Jeremaya 7:19 - Wëël Jwøk

¹⁹ ?Aŋø, ki jïge ni ge raanynya cwïnya? ?Aŋø, ge ba raany dëëtge keerge ni ge käla lään wïc bäätge?

Jeremaya 7:19 Iomraidhean Croise

Edhera 9:7

Ki mana täge ki røk nïra beet kwäcwa këël dïcäŋi en, wa bëëdö ni wa tïïö ki raay mo døøŋŋø, 'ba ki køør raay mowa, waani ki nyeye mowa ki dïlämme mowa, waana cïp ceŋ nyeye mo wïth juurre, ni ŋar waani, ni mak waani ki tøŋ, ni twier waani, ni tïm wïthwa ni laay këël dïcäŋi en.

Jööp 35:6

?Aŋø, ni näk mo ïïno bääyö, da gïn mo raanynye dëër Jwøk? ?A ni näk mo da gïï mo reyø mo thööth mo iï tïïö, agïnaŋø noo raanynye dëër Jwøk?

Aydheea 1:20

'ba ni näk mo u kweer ni gëëmu, u thöör opëëlle thöörö.» Luummögø caana Wuuö Jwøki ki dhee kiree.

Aydheea 1:24

Kiper manøgønø, Kwäärö Wuuö Jwøk, eni na wïth jammi bëët, eni na teek na näk Jwø Icriel, ena köö, ni «Aani kwör japa tïïc nyïïmän 'moa dëëra, coola coolø dëëtge, naa jïta ki jwöm.

Aydheea 45:16

Jiy bëët mo wø tïïö ki kït gïï wø lam, wïthge olääy ni tïm nyeŋge ni law. Ni ö geni bëët ni putge aay ni wïthge olääö.

Jeremaya 15:9

Dhaaŋŋa näk onyöötö ki wääte abïriiø odwat ki dööŋ can, ni tïme ni jwïëy mare teek; ni bëët cäŋŋi no opädhö ki baŋe kanyo poode na dïcäŋ. eno bëëdö ni wïïe laay ni bëët waŋe ni law. 'Ba aani, jiy mo obøth ki thøø cïba ceŋ nyïïmän moge nee 'näk.» Luummögø caana Wuuö Jwøki.

Jeremaya 2:17

?Aŋø, ï na Icriel, gïnögø ba käla ï bäätï keerï ki køør mana weyï aani, a na Wuuö Jwøk, Jwøk marï, kanya bwødha ïïni øtjöö?

Jeremaya 2:19

Rääö marï otïmö ni pwöc jïrï, ni gaan wøk marï ïïno jwøe. 'Ba ennø, neenï døøc, ni ŋäyï gø, ni ki man weyï aani, a na Wuuö Jwøk, Jwøk marï, ni bëëdï niï ba lwär ki aani beeye gïn mo raac, mo duunnö ki räny cwïny.» Luummögø caana Wuuö Jwøki, eni na wïth jammi bëët.

Jeremaya 20:11

'Ba Wuuö Jwøk ena buuta kaamar oteen tøŋ. Kiper manøgønø, jø wø 'caan aani a ba böötge; 'ba tietge ocwanyge, ni tïm wïthge ni laay døc kiper no ba thur gïna manyge kare, ni wïc ba wïl ki lään wïc marge na bäre bäre.

Jeremaya 22:22

Dïbwöthe mou bëët onikeet kaawat man wø tïïc jame, ni ö wïth juurre moa mëërru ki geni na dwätu ki geni ni maai ki tøŋ. Køøre wïthu otïmö ni laay, ni tïm nyeŋŋu ni law, kiper gïïa reyø bëët na tïïyu.

Jeremaya 25:7

«'Ba luumma käru wïnynyö, a na Wuuö Jwøk, ni putu cwïnya raanynyø ki køør juu moa tïïyu ki ceŋŋu, nou käla gïï mo leth bäätu.»

Jeremaya 3:25

'Ba ennø, beerra man räpwa piny ki lään wïc marwa, ni ö lään wïci marwa ni pälle bäätwa, kiper waana bääyö dëërï, ï na Wuuö Jwøk, Jwøk marwa, ni beeye waani ki kwäcwa bëët, ki mana täk paaci marwa këël dïcäŋi en; ni bëëtwa ni dwørï ba wïnywa, ï na Wuuö Jwøk, Jwøk marwa.»

Jeremaya 44:3

kiper gïïa reyø na tïïc jiyi ni raanyge cwïnya ki køør mana bëëtge ni ge cïpö ko olämme mo wø waaŋ jï juu møøk ni ge tïnynya geni, ni beege juu mo kucge dïkwøŋ, ni uuni ki kwäyu juugögø kuyu thuwø.

Jeremaya 8:19

Ennø, kwac mar jø powa awïnyö ki paac mo kare bäär, ni ge köö, na «?Aŋø, Wuuö Jwøk ba en pøø Dhayan? ?Aŋø, eni na nyeny Dhayan tøør paare?» 'Ba aløk Wuuö Jwøki, na «?Aŋø, aperŋø ni bëëtge ni ge raanynya cwïnya ki køør juuga näk otieŋø na näk oballe na kälge ki baŋ juurre?»

Jeremaya 9:19

Kiper dööt jiy mo göö ko oduuru wïnyö ki Dhayan, ni ge köö, ni ‹Øøna ränynyö na bäre, ni lää wïthø døc; kiper ŋöömö marø awiiø, ki køør mana nyaage kwör bëëte 'moø piny.› »

Edhikiel 16:26

Ïïna käbö thuwø ki jø paac mana kïïï ki gø, ni beege jø Ijep mo wø mëër ki niine, ni putï käp marï kaath niï tïïya aani naa goota.

1 Körin 10:22

?Kwäärö døø wëëga këëyö? ?Aŋø, teeka øøni ki eni?

Tiet Ciik 32:16

Wuuö Jwøk atïïcge nee këëye ki køør juuga path na lamge. Ni cwaatge yi Wuuö Jwøk këël mana wëëre ki køør gïïa raac yie ki ge na tïïcge.