Jeremaya 7:10 - Wëël Jwøk

¹⁰ 'Ba u wø öö ni cuŋŋu nyïma yi øtø man ni wø cwøl ri nyeŋŋa en, ni kööu, ni «Waani, wa piem Jwøki piemø.» ?Aŋø, u piem kaper nou bëëdö nou tïïya gïï mo yia raac ki ge?

Jeremaya 7:10 Iomraidhean Croise

1 Nyeye 9:3

Ni kö Wuuö Jwøki jïre, ni «Lam marï ki kwac mana kwayï aani ki gø awïnynya; 'ba Øt Jwøk mana geerï enø, anø cïba kur keere na mara, naa tïïya nyeŋŋa nee bëëde ni ŋäc kaace na bäre bäre, ni bëëda naa raŋŋa øtø manøgø cooth ki cwïnya bäre.

2 Nyeye 21:4

Køøre ena tïïö ki gïï wø cïp olämme bäätge jï juu møøk yi Øt Wuuö Jwøk, ni beeye øtø mana kö Wuuö Jwøki ni nyeŋŋe doo wøørø yie yi Jerucalem.

2 Luup Nyeye 33:4

Køøre ena tïïö ki gïï wø cïp olämme bäätge jï juu møøk yi Øt Wuuö Jwøk, ni beeye øtø mana kö Wuuö Jwøki ni nyeŋŋe doo wøørø yie yi Jerucalem na bäre bäre.

2 Luup Nyeye 33:7

Køøre eni kït gïn wø lam na näk ee tieŋø acwöth piny yi Øt Jwøk, ni beeye øda kö Jwøki jï Deebit ki wääde ma Cølöman, ni «Jerucalem ki øtø man ni en yie en, yaa jierø ki røk kwör wø bëët wïth tuŋi mo jø Icriel yïthge bëët, nee nyeŋŋa bëëde ni ŋäc yie na bäre bäre.

Pwöc Leec Wïc 15:8

Wuuö Jwøk yie raac ko olämme mo jøøa reyø, 'ba yie wø mïnni ka lam mar jøøa marge thïïŋ.

Aydheea 48:2

Uuni, dëëtu wø cwøllu cwølø na jø päänya en kur keere, ni göögu raa, a na Jwø Icriel, na näk nyeŋŋe bee Wuuö Jwøk, eni na wïth jammi bëët.

Jeremaya 32:34

'Ba gïïa näk ec raac ki ge døc ni wø lamge akïthge yi øtø man wø cwøl ri nyeŋŋa, ni ge tïïya gø ni ba waany.

Jeremaya 34:15

'Ba këël na bëëde na acaare mou you wiilø kany mo cään, ni tïïyu gïna beer ki jïra, ni ŋati man nø caana gïr pät wati yi bëët laŋ, ni luummögø tuutu nyïma yi øtø man ni wø cwøl ri nyeŋŋa en,

Jeremaya 44:9

?Aŋø, wïthu awïl ki gïïa reyø na tïïc kwäyu, ki gïïa reyø na tïïc nyeye mo Juuda ki määrge, ki gïïa reyø na tïïyu ki määru dï Jerucalem ki dï Juuda bäre?

Jeremaya 7:11

?Aŋø, øtø man ni wø cwøl ri nyeŋŋa en bëëdö na kar dïmute ki jïïu? Ennø, aani, a na Wuuö Jwøk ni cäänö en, gïïa tïïyu ajooda.

Jeremaya 7:14

Kiper manøgønø, teeŋ gïna tïïa dëër Cëëlö otïïa dëër øtø man ni wø cwøl ri nyeŋŋa, ni ŋääthu en, ki dëër paani en na cïba jïïu ki jï kwäyu.

Jeremaya 7:30

Ni kö Wuuö Jwøki, ni «Jø Juuda atïïö ki gïï mo neeni ni reyø ki jïra; gïïa näk ec raac ki ge acïpge yi øtø mana cwøl ri nyeŋŋa, ni ge tïïya gø ni ba waany.

Edhikiel 20:39

«'Ba kiperu, u na jø dhi øt Icriel, luumma caan Kwäärö Wuuö Jwøki jïïu bee en, ena köö, ni ‹Cou, ni ö ŋati man nø ni tïny kït gïï wø lame! 'Ba ki køør gïïögø, uuni ïthu cegu ciiø na adïëri ki luumma, ni tïme ni nyeŋŋa na en kur keere ba päätu këët ki muuce mou ki kït gïï wø lämmu.

