Jeremaya 6:17 - Wëël Jwøk

¹⁷ Ni kö Wuuö Jwøki, ni «Aana cïpö ki dïkuye jïïu mo koora uuni, ni kööa, ni ‹Cegu ïthu kanyo koothge tuuŋ!› 'Ba uuna köö, ni ‹Jïwa bäyö, ïthwa ba cekwa.› »

Jeremaya 6:17 Iomraidhean Croise

Aydheea 21:11

'Ba luumma nyooth Wuuö Jwøki kiper jø Duma bee en: Dhaanhø mør cwödö ki Cëër, ni kööe, ni «?Ŋat koor, a kany mo nyïëdi noo dööŋ kiper wäär? ?A pëënynya ïïni, naa kany mo nyïëdi noo dööŋ kiper wäär?»

Aydheea 56:10

Jø koor mo Icriel gena cööye; bäŋ gïn mo ŋäcge ge bëët. Ge bëët, ge caala guu mo dhøkge orïpö, mo ba løny ki man gucge, ge bëëdö ni geno butö jaak ni marge lääk, ni gena jiy mo yïthge met ka niine,

Aydheea 58:1

Wuuö Jwøk aköö, ni «Kwöŋŋu døc ni ba wëëgu döötu jook; tïŋu döötu maal kaamar dwør tuuŋ, nou cara bääyö mar jiya ki raay moge, ge na nyïïkwaac Jeekap.

Aydheea 62:6

Wui Jerucalem, Wuuö Jwøk acïpö ki dïkuye bäät kiir marï, mo ge bëëdö ni ge rwääö ki yi cäŋ ki wäär bäre ni ge ba lïŋi. 'Ba uuni ni wø par wï Wuuö Jwøk, kär dee jwöm mo tïïyu kiper dëëtu,

Jeremaya 18:12

'Ba geno köö, ni ‹Bäŋ gïn løny jïwa këët na bäre bäre; waani, wa poot cäädhö køør acaare mowa, ni ö ŋati man nø dïwa ni tïïe ki køør teek wïc mare na öö ki køør rääö mana en cwïnye.› »

Jeremaya 25:4

«Ni ö Wuuö Jwøki ni bëëde ni jääŋŋa jiy moe ma nyïïkuk Jwøk baŋu cooth, 'ba dwøre käru wïnynyö ni ïthu käru ciiø.

Jeremaya 6:18

Kiper manøgønø, Wuuö Jwøk aköö, ni «U na wïth juurre, cegu ïthu, ni ŋäyu gïno tägi dëët jiya.

Jeremaya 7:28

Køøre ï köö jïge, ni ‹Paac man beeye paac mo luum Wuuö Jwøk, Jwøk mare, ba wïnynye, ni käre pwöc mare na leth wïnynyö thuwø; ni ö adïëri ni rwäänye, ni tïme ni bäŋ ŋat mo cäänö ka adïëri.

Jeremaya 8:5

?'Ba aperŋø nø na ö jøøi na jø Jerucalem ii ni gaage wøk ki gaan wøk mo bäŋ cuŋŋe en? Geni cwïnyge onieŋ køør cwøk døc, ni kweerge ki man duuge baŋa.

Edhikiel 3:7

'Ba jø Icriel ge poot kweer ki man wïnyge luummï, kiper geno nø kweer ki man wïnyge luumma. