Jeremaya 7:2 - Wëël Jwøk

² na kööm aani kiper naa cuŋŋa dhi kal mar øtø mare, e na Wuuö Jwøk, ni køba luummi en kaace, ni kööa, ni «Wïnynyu luum Wuuö Jwøk, u na jø Juuda bëët mo wø dønyi ki dhøk kal moi nee Wuuö Jwøk wøørru.

Jeremaya 7:2 Iomraidhean Croise

1 Nyeye 22:19

'Ba Mikaya aköö, «'Ba ennø, wïny dwør Wuuö Jwøk. Aani Wuuö Jwøk ajooda no opï piny bäät wälu mare, ni lwaak mare bäre mana en maal cuŋŋö buute, ni møøk ena bäät cwïïe, møøk ki bäät caame.

Aydheea 1:10

Wui, u na bwöthe mo Jerucalem, ki jø Juuda, u ni bëëtö maru caala bëët jø Cødam ki jø Gømöra, Wïnynyu luum Wuuö Jwøk, ni cegu ïthu ki pwöc mar Jwøk marø,

Jeremaya 10:1

Wui, u na jø Icriel, wïnynyu dwøl man caan Wuuö Jwøki jïïu en.

Jeremaya 11:6

'Ba Wuuö Jwøk aköö jïra, ni «Caan luup moi ii bëët Jerucalem ki yïth päänye mo Juuda møga bëët, ni kööï ni Wuuö Jwøk aköö, ni ‹Wïnynyu luummi en na tuuda ki kwäyu, ni kïthu gø bäät tïïc.

Jeremaya 19:14

Køøre Jeremaya aduuö ki Töpeth kanya jääŋŋi ya Wuuö Jwøki yie nee luum Jwøk købe, ni cuŋŋe dï kal mar Øt Wuuö Jwøk ni kööe jï jiy bëët,

Jeremaya 2:2

ni «Ciï ni køpï luummi ni wïnyö jï jø Jerucalem, ni kööï ni luumma caan Wuuö Jwøki beeye en, ena köö, «ni ‹Ï na Icriel ï poot lääŋŋa lääŋŋö ki mana cïpï cwïnyï jïra niï poot thiinh, ki mëër mana mëërï ki aani kaamar dhaagø thiinh, ki mana caathï køøra dï paap bäre, yi ŋöömma näk kär puurö.

Jeremaya 2:4

Wui, u na nyïïkwaac Jeekap, ni beeye u jø dhøk uudi mo jø Icriel bëët, wïnynyu dwør Wuuö Jwøk.

Jeremaya 26:2

Wuuö Jwøk aköö, ni «Cuŋŋï dï kal mar øtø mara, ni caanï luummi en jï jiy bëët mo wø bëëdö yïth päänye mo Juuda, mo wø ö baŋ lam yi øtø mara, ni beege luup moa caana jïrï bëët nee caanï jïge, ni bäŋ luubö aciel mo weyï.

Jeremaya 28:5

'Ba nyikuŋ Jwøk ma Jeremaya luummögø ajøle jï nyikuŋ Jwøk ma Ananiya nyïm dïlämme ki jiy bëët moa näk cuŋŋö yi Øt Wuuö Jwøk,

Jeremaya 34:4

« ‹'Ba ï na Cëdëkiya nyeny Juuda, wïny luum Wuuö Jwøk. Luumma caan Wuuö Jwøki kiperï beeye en, ena köö: Ï ba thøw ri leny,

Jeremaya 36:10

Køøre Baruk luup mo Jeremaya akwaane yi wëëlö jï jiy bëët yi øt Wuuö Jwøk, yi thääŋ øtø mana näk mar Gemariya o Capan ŋat wø göör luup akwöma piny. Ni ødøgø ena yi kal mana en jï maal buut dhi kal mar øt Wuuö Jwøk mana cwøl ni Dhi Kal Mana Nyään.

