Jeremaya 6:26 - Wëël Jwøk

²⁶ Wui jø pøø, røøu keeca dëëtu, ni buugu dëëtu ki bur. Jwöŋu døc kaamar dhaanhø mo jwøga wääde ma aciel; jwöŋu ni cwïnynyu you keeyø døc, kiper ŋato raany øøni laara ö bäätø.

Jeremaya 6:26 Iomraidhean Croise

Wïlöölö 21:16

Køøre ena aay ni pï piny kany mo bäär mëëth mo bäye caala cuŋ atheerø mo othöörö, kiper mana kööe, ni «Beerra man thøw nyilaalli manøgø ni ba nëëni jïra.» 'Ba na pï piny kaace ni dïët ki nyilaal, ena tägö ki man gööe ko oduuru.

Jööp 15:21

Eni wø bëëdö ni wïnynya dööt jap wø käl lwär, ni kany wø jïte ki jwöm mo thiinh, dïtwïëte wø laara öö ni laar eni twier.

Jööp 2:8

Køøre Jööp alwötö ka abat nee dëëre gøønynye ki gø, ni eno pï piny yi bur.

Aydheea 22:12

Kiper manøgønø, dïcäŋeca, Kwäärö Wuuö Jwøk, eni na wïth jammi bëët, uuna cwøle nou jwöŋu nou gööu ko oduuru, nee wïthu gwääru wøk, ni dwølu keece dëëtu kiper pänh cwïny maru.

Aydheea 22:4

Kiper manøgønø aana köö, ni «Paanynyu nyeŋŋu dëëra. Weyu aani naa jwöŋa naa keeya yia. Kär pääru ki man cømmu cwïnya kiper ränynyö mana pïï dëët jø powa.»

Aydheea 3:24

Ni ö mädhi moa wara wïïrge ni ŋwääö ni met ni wiilge rege ni ŋwääö no okwäk, ni ö käär kaae ni wiil ree baŋ käär thøøli, ni ö jïër moge na beyø ni tïmge na jïër mo øya piny, ni ö käär abïïe moa beyø ni wiil ree baŋ käär keece, ni ö dëëtge na mïërö na pøøth ni tïmge ni da pööc mäc.

Aydheea 30:13

raay moøgø duua bäätu, kaawat man wø muk kiirri mo bäär, ni päth piny na thäŋi yie aciel.

Aydheea 32:11

U na määr wø bëëdö ki bëëtö mo jööt jaak, dëëtu tïme ni kwanynyi. U na mään moa therø, u ni wø cädö ni karu beer, dëëtu tïme ni rïïŋö. Göönyu abïïe wøk dëëtu, ni dööŋŋu ki dëëtu, ni dwølu keece dëëtu.

Jeremaya 12:12

Jøøgø no raany paac yøø, kanyo öge, ge öö ki dï paap, ni ge cura bäät thuuri bëët moa leer, kiper beeye tøŋ mara, a na Wuuö Jwøk, no dïïrge wïth jiy ki gø, ki mano täge ka aŋuun paac maya këël aŋuunne maya, ni bäŋ dhaanhø aciel mo bëëdö ki bëët-mëër.

Jeremaya 13:17

'Ba ni näk luumma ba wïnynyu, aani, a jwöŋö ni kuyu kiper atöör maru. Ni jwöŋa ni yia yaa keeyø døc, ni nyeŋŋa lwanynyi ki pïï, kiper jic Wuuö Jwøk omak ki tøŋ ni käli.

Jeremaya 14:17

«'Ba ï na Jeremaya en, caan pänh cwïny marï jïge, ni kööï, «ni ‹Beerra man lwör pï nyeŋŋa piny ki wärre ki cääŋŋe, ni ba cöök, kiper jø powa na caal nyakøø mo dëër dïcwøø poot kuue ajïtö ki ŋwellø mo leth, kaamar dhaanhø mo opwödö døc.

Jeremaya 15:8

Määr thuunhnhi otïïa ni thööth ni kaala nyeŋ akwöny deŋ näpa døøŋŋø; aani, a känna bäät mëëk wøpe ki jiy mo raanynya geni ki dhöör dïcäŋ. Ki nyi kany mo thiinh, kïmmö ki lwär okäla bäätge.

Jeremaya 18:22

Kanyo jääŋŋï jøw oraany paac baŋge ki nyi kany mo thiinh, beerra man put tïmö ni da oduuru mo wïnyö mïëcge, kiper gena kunyö ki buur naa makge, ni cekge abïëp kipera.

Jeremaya 30:5

ni «Luumma caan Wuuö Jwøki beeye en: Da dööt jiy mo wïnyö, mo dëëtge kwanynyi ki lwär mo dwøŋ, ni bäŋ bëët-mëër poge.

Jeremaya 4:11

'Ba kar kaace ocaan Wuuö Jwøki jï jøøi ki jø Jerucalem, na «Ajäla mara ööa bäätu, u na jiya, kaamar jamø mo teek mo lïëth mo kwönni ka bäät thuuri moa leer na en dï tëën, mo ba caal jamø man wø kwør beel ki gø,

Jeremaya 4:20

Gïï mo leth tïmö ni ööa bääte, ni ö pinynyi bäre ni ränynye. Kwör bëëte 'moø laar ka raanynyø, ni ö uudi 'moø ni ränyge ki nyi kany mo thiinh.

Jeremaya 4:8

Kiper manøgønø, røøu keece dëëtu, ni jwöŋu ni gøøyu oduuru; kiper wëër mara, a na Wuuö Jwøk, ni wø liel kaamar maac kära paanyø bäätu.

