Jeremaya 7:23 - Wëël Jwøk

²³ 'Ba gïna köömma geni ki gø beeye en, aana köö, ni ‹Wïnynyu dwøra, 'ba aani, aano bëëdö ni aana Jwøk maru, ni bëëdu ni uuna jiya, ni cäädhu ki uutjïëthe bëët moa köömma uuni ki ge, nee bëëtö maru tïme ni beer.›

Jeremaya 7:23 Iomraidhean Croise

Jööp 36:11

'Ba geni, ni näk mo ge jïëy ni tïnyge eni, nïr kwøw moge moa dööŋ dege thöörö ni bëëtö marge orømø, ni thöörge cwiiri moge ni ge ena yi met ec.

Bwøth Wøk 15:26

Ni kö Wuuö Jwøki, ni «Ni näk mo dwøra leŋŋu leŋø, a na Wuuö Jwøk na näk Jwøu, ni tïïyu gïna beer nyïma, ni cegu ïthu ki gïïa cema, ni gwøgu ciik 'moa bëët, täwe moa kïtha bäät jø Ijep ba kïtha bäätu; kiper beeye aani na Wuuö Jwøk ni wø køny uuni.»

Bwøth Wøk 16:32

Køøre Modhe aköö, ni «Gïna caan Wuuö Jwøki beeye en, ena köö, ni ‹Beerra man känu ki møø mo røm ka rumi mana cwøl ni omer ni päŋ. Ni bëëde ni you kanø ki yïth beenhnhe mou bëët, kiper nee møø mana caama uuni ki gøøni dï paap kanya käla uuni wøk ki yi Ijep nee joot beenhnhe moøgø.› »

Aydheea 3:10

Caannu jï jøøa bëëtö marge beer ki man näk mo tïmö ni beer jïge, kiper yïthge omïnni ki køør tïïe moge na beyø.

Jeremaya 11:4

na köömma kwäyu ki gø kanya käla geni wøk ki Ijep, na caal këën thäth mo liel.› Ni kööe jïge, ni ‹Cegu ïthu ki dwøra, ni kïthu ciik moa cïba jïïu bëët bäät tïïc; 'ba uuno bëëdö ni uuna jiya, ni bëëda ni aana Jwøk maru;

Jeremaya 11:7

Kiper kwäyu aköömma døc kanya käla geni wøk ki Ijep, ni bëëda naa köömma geni cooth këël dïcäŋi en, naa wø köö, ni «Wïnynyu dwøra.»

Jeremaya 13:11

Kiper ka adïëri møn, kaawat man wø bëët abïï no okïth dhaanhe dëëre ni teek, jø Icriel bëët ki jø Juuda bëët akäla raa, nee bëëtge na jiya, nee nyeŋŋa wïnye, ni jïta ki pwøc ka ajiem ki køørge; 'ba luumma kärge wïnynyö.› » Luummögø caana Wuuö Jwøki.

Jeremaya 22:21

Uuna köömma kanya bëëdu ni bëëtö maru jööt jaak, 'ba uuna köö, ni ‹Marï ba wïnywa!› Manøgø beeye bëëtö maru cøøn ki mana täge ki kanya täk paac yie, ni dwøra ba wïnynyu.

Jeremaya 22:3

Luumma caan Wuuö Jwøki beeye en: Ŋøllu luup na karge ki jöö ma adïëri, ni kønynyu jiy mo wø japge møt ceŋ jø wø caan geni. Käru bääyö dëër jur mo bëëdö dïïu, ki kïïc, ki cï thøø, ni ba tïïu ki gïï mo reyø dëëtge, ni ba kønynyu rem jiy piny kany, mo bäŋ gïn mo ege baaø.

Jeremaya 24:7

Aani, ge mooa mooø ki cwïny mo løny ki man ŋäcge aani ni beeye aani na Wuuö Jwøk; ni bëëtge ni gena jiya, ni bëëda ni aana Jwøge, kiper ge duua baŋa ki cwïnyge bäre.

