Jeremaya 6:29 - Wëël Jwøk

²⁹ Opïc thäth akwath døc, ni ö arecaaci ni leenyi ya maaci ni thume, ni këël na bëëde ni nywïënyö poot di nøøyø ki leeny jaak, gwel-bïrö dëëre käre pääö ki nywïënyö. 'Ba jiya thuwø bëëdö na enøgønø, kiper dïge da jiy mo reyø mo ba løny jïër wøk.

Jeremaya 6:29 Iomraidhean Croise

Pwöc Leec Wïc 17:3

Gwel-bïrö ki warkey beeye maa thäth ni wø raŋi ki gø, 'ba cwïny dhaanhø, beeye Wuuö Jwøk ni wø raŋ gø.

Aydheea 49:4

'Ba aana köö, ni «Aana ööl ki jaak, ni ö kwää dëëra ni øc piny ki gïn mo bäŋ tiere. 'Ba ka adïëri møn, luubö mara ena cer Wuuö Jwøk, ni gïno cool jïra ena baŋe, eni na Jwøk mara.»

Jeremaya 15:19

'Ba mana løk Wuuö Jwøki jïra beeye en, ena köö, «Ni näk ma acaara manøgø wiilï wiilø, aani, ï dwøga bäät tïïc marï, ni tïnynyï aani. Ni näk miï jiera moa perge leth ni weyï moa no oballe, ïïni, ï bëëdö na kar dhøk mara. Ni ö jiyi ni luuge rege baŋï, 'ba ï ba doo luga baŋge.

Jeremaya 9:7

Kiper manøgønø, luumma caan Wuuö Jwøki, eni na wïth jammi bëët, beeye en, ena köö, ni «Ennø, ge päära päärö ki gïï mo leth kaamar ŋat wø päär nywïënyö ki maac, ?kiper gïn mør mo daa tïïö kiper jiya agïnaŋø?

Edhikiel 24:12

'Ba eni, aana ööle ki tïïc jaak, ni gïïa reyø na en yie kär ö wøk. Ennø, kïtha yi maac.

Edhikiel 24:13

« ‹'Ba ennø, ï na Jerucalem, japa reyø na tïïyï, ïïna tïïcge niï ba waany. Kiper ïïna päänynya ki man penya ïïni, 'ba ï kär tïmö niï waany yïth japa reyø na enï yïthge. 'Ba ïïni, ï ba tïmö niï tøŋ këët këël kanyo ö wëërri mara noo røm riï.

Odheea 11:7

Gena reeth ri man løøge ŋäthge wøk ki aani, 'ba ge këël doo jwöŋö dëëra, a na Jwøa Dwøŋ ni en Maal, ge ba kønya.

Dhekaraya 13:9

'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »

1 Piter 1:7

kiper manøgønø, nee ŋäädhe maru na näk adïëri na pere letha eni ki warkey ni wø päänynyi ki maac këël na ŋääi ni ränynyö, nee känne ki pwøc, ka ajiem, ki wödö yi cäŋo nyooth Jecu Krictø yie.

1 Piter 4:12

Omëëya, kär yïthu thäŋŋö ki gïïo ni leth ni caal maac ni wø tägi dëëtu ni päänynya uuni, ni keda gïn mo nyään mo täga dëëtu.

Pïëmme 17:4

'Ba kanya ö Mikiya na duu gwet-bïrö jï menni, menni alwötö ki gwet-bïrö ma yïth rumme ma dïpe ariiø, ni cïp ge jï ŋat wø thädhö ki gwel-bïrö, ni ö ŋatøgø ni tïïc ge na kït gïn mo otieŋø ki kït gïn mo oleenyø ki gwel-bïrö ni tïmge ni bëëdö øt Mikiya.