Jeremaya 6:14

Gïï wø raany paac ataakge na gïn mo jööt jaak, kaawat man wø taak ŋwellø dëër dhaanhø, ni ge wø köö, ni ‹Paac beer jaak,› këël na bëëde ni bëët paac raac.

Jeremaya 8:19

Ennø, kwac mar jø powa awïnyö ki paac mo kare bäär, ni ge köö, na «?Aŋø, Wuuö Jwøk ba en pøø Dhayan? ?Aŋø, eni na nyeny Dhayan tøør paare?» 'Ba aløk Wuuö Jwøki, na «?Aŋø, aperŋø ni bëëtge ni ge raanynya cwïnya ki køør juuga näk otieŋø na näk oballe na kälge ki baŋ juurre?»

Jeremaya 8:21

Aani, cwïnya aränynyö kiper ränynyö mar jø powa. Aana tïmö naa kïmmö, ni bëëda ni yia othäŋŋö.

Jeremaya 9:1

Wui, aperŋø ni ba tïm wïïa na iith en, na aperŋø ni ba tïm pï nyeŋŋa na jøøro en, naa jwöŋa ki yi cäŋ ki yi wäär bäre kiper jø powa na ŋalli!

Jeremaya 9:10

Aani, a jwöŋö ni kïmma kiper powa bäre, këël kïte moa en yie, ni gööa ko oduuru kiper kwör kwaath na en dï paap, kiper gena ränynyö, ni bäŋe ŋat mo ci yïthge, ni bäŋe dwør dhieŋ mo wïnyi. Ni ö wenynyi ki lääy bëët ni bwøkge ni aacge.

Wëël Kïmmö 1:16

«Kiper gïïögø bëët, a bëëdö naa jwöŋö, ni nyeŋŋa kwödö ki pïï, kiper bäŋ ŋat mo cøma cwïnya mo kare cään, mo dwøga jwïëy 'moa kare. Obwöre 'moa ŋäädhe marge aränynyö, kiper nyïïmän gena böödö.»

Wëël Kïmmö 1:2

Eni jwöŋi ni keeya yie ki wäär cooth, ni bëët pï nyeŋŋe ni muulö ki pïte. Eni bäŋ cøm cwïny mo joode baŋ mïëri moa mëëre ki ge, ena nøøn mïëri bëët moa näk ee døøc nyïïawääte, ni tïmge na nyïïmän moe.

Wëël Kïmmö 2:11

Aani nyeŋŋa awer ki jwøk, ni jwïëya bëëdö ni kïmmö døc. Aani cwïnya apädhö døc ki kïmmö kiper ränynyö mar jø powa, ki man wø bëët obwöre moa therø ki moa mar na en kööthi ni geno räp piny nyeŋ jïëthe mo pääny.

Wëël Kïmmö 3:16

Eni laga acääny wøk ki kïdi, ni gøø aani piny yi tør.

Wëël Kïmmö 3:48

Pï nyeŋŋa acwïër piny ni tïme kaamar jwïïö mo pänhnhö, kiper ränynyö mar jø powa.

Wëël Kïmmö 4:10

Këël mään moa bëëdö ni mëër ki nyïïge døc, nyïïge athaalge, nee tïmge na cam jïge, ki køør ränynyö mana raany jø powa ki gø.

Wëël Kïmmö 4:3

Këël othööe na näk lääc paap thurge cïpge cïbö jï nyïïge, ni dhwøthge nyïïge; 'ba jø powa gena tïmö ni ge reyø døc kaamar uudö mano en paap.

Wëël Kïmmö 4:6

Kiper bääyö mar jø powa atïmö ni kadha eni ki bääyö mar jø Cødam, paana raanynyi na bäre bäre ki kany mo thiinh, ni bäŋ køny mo otïïö kipere.

Amøc 8:10

Nïr ajwöm mou odøøya nïr kïmmö, ni døøya dut met ec mou mo oduuru. Ni wëëga uuni bëët käär abïïk keece ni nyootha kïmmö maru, ni wïthu ogwäär wøk; dïcäŋöce uuno tïïa nou caala dhaanhø mo kïmmö kiper nyilaal mare ma aciel keere, ni tïm aŋuun dïcäŋöce na pänh cwïny jïïu.»

Joona 3:6

'Ba kanya ö dwølli na pïïe baŋ nyeny Nineba, ena put ö maal ki bäät wälu mare ni gööny abïïne wøk ni røø keeca dëëre na abïï ni pï yi bur.

Dhekaraya 12:10

«Dïcäŋöca, aani, jwïëc met ec ki jwïëc lam kønynya bäät dhi øt Deebit ki bäät jø wø bëëdö Jerucalem. Kanyøgønø geno tïmö ni ge neeta ŋata cwøpge ki tøŋ, ni kïmge kiper gø kaawat man wø kïm dhaanhe bäät nyaare aciel keere mo othøw, ni jwöŋge kiper gø ni yïthge ege keeyø døc kaawat man wø jwöŋ dhaanhe bäät wääde ma kanynye mo othøw.

Luk 7:12

'Ba na tïm kare ni cään ki dhi kiir paanøgø, da dhaanhø mo othøw mo di käärö, ni kïtha wøk, 'ba beeye wäädö keere jï menni. Ni nyijøøgø beeye cï thøø. 'Ba lwaak mo päl mo käla dï paac ena buute.

Jeemeth 4:9

Beerra man kïmmu, ni päth cwïnynyu, ni jwöŋu. Døøyu ŋeethø maru pänh cwïny, ni døøyu met ec maru kïmmö.

Jeemeth 5:1

'Ba ööu nø, u no okwär, ni jwöŋu ni rëëdu kiper gïïo leth moo ö bäätu.