Edhikiel 23:29

'Ba geno tïïö dëërï ki gïn mo raac ni marge männö ki ïïni, ni kälge jammi moï bëët na öölï kiperge, ni putge ïïni wec niï bëëdö ka dëërï ni bäŋ abïï; ni ö dëërï man wø käbï ki gø ni dööŋe wøk, ni tïm käpi marï man wø gathï dëërï ki gø ni ŋäc.

Edhikiel 23:37

Kiper gena bëëdö na jø luuï ni kunyge piny ki rem jiy. Gena buut ki kït gïï wø lamge, ni ŋarge nyïïge ni cïpge ge no olämme, ni kïthge ge yi maac ni tïme na cam kiperge, ni beege obwöre moa nywølge jïra.

Edhikiel 23:39

Kiper kany wø ŋarge nyïïge nee cïpge no olämme jï kït gïï wø lamge, dïcäŋöca thuwø ge puta døny kar bëëtö mara na en kur keere kuna päätge gø; manøgø beeye gïn wø tïïcge yi øtø mara.

Edhikiel 33:25

Kiper manøgønø, caanï jïge ni man beeye luumma caan Kwäärö Wuuö Jwøki, ena köö, ni ‹Uuna cämö ki rïŋ mo rege da rem, ni wøørru kït gïï wø lammu, ni kunynyu piny ki rem jiy. ?Aŋø, løny ki man lwørru ŋöömö na maru?

Edhikiel 33:31

Jiy ööa baŋï kaawat man wø tïïc dhaanhe jaak, ni pïge piny nyïmï kuna wïnyge luup moï kede gena jiya, 'ba ba kïthge bäät tïïc. Geni, ge cara luup mo beyø ki dhøkge, 'ba cwïnyge caara gïï mo reyø ki møt.

Edhikiel 5:11

Kiper manøgønø, Kwäärö Wuuö Jwøk aköö, ni «Ka adïëri møn, kaawat man bëëda naa kwøw en, kiper mana päätï øtø mara na en kur keere ki kït gïï wø lamï na reyø døc, ki gïïa näk ec raac ki ge, aani ki dëëra raa paanya paanyø buutï, ni ba nyoodha bäth ec mara jïrï wala ki man wara cwïnya ki ïïni.

Daniel 9:18

Wui ï na Jwøk mara, cek ïthï ni wïnynyï mara! Jap nyeŋŋï ni raŋï ränynyö marwa ki mar pääny man wø cwøl ri nyeŋŋï. Waani ï ba kwacwa kaper ni da gïn mo beer baŋwa; 'ba beeye kiper mëër marï na päl.

Odheea 6:9

Kaawat man wø møør dïtwïëte piny ni ge kurö ki dhaanhø, lwaa dïlämme atïmö na dïnäk jiy øtjöör Cekam; ka adïëri møn, gena tïïö ki gïï mo reyø døc.

Amøc 4:5

Waaŋŋu møø mo ree da thømmø na muuy mar dwøk met ec, ni ŋwöu kiper olämme mo wø cïpu ki met ec, ni töödu kiperge, kiper beeye mana manynyu.» Beeye Wuuö Jwøk ni cäänö enø.

Jepaniya 1:5

Ni beege jø wø këël cøŋge piny bäät uudi, ni wø løø wïthge maal kuna lamge cäŋ ki dwääy ki ceer, ni wø këël cøŋge piny ni kööŋge ri Wuuö Jwøk, ni ge cäŋa kööŋ ri jwø wø cwøl ni Milköm;

Milkiya 3:15

'Ba ennø, ki baŋwa jø atöör beege ni yïthge met. Jø wø tïïc gïï mo reyø tïmö ni kwärra geni, ni ö geni ni päänyge Jwøk ni bäŋ gïn mo tägi dëëtge.› »

Mathiew 23:13

«'Ba u dïpööye mo ciik Jwøk ki jø Paricith, u na jø atade, otïmö ni raac jïïu, kiper buya käl maal you mänö ki jiy. Kiper u ki dëëtu u ba ci yie, ni jøøa doo ci yie ba wëënnu thuwø.

Jøøn 13:18

A ba cäänö kaperu bëët. Aani moa jiera ŋääa. 'Ba mana no ogöörö thura kare, na en nø, ni ‹Eni na cam møga, aana cääbe ko opunye.›

Jøøn 18:28

Kanyøgø jø Juuth Jecu akälge wøk ki yi øt Keepa ni kïthge gø øt bura mar kwäärö ma Paylat, ni piny poot cøl. 'Ba geni ki dëëtge ge kär døny yi ødøgø, kiper nee ba tïmge ni ge ba waany, kiper nee cam Ajwöma Mar Cäŋa Pööth Thøøe Yie camge.