Jeremaya 36:6

'Ba ïïni, wärï ci øt Wuuö Jwøk kanyo tïme na cäŋ wödö ki cam, ni kwaanï luup mo Wuuö Jwøk jï jiy, moa caana jïrï na göörï piny yi wëëlö, ni kwaanï ni jø Juuda bëët nut moo ööi ki yïth mïëri moge.

Jeremaya 44:24

Køøre Jeremaya aköö jï jiy bëët, ki mään bëët, ni «U na jø Juuda bëët, u ni en Ijep en, wïnynyu dwør Wuuö Jwøk.

Jeremaya 7:1

Man beeye dwøl mana ö baŋa, a na Jeremaya, na käl baŋ Wuuö Jwøk,

Edhikiel 37:1

'Ba Wuuö Jwøk cere acïp bääta, ni lwør aani ki teek Jwïëy moe ni cïp aani dï pwöla mo päŋ ki cuu mo jiy.

Odheea 5:1

Wuuö Jwøk aköö, ni «U na dïlämme, wïnynyu gïn! U na jø Icriel, cegu ïthu! U na jø paan dwøŋ, cegu ïthu! Ajäla man bee maru, kiper u caala abëëbe bäät jø Micpa, ni bëëdu kaamar ajääpi mo opeerø bäät Kïn Tabör.

Amøc 7:16

'Ba ennø, ï na Amaciya, wïny luum Wuuö Jwøk. Ïïna köö, «ni ‹Kär luum ajäl Jwøk køpï dëët jø Icriel, ni ba dwøgï luubö bäätge, ge na nyïïkwaac Aydhak.›

Mikiya 1:2

Ena köö, ni «Wui, u na jiy bëët, wïnynyu gïn; wui, piny ki gïïa en yie bëët, cegu ïthu; Kwäärö Wuuö Jwøk mare caane caanø dëëtu ni eni ena kar bëëtö mare na en kur keere.

Mikiya 3:1

'Ba aana köö, ni «U na dïbwöthe mo nyïïkwaac Jeekap, ki u na kwääri moge, ge na jø Icriel, ennø, wïnynyu gïn. ?Aŋø, paa u na doo ŋäc ŋøl ma adïëri?

Mikiya 3:9

'Ba ennø, wïnynyu gïn, u na dïbwöthe mo nyïïkwaac Jeekap, ki u na kwääri moge, ge na jø Icriel, u ni yïthu reyø ki luum ŋøl mana näk adïëri, ni wø meen luubö mo tiir,

Mathiew 13:9

Ŋat mo jïre da ïdhi, beerra man cek ïthe.»

Jøøn 18:20

Ni løgi ya Jecu jïre, ni «A wø cäänö ni wïnyö jaak jï jø piny, naa wø pöö cooth yïth uut acook lam ki yi kal mar Øt Jwøk Mana Dwøŋ, kany wø cuŋ jø Juuthi yie bëët, ni bäŋ gïn mo yaa caanø ni yaa mooŋø.

Moa Tïïc Nyïïatwieli 5:20

ni «Cou ni cuŋŋu yi kal mar Øt Jwøk Mana Dwøŋ ni caannu luum kwøwøgø bäre jï jiy.»

Moa Tïïc Nyïïatwieli 5:42

'Ba yïth nïne bëët yi kal mar Øt Jwøk Mana Dwøŋ ki yïth mïëcge, pwöc kärge wiiø ki man køpge luumma nyään na met ni Jecu beeye Krictø.

Mana Nyooth 2:11

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, ba doo gwaar thøøe mano en cään.»

Mana Nyooth 2:17

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam meena mana näk okanø, ni mooa gø ki kïdi mo tar, mo nyeŋ mo nyään ogöör bääte mo bäŋ ŋat mo ŋäc gø, 'ba beeye ŋato cï jïre keere noo ŋäc gø.»

Mana Nyooth 2:29

'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk.»

Mana Nyooth 2:7

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam jaath kwøw, ni en yi pwötha beer mar Jwøk.»

Mana Nyooth 3:13

'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk.

Mana Nyooth 3:22

'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk.»

Mana Nyooth 3:6

'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk.