Jeremaya 7:21 - Wëël Jwøk

²¹ Luumma caan Wuuö Jwøki, eni na wïth jammi bëët, eni na Jwø Icriel, na caane ki räny cwïny, beeye en, ena köö, ni «U na jiya, rïk olämme mou moa dou waaŋø bäre jïra, dwallu gø ko olämme møga wäne, ni cammu geni jaak!

Jeremaya 7:21 Iomraidhean Croise

Aydheea 43:23

Bäŋ dïëk mo iï cïbö jïra no olämme mo wø waaŋ bäre, naa kärï wøørø ko olämme moï møga. Yiï kära cwaadø ki man cïpï ki muuce mo beel, niï kära öölö ki man cïpï ki jer wø jïcge ŋwääi ni met.

Jeremaya 14:12

Këël ge doo wödö ki cam, oduuc kwac marge ba daa wïnynyö, ni këël ge doo cïpö ko olämme mo wø waaŋ bäre, ki muuce mo beel, ge ba daa jïëö; 'ba beeye ki man dïïra wïthge ri leny, ki käc, ki täwe mo leth.»

Jeremaya 6:20

?U na jiya, aperŋø nø ni wø kännu baŋa ki dwøø man wø jïye ŋwääi ni met ki yi Cïïba en? ?Na aperŋø thuwø ni wø kännu baŋa ki luum wø maare ŋwääi ni met ki paac mo kare bäär en? Olämme mou mo wø waaŋ bäre a ba jïëy ki geni, ni yia ba mïnni thuwø ko olämme møøk mo wø cïpu.»

Edhikiel 33:25

Kiper manøgønø, caanï jïge ni man beeye luumma caan Kwäärö Wuuö Jwøki, ena köö, ni ‹Uuna cämö ki rïŋ mo rege da rem, ni wøørru kït gïï wø lammu, ni kunynyu piny ki rem jiy. ?Aŋø, løny ki man lwørru ŋöömö na maru?

Odheea 8:13

Geni, gena cïpö ko olämme jïra ni camge rïŋ moge, 'ba a na Wuuö Jwøk, yia kär mïnnö ko olämme moøgø. Ennø, a tïmö naa lääŋŋa gïïa bacge, ni puta ge jääl kiper raay moge. Geni, ge døøa Ijep.

Tiet Ciik 12:27

'Ba olämme mou moøgø mo wø waaŋ bäre, rïŋ moge ki remø marge wär cïbu bäät gïn wø cïp olämme bääte mar Wuuö Jwøk na näk Jwøu, ni ö olämme mou møga ni kønynyu remø marge piny bäät gïn wø cïp olämme bääte mar Wuuö Jwøk na näk Jwøu, ni cammu rïŋ moge.