Jeremaya 31:33

'Ba luubö mano tuuda ki jø Icriel yïth nïröke beeye en: Aani, ciik 'moa okïtha wïthge, ni gööra geni yïth cwïnyge. Ni bëëda ni aana Jwøk marge, ni bëëtge ni gena jiya.

Jeremaya 32:23

Ni öge yie ni macge gø, 'ba dwørï kärge wïnynyö, ni kärge cäädhö køør ciik moï. Ni bäŋ gïn mo ege tïïö kiper gïïa köömmï geni ki ge bëët nee kïthge bäät tïïc, ni beeye tiere gø na jääŋŋï gïï na leth bëët ii bäätge.

Jeremaya 38:20

'Ba Jeremaya aköö, ni «Ï ba cïpge ceŋ jøøgø. Beerra man wïnynyï luum Wuuö Jwøk man caana jïrï en; køøre tïmö ni beer kiperï, ni bëëdï niï kwøw.

Jeremaya 42:6

Waani Wuuö Jwøk, Jwøk marø, na jääŋwa ïïni baŋe, dwøre wïnywa wïnynyö, na gïn mo ec met ki gø wala ec raac ki gø, kiper nee tïme ni beer jïwa. Ka adïëri møn, waani, dwør Wuuö Jwøk, Jwøk marø, wïnywa wïnynyö.»

Jepaniya 3:2

Eni bäŋ dwøl mo wïnynye, ni bäŋ acaara mo jïëe. Eni Wuuö Jwøk käre ŋäädhö, ni eni ba nyiik buut Jwøk mare.

Dhekaraya 6:15

'Ba jøøa kwörge bäyö geno ööi ni kønyge uuni ki geer øtø mar Wuuö Jwøk; køøre putu ka ŋäc ni bee Wuuö Jwøk, eni na wïth jammi bëët, na jääŋ aani baŋu. Gïnögø otägi ni näk dwør Wuuö Jwøk, Jwøk maru, leŋu leŋø.»

Dhekaraya 7:7

?Aŋø, moøgø paa luup moa car Wuuö Jwøki ki dhøk nyïïkuk Jwøk mo acääŋŋe, kanya poode ni Jerucalem ki päänye moa en deŋŋe bëëdö ni päŋ ki jiy, ni bëëtö mar jiy jööt jaak, ni mïëri moa en jï løø tier-piny ki mïëri moa en deŋ kïte jï løø kur pänh-cäŋ ge bëëdö ni päŋ ki jiy?› »

Wëëlö Mana Göör Pøølli Baŋ Jø Röm 16:26

na nyooth kawaane ni tïïi ni ŋäc wïth juurre bëët ki køør luup moa näk ogöör nyïïkuk Jwøki, ki køør dwør Jwøk ni wø bëëdö na bäre bäre, kiper nee wïth juurre wëëk jïëy ni ŋääthge.

2 Körin 10:5

Wa wø nyaga pïëm, ki jammi bëët mo wø thïïŋ røkge ka atöör ni ge gëëŋa jöör Jwøk ki man ŋääi. Ni peecwa acaare bëët nee dwør Krictø leŋge.

Tiet Ciik 11:27

Ni näk mo ciik mo Wuuö Jwøk na näk Jwøu mo köömma uuni ki geni dïcäŋi en leŋŋu leŋø, u di gwïëdhö.

Tiet Ciik 13:4

'Ba caathu køør Wuuö Jwøk na näk Jwøu, ni lwäärru eni; gwøgu ciik moe ni leŋŋu dwøre; tïnynyu eni ni göögu ree.

Tiet Ciik 13:5

'Ba teeŋ nyikuŋ Jwøk manøgø wala ŋat lääk manøgø wär eni 'näk, kiper eni pwönynya uuni ki man gëëmu ki Wuuö Jwøk na näk Jwøu, na käl uuni wøk ki yi ŋööm Ijep, na pät uuni yi bëët laŋ. Ni teeŋ ŋatøgø manynya man käl uuni wøk yi øtjöö mana ö Wuuö Jwøki na näk Jwøu na kööm uuni ki gø ni cäädhu ki gø. 'Ba teeŋ ŋatøgø wär 'nägu, nou raanynya gïna raac na en dïïu.

