Jeremaya 6:19 - Wëël Jwøk

¹⁹ Wui, ï na piny, wïny gïn: Ka adïëri møn, a känna bäät jøøi ii ki gïn mo leth, ni beeye gïno duu acaare moge na reyø, kiper ïthge kärge ciiø ki luup 'moa, ni kweerge ki ciik 'moa thuwø.

Jeremaya 6:19 Iomraidhean Croise

Pwöc Leec Wïc 15:26

Acaare mo reyø, Wuuö Jwøk yie raac ki ge, 'ba luup mo tøŋ, ec met ki ge.

Pwöc Leec Wïc 28:9

Ŋat wø løø ïthe wøk ki man ba wïny ciik Jwøk, këël lam mare kiree tïmö na gïn mo yi Jwøk raac ki gø.

Aydheea 1:2

Wuuö Jwøk aköö, ni «Wui, Maal, cek ïthï! Wui, Piny, wïnynyï! Obwöre moa piidha na døøŋŋø cera, gena ö maal bääta ni gëëmge ki aani.

Aydheea 5:24

Kiper manøgønø, kaawat man wø ö leep maaci wø gam lethø, ni ö luummi mo otal ni thööri ya maaci, geni thuwø ge tïmö kaamar jenni mo lweetge otøp, mo bøøkge køøl jame køølø kaamar tør; kiper ciik Wuuö Jwøk, eni na wïth jammi bëët, akwierge, ni taakge luum gø, eni na Jwø Icriel na en kur keere.

Aydheea 59:7

Tietu ŋwieya køør gïïa reyø, ni u wø lääta baŋ køny rem jøøa beyø piny. Acaare mou beege acaare mo reyø, ni uutjïëthe mo wø caathu bëët, u temma gïï mo leth ka aranya.

Aydheea 66:18

«'Ba kiper mana ŋääa tïïe moge ka acaare moge, aani a öö ni cooŋa wïth juurre ki teeŋ dhøgi bëët; ni öge ni putge ajiem mara joot.

Jeremaya 11:11

Kiper manøgønø, mana ŋøla, a na Wuuö Jwøk, beeye ni ennø, a känna bäätge ki gïï mo leth mo ge ba maar bødhø yïthge. Ni këël ge doo jwöŋö dëëra, marge ba wïnynya.

Jeremaya 15:6

Uuni, aana weyu, a na Wuuö Jwøk, ni bëëdu nou døøa ŋäthu. Kiper manøgønø, u jääla jäälö ni raanynya uuni; aana jøøm ni cwïnya ba wara ki uuni këët.

Jeremaya 17:10

«Beeye aani na Wuuö Jwøk ni wø neen cwïny dhaanhø, ni wø raŋ acaac dhaanhø thuwø, ni ŋati man nø cunna cunnö ki køør uutjïëth bëëtö moe, ki køør tïïe moe ni wø tïïe.»

Jeremaya 19:15

ni «Luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Ka adïëri møn, aani, gïïa leth bëët na nø caana käla bäät pääny man ki bäät mïëri bëët moa en deŋŋe, kiper wïthge adøøcge mo teek ni kweerge ki man cekge ïthge ki luup 'moa.› »

Jeremaya 19:3

ni caanï gø nee wïny nyec Juuda, ki jø wø bëëdö Jerucalem, ni kööï, ni ‹Wïnynyu luum Wuuö Jwøk. Mana caan Wuuö Jwøki, Jwø Icriel, eni na wïth jammi bëët, beeye en: Ka adïëri møn, aani, a känna bäät paani ki gïn mo leth, ni ŋat wø wïny gø, cwïnye puta bwøk.

Jeremaya 21:14

'Ba a na Wuuö Jwøk, u jääla jäälö ki køør tïïe mou na reyø, ni waaŋa paan dwøŋ maru ki maac ni ö gïïo en lage bëët ni thööri ya maaci.»

Jeremaya 22:29

Wui ŋöömmi en, wui ŋöömmi en, wui ŋöömmi en! Wïny dwør Wuuö Jwøk!

Jeremaya 29:19

Kiper geni, luup 'moa, a na Wuuö Jwøk, kärge wïnynyö, ni beege luup moa cara jïge cooth ki dhøk jiya ma nyïïkuk Jwøk. Ni uuni thuwø, u na mak ki tøŋ, dwøra käru wïnynyö.

Jeremaya 4:14

Wui, u jø Jerucalem, pïnyu raay wøk cwïnynyu, kiper nou piem. ?A këël kany mo nyïëdi nø noo bëët acaare mou na reyø cwïnynyu?

Jeremaya 4:16

Ni kö Wuuö Jwøki, ni «Ennø, caannu jï wïth juurre, ni køpu gø dï Jerucalem, ni jøw mo tiega paac oööi ki paac mo kare bäär, ni kwöŋge bäät päänye mo Juuda.

Jeremaya 4:4

U na cwøw Jerucalem ki mo dï Juuda bäre, wëëgu cwïnynyu daŋ nou cïpa dëëtu jïra, a na Wuuö Jwøk, ni kälu dupa mana raac wøk cwïnynyu, kiper nee wëër mara na liel na wääŋö kaamar maac mo bäŋ ŋat lønye jïgø ki bïp ba käla bäätu kiper gïïa reyø na tïïyu.

Jeremaya 49:37

Aani na Wuuö Jwøk, jø Ilam cwïnyge owëëga bwøk nyïm nyïïmän moge, nyïm jø wø many jwïëcge; aano kän bäätge ki gïn mo leth ki køør wëër mara ni wø liel kaamar maac. Tøŋ ojääŋŋa køørge këël mano thööra geni.

