Jeremaya 6:23 - Wëël Jwøk

²³ 'Ba ceŋge da athëëre ki tøøŋi. Gena jiy mo näk marge raac døc, ni cwïnyge ba pädhi ki näk dhaanhø, ni döötge lwör ni caala pï naama dwøŋ. Ge cäädhi ka bäät okwëënyi, ni dëëtge ege täärö kiper leny, ni ge ööa kuna tukge uuni, u na jø Dhayan!»

Jeremaya 6:23 Iomraidhean Croise

Aydheea 10:32

'Ba dïcäŋi kiree nyimän apïï Nöp, ni tuuŋ cere ni mare ŋwøc kiper gïno tïïe dëët jø Kïn Dhayan ni beeye Kïn Jerucalem.

Aydheea 13:18

Athëëre moge, obwöc cwøw moa näk wøpe thöörge thöörö. Geni cwïnyge ba pädhi ki man 'näkge obwöre moa mar, ni yïthge ba warge ki 'näk obwöre moa therø.

Aydheea 17:12

Wui, wïnynyu ŋurö mar wïth juurre mo thööth, ni wïnyi en kaamar lwör mar athaŋ naama dwøŋ. Wïnynyu ŋurö mar wïth juurre na näk lwör kaamar pïï mo kwödö ni teek.

Aydheea 19:4

'Ba aani ge poot cïba cer nyeya mo raac, ni tïŋŋa maal bäätge ki nyeya mo teek mo wïnni.» Manøgø caana Kwäärö Wuuö Jwøk, eni na wïth jammi bëët.

Jeremaya 25:32

Man beeye mana caan Wuuö Jwøki, eni na wïth jammi bëët, ena köö, ni «Ennø, gïï mo leth onyaay, ni tägi ka baŋ wï jur man nø, ni pïïe baŋ wï jur man nø. Mäny mo teek oööi kaamar atuunna, ni tägi ka ya aŋuun piny.»

Jeremaya 25:9

ka adïëri møn, a na Wuuö Jwøk, a jääga baŋ jø tiet mïëri bëët moa en jï løø wï-piny, ki baŋ Nabukedenecör nyeny Babiløn, eni na en cera, ni käla geni nee këëtge yi ŋöömmi en ki jiy mo wø bëëdö yie, këël ki wïth juurre mo wø kïïö ki ŋöömmi en. Ni puta geni raanynyø na bäre bäre, ni tïïa geni ni cwïny jiy böö ki gïno tägi dëëtge, na gïr abuua, ni päthge yi ränynyö mo bäŋ cuŋŋe.

Jeremaya 30:14

Wïth juurre moa mëërru ki geni na dwätu ki geni bëët wïthge awïl ki uuni; ni ge ba many uuni këët; kiper dëëtu amooa ki gïï mo leth mo caala man wø tïïc nyïïmänni, ni jääla uuni kaawat man wø tïïc ŋat mo cwïnye ba pädhi ki tïïc gïn mo leth. Gïnögø atïïa dëëtu kiper bääyö maru dwøŋ døc, ni raay mou thööth døc.

Jeremaya 4:13

'Ba ka adïëri møn, dëëc öö bäre kaamar pøøl mo mäännö, ni ö jïëth lenynyi moge mo wø tut okwëënyi ni öge kaamar atuunna; okwëënyi moge rïïŋö døc ni kaala olwiith. 'Ba otïmö ni raac jïïø, kiper beeye ränynyö marø.

Jeremaya 4:16

Ni kö Wuuö Jwøki, ni «Ennø, caannu jï wïth juurre, ni køpu gø dï Jerucalem, ni jøw mo tiega paac oööi ki paac mo kare bäär, ni kwöŋge bäät päänye mo Juuda.

Jeremaya 4:29

Ki køør dööt tiet okwëënyi ki tiet jø wø këëdi ka athëëre, jø päänye bëët bwøk; ni dønyge yïth abuŋŋe, ni kaange rege yïthakic kïte; ni wec päänye bëët, ni dööŋge ni bäŋ jiy mo bëëdö yïthge.

Jeremaya 5:16

Geni, gena jiy mo 'näk jiy ka athëëre ŋäcge; ni gena jiy mo teek ki leny døc.

Jeremaya 50:41

Ka adïëri møn, da wï jur mo öö ki wï-piny, ni beeye wï jur mo teek ki nyeye mo thööth mo yïthge otheŋø mo käla kany mo bäär.

Jeremaya 50:42

'Ba ceŋge da athëëre ki tøøŋi. Gena jiy mo 'näk marge raac døc, ni cwïnyge ba pädhi ki 'näk dhaanhø, ni döötge lwör ni caala pï naama dwøŋ. Ge cäädhi ka bäät okwëënyi, ni dëëtge ege täärö kiper leny, ni ge ööa kuna tukge ïïni, ï na Babiløn.

Jeremaya 6:4

Ni köge, ni ‹Jiiŋŋø røø nøø këëdø ki paanøgø; öö maal ni tuuø paanøgø ki dhöör dïcäŋ.› 'Ba køøre ge köö, ni ‹Leny aränynyö, kiper cäŋ anø tïmö ni thiinh ni kwaara piny.

Jeremaya 8:16

Da dööt okwëënyi mo jø leny mo nyïïmän mo wïnyö ki Daan; ni piny bëëdö ni miel ki dööt okwëënyi moge. Ni ö nyïïmänni ni raanyge piny ki japa en yie bëët, këël päänye ki jø wø bëëdö yïthge bëët.»

Edhikiel 21:31

Gootø käla bäätu, ni ö wëërri mara ni wø liel kaamar maac ni kønynya gø bäätu; aani u cïba ceŋ jiy mo reyø døc mo geno kwänynyö døc ka aranya.

Tiet Ciik 28:49

«Wuuö Jwøk känna bäätu ki wï jur mo käla kany mo bäär ya aŋuun piny, ni läänge baŋu ka man wø lään coorri piny, ni beeye wï jur mo dhøkge ba wïnynyu,