Tiet Ciik 30:2

ni duuu baŋ Wuuö Jwøk na näk Jwøu, ni beege uuni ko obwöre mou, ni leŋŋu dwøre ki cwïnynyu bäre ki jwïëyu bäre ki køør luup bëët mo köömma uuni ki ge dïcäŋi en,

Tiet Ciik 30:20

'Ba gïna dou tïïö kiree beeye ki man mëërru ki Wuuö Jwøk na näk Jwøu, ni leŋŋu dwøre, ni göögu ree, kiper beeye gïno jïtu ki kwøw ki køøre, noo døøc nïr kwøw mou mo thööth, kiper nou bëëdu yi ŋöömma kööŋ Wuuö Jwøki kipere ni cïbe cïbö jï kwäyu, ni beege Eeberam ki Aydhak ki Jeekap.»

Tiet Ciik 30:8

Kar kaace uuno cäŋ tïmö ni dwør Wuuö Jwøk leŋŋu leŋø, ni gwøgu ciik moe bëët mo köömma uuni ki ge dïcäŋi en.

Tiet Ciik 4:10

Kär wïthu wïl ki dïcäŋa cuŋŋu nyïm Wuuö Jwøk na näk Jwøu tier Kïn Körëp, kanya kööe ki aani, ni ‹Cooŋ jiy kanya ciel buuta, kiper nee ge wëëga wïny luupa, kiper nee ge kwänyge ki bëët lwär mana dege a lwäärö ki gø ki yïth nïr kwøw moge bëët moo beetge bäät piny, kiper nee obwöre moge pwönyge thuwø.›

Tiet Ciik 4:40

'Ba gwøgu ciik moe ki gïïa kööm uuni ki ge mo caana jïïu dïcäŋi en, kiper uuni ki wäätu moo ööi køøru, nou jïtu ki bëëtö mo beer, ni tïm nïr kwøw mou ni thööth yi ŋöömmo cïp Wuuö Jwøki na näk Jwøu jïïu nee tïme na maru na bäre bäre.»

Tiet Ciik 5:16

« ‹Wøør wäru ki meru, kaawat mana ö Wuuö Jwøki na näk Jwøï na kööm ïïni, kiper nee nïr kwøw moï thöönhge, ni jïtï ki bëëtö mo beer thuwø yi ŋöömmo cïp Wuuö Jwøki na näk Jwøu jïïu.

Tiet Ciik 5:29

'Ba doo na ge puta bëëtö ki cwïny ma enøgønø na bëëde, ni ge lwäär ki aani ni ciik 'moa gwøkge gwøø cooth, doo beer; køøre geni ko obwöre moge ge doo jïtö ki bëëtö mo beer na bäre bäre.

Tiet Ciik 5:33

Cäädhu ki køør ciik bëët moa ö Wuuö Jwøki na näk Jwøu na kööm uuni ki ge, kiper nou bëëdu nou kwøw, nou jïtu ki bëëtö mo beer, ni ö cwiiri mou ni thöönhge yi ŋöömmo lwørru na maru.

Tiet Ciik 6:3

'Ba u na jø Icriel, wïnynyu gïï, ni gwøgu ge døc ki man kïthu geni bäät tïïc, kiper nou jïtu ki bëëtö mo beer, ni nyaayu ni tïmu nou thööth yi ŋöömma näk caak ki maar kïc päl yie, kaawat mana buugi ya Wuuö Jwøki na näk Jwø kwäyu jïïu.

Ibaru 5:9

'Ba ki køør mana tïïi no othur kare, ena tïmö na tier pïëm man piem jiy ki gø mana näk adïëri na bäŋ cuŋŋe jï jø wø leŋ dwøre bëët,

1 Camiel 15:22

'Ba Camiel aköö, na «?Aŋø, Wuuö Jwøk yie met ko olämme mo wø waaŋ bäre ki teeŋ olämme møøk ni kaala man wïny dwøre, eni na Wuuö Jwøk? Neenï, ki man wïny dwøre pöödha eni døc ni kaala man cïpö ko olämme jïre, ni ki man leŋ mare pöödha eni ni kaala man waaŋ dwäle mo nyöök rööm no olämme.