï jï jø Icriel ni man beeye luumma caan Kwäärö Wuuö Jwøki, ena köö, na ‹?Aŋø, dëëtu tïïyu tïïö ni ba waany kaawat mana tïïc kwäyu, ni dëëtu gathu gadhø ki käp ni nyeŋŋu ena køør kït gïïa wara lamge?

Daniel 9:6

Maya thuwø, dööt jiyï ma nyïïkuk Jwøk kärwa wïnynyö, jø wø køp luup ki nyeŋŋï jï nyeye mowa, ki jï kwääri mowa, ki jï wëëkwa, ki jï jiy bëët moa en yi ŋöömö.

Odheea 11:7

Gena reeth ri man løøge ŋäthge wøk ki aani, 'ba ge këël doo jwöŋö dëëra, a na Jwøa Dwøŋ ni en Maal, ge ba kønya.

Dhekaraya 7:11

«'Ba jiy akweer ki man cekge ïthge; ni putge ŋäthge løk ki dïwït marge, ni dhïŋge ïthge ni ge kwiera luup.

Milkiya 3:7

'Ba ki mana täge cøøn ki ri kwäyu, uuno gaa wøk ri ciik 'moa, ni käru geni gwøø. Ennø, duu baŋa; køøre nø, aano duu baŋu. «'Ba uuna köö, ni ‹?Waano duuwa baŋï nidïï?›

Mathiew 21:38

'Ba kanya ö jø puurri na jootge wääde, gena cäänö yïthakicge keerge ni köge, ni ‹Man beeye lwiidhø. Beerra man nääø gø, nee jape ci jïïø.›

Mathiew 23:32

'Ba ennø, putu bëëtö nou tïïya gïna tïïc kwäyu.

Moa Tïïc Nyïïatwieli 7:51

«U jø wïthu teek en, nou patha odaŋø ki yïth cwïnynyu ki ïthu en, cooth u wø kweeyø ki Jwïëc Jwøk na en kur keere. Keda mana kwøŋ kwäyu tïïc, beeye eni ni tïïyu en thuwø.

Wëëlö Mana Göör Pøølli Baŋ Jø Röm 2:5

'Ba kiper cwïnyï na teek na ba maarï løk, ï känna riï ki wëër mo päl, yi cäŋo ö wëërri yie, kanyo ö ŋøl luup mar Jwøk na näk adïëri noo nyoodhi.

Tiet Ciik 8:20

Kaawat mano ö Wuuö Jwøki noo thöör wïth juurre mo en nyïmmu, uuni thuwø u di thöörö, kiper mana käru dwør Wuuö Jwøk na näk Jwøu leŋø.