Jeremaya 6:25 - Wëël Jwøk

²⁵ Käru ci yïth pwöth, ni ba cäädhu uutjïëthe, kiper nyïïmän 'moø ceŋge da tøøŋi, ni lwär mo dwøŋ piny ee pääŋö bäre.

Jeremaya 6:25 Iomraidhean Croise

2 Luup Nyeye 15:5

Yïth nïne moøka, teek jï dhaanhø jaak mo cäädhö ni mare døny wøk ki yi paayø wala dunynya yi paac, kiper da dïŋaŋ mo päl ki bëëtö mo patha kare tiet mïëri bëët.

Jööp 18:11

Deŋŋe bäre bëëdö no owïr gïï wø käl lwär; eni bëëdö ni køør tiere di løpø.

Aydheea 1:20

'ba ni näk mo u kweer ni gëëmu, u thöör opëëlle thöörö.» Luummögø caana Wuuö Jwøki ki dhee kiree.

Jeremaya 14:18

Ni kany wø cøøa yie jaak töök paac, a joota jiy mo onääö ri leny! Ni kany wø cøøa pääny, a joota jiy mo onäk käci! Ni ö nyïïkuk Jwøki ki dïlämme ni bëëtge ni ge wïïrö kwör mo kucge.› »

Jeremaya 20:10

Aani, jiy mo thööth awïnynya ni ge mööŋö ki nyeŋŋa, ni «Kee ena köö, ni ‹Lwär mo dwøŋ, piny opääŋe bäre.› Jäällu eni! Beerra man jäälø eni kiree!» Këël nyïïawääta bëët moa näk yaa ŋäädhö kiree, ge manynya ränynyö mara, ni köge, ni «Kanymør wïïe di maaŋŋø, nee ø jïtö ki jöö man böötø eni ki gø, ni marø cool kwör dëëre.»

Jeremaya 30:5

ni «Luumma caan Wuuö Jwøki beeye en: Da dööt jiy mo wïnyö, mo dëëtge kwanynyi ki lwär mo dwøŋ, ni bäŋ bëët-mëër poge.

Jeremaya 4:10

Køøre aana köö, ni «Wui Kwäärö Wuuö Jwøk, ka adïëri møn, jøøi ii ki jø Jerucalem acøøgï, kiper mana kööï, no ‹U bëëdö ki bëët-mëër,› ka manø opëëllö oløny ni ena cwäkge.»

Jeremaya 4:5

«Caannu yi Jerucalem, ni køpu gø dï ŋööm Juuda bäre, ni kööu, ni ‹Koothu tuŋi dï paac bäre.› Tïŋu döötu maal ni kööu, ni ‹Cooŋŋu rou kanya aciel nøø reŋŋø yïth päänye moa no ogeerø ni teek.›

Jeremaya 46:5

«?Aŋø, agïnaŋø na tägö ni nëëni jïra enø? Jø Ijep, dëëtge atïmö ni kwanynyi ki lwär, ni døøge ŋäthge. Otëëe mo leny moge abööti, ni bwøkge ni reŋge; ni bäŋ ŋat mo olwïthö ŋääe, ni ö lwärri mo dwøŋ ni pääŋ piny bäre.» Luummögø caana Wuuö Jwøki.

Jeremaya 49:29

Oduŋkaare ki dïëk moge okäl, ni käl gïïa en yïth oduŋkaare moge, ki jammi, ka athïrööle moge. Jiy okwöŋŋi bäätge ni köge, ni ‹Lwär mo dwøŋ piny apääŋe bäre.›

Jeremaya 49:5

'Ba ka adïëri møn, a na Kwäärö Wuuö Jwøk, a na wïth jammi bëët, a känna bäätu ki gïr lwär mo dwøŋ, mo öö ki løøi ki løøi. Uuno riem wøk ni bäŋ ŋat mo lwïthi ŋääe, ni kanyo reŋu, bäŋ ŋat mo rwöp uuni kanya ciel.

Jeremaya 8:14

'Ba jø paac aköö, na «?Aperŋø ni poodø nøø bëëdö jaak en? Cooŋø røø kanya ciel, nee ø cøø yïth päänye moa no ogeerø ni teek, nøø thumø ki thøø kaace. Kiper Wuuö Jwøk, Jwøk marø, marø anø ŋøl yi thøø, ni eni cïpa pïï mo rege da cïm jïïø nee maadhø, kiper mana bääyø dëëre.

Jeremaya 8:15

Øøna bëëdö ni ø koora bëët-mëër, 'ba bäŋ gïn mo beer mo oöö; ni koorø døøn paac kare, 'ba ennø, atïmö ni nuta lwär keere.

Wëël Kïmmö 2:22

Ïïni jiy acwølï kipera kaawat man wø cwøl jiy cäŋ ajwöma, ni ö lwärri mo dwøŋ ni ciel aani dïër. Yi cäŋ wëër mar Wuuö Jwøk bäŋ ŋat mo obøth wala mo okwøw. Jiy moa gwøa na piidha, wïthge adïïr nyimänni mara.

Edhikiel 21:17

Køøre nø, aani thuwø ceŋŋa puta ka paŋ, ni ö wëërri mara ni døø piny. Luummögø caana aani, a na Wuuö Jwøk.»

Edhikiel 7:18

Geni, keece orøcge na abïïe ni bëët dëëtge ni kwanynyi ki lwär; wïthge otïmö ni laay bëët, ni ö wïthge ni gwääri wøk bëët.

Luk 19:43

Kiper nïne oööi kanyo ö nyïïmännu noo diilge uuni yi kiir, ni bäŋ kany mo thiinh mo dønynyu wøk ki gø,