Jeremaya 6:10

'Ba aana köö, na «?Aŋa noo luumma noo köömma, nee luumma wïnynye? Ka adïëri møn, ïthge ege cïëgö, ni ba løny jïge ki man cekge ïthge. Ennø, luum Wuuö Jwøk atïmö ni jääla geni, ni tïm yïthge ni ba met ki gøøni.

Jeremaya 6:18

Kiper manøgønø, Wuuö Jwøk aköö, ni «U na wïth juurre, cegu ïthu, ni ŋäyu gïno tägi dëët jiya.

Jeremaya 8:5

?'Ba aperŋø nø na ö jøøi na jø Jerucalem ii ni gaage wøk ki gaan wøk mo bäŋ cuŋŋe en? Geni cwïnyge onieŋ køør cwøk døc, ni kweerge ki man duuge baŋa.

Jeremaya 8:9

Jøøa köö ni wïthge leer, wïthge olääy; cwïnyge obwøk ni mak geni. Neenï, gena kweer ki luum Wuuö Jwøk. ?'Ba a teeŋ leec wïc mo nyïëdi nø ni en jïge?

Daniel 9:11

Dhaanh Icriel bäre ciik moï akaalge, ni løkge ŋäthge, ni kwierge dwørï. «Kiper manøgønø, acïëni ki kööŋ mar ajäla na näk ogöör piny yi wëël ciik Modhe, eni na dhaanh Jwøk, akïth bäätwa, kiper waana bääyö dëërï.

Odheea 10:13

'Ba uuna bëëdö nou piitha gïï mo reyø, ni kayu bäŋ ŋøl luup ma kare, ni cammu nyïëdi mo tööt. Kiper uuna bëëdö nou ŋäätha teek maru keeru, ki jø leny mou na thööth.

Odheea 4:6

Jiya araanynyi ki køør bäŋ kwänynyö. 'Ba kiper mana kweerru ki kwänynyö, u na dïlämme, aani thuwø, u kwiera kwierø ki man tïmu ni uuna dïlämme 'moa. Kiper mana wïl wïthu ki ciik 'moa, a na Jwøk maru, aani thuwø wïïa wïl ki nyïïkwaayu.

Amøc 2:4

Wuuö Jwøk aköö na ennø, ni «Kiper mana ö jø Juuda na kaathge bääyö marge, a ba døø ŋääa ki man jääla geni, kiper mana kwierge ciik Wuuö Jwøk, ni kärge luumme gwøø; ni gaage wøk thuwø køør juu mo patha adïëri moa cääth kwäcge køørge.

Mikiya 1:2

Ena köö, ni «Wui, u na jiy bëët, wïnynyu gïn; wui, piny ki gïïa en yie bëët, cegu ïthu; Kwäärö Wuuö Jwøk mare caane caanø dëëtu ni eni ena kar bëëtö mare na en kur keere.

Mikiya 6:2

Wui kïte, u na nut cøøn, wïnynyu luum løøk mar Wuuö Jwøk, kiper Wuuö Jwøk jïre da løøk ki jiye, ni beege jø Icriel noo cääne ki geni.

Jøøn 12:48

'Ba ŋat wø kweer ki aani ni ba wïny luup moa caana, da ŋat mo ŋøla luumme piny. Ni beeye luubö mana kwøŋa caan noo ŋøl mare piny yi cäŋo cuŋ pinynyi yie.

Moa Tïïc Nyïïatwieli 8:22

Kiper manøgønø, løk cwïnyï ki gïnö ni raac ni en cwïnyï enø, ni kwayï Wuuö nee løny ki man wec gïnö ni raac na caarï ki cwïnyï.

Tiet Ciik 30:19

«Dïcäŋi ennø, maal ki piny atïmö ni beege gïïo ŋäc luummi en yïthakiyø ki uuni. Kwøw ki thøø acïba nyïmmu, ni cïba gwïëth ka acïëni nyïmmu. Kiper manøgønø, jierru kwøw, kiper nee uuni ki nyïïkwaayu nou bëëdu nou kwøw.

Tiet Ciik 32:1

'Ba luup moa en yi duut na caan Modhe beege ii; ena köö, «Wui maal ki piny, beerra man cegu ïthu ki gïno caana; ni wïnynyu luup moo ö wøk ki dhaa.

Tiet Ciik 4:26

Dïcäŋi en maal ki piny otïmö ni beege gïïo ŋäc luummi en yïthakiyø ki uuni kiper gïno raac noo pïï dëëtu. Ni näk gïna caan Wuuö Jwøki ba leŋŋu, u laara thumö kany mo cään en wï ŋöömö mano cou yie nee lwørru na maru løø Naam Jördan løøga. U ba bëëdö ki kany mo bäär yi ŋöömö manøgø këët, 'ba u put ka thöör na bäre bäre.

1 Camiel 15:23

Kiper ki man gëëmö ki Wuuö Jwøk caala raay mo ŋat wø tïïc tïï ajwøa, ni ö teek wïci ni caal raac ŋat wø lam juu møøk. 'Ba ennø møn, kiper mana nø kwierï dwør Wuuö Jwøk, Wuuö Jwøk thuwø ïïna kwiere ki man bëëdï na nyeya.»

1 Camiel 15:26

'Ba Camiel aköö jï Cøøl, na «A ba aay ki ïïni; kiper ïïni, dwør Wuuö Jwøk anø kwierï, ni ö Wuuö Jwøki thuwø ni kwier ïïni ki man bëëdï na nyeya bäät jø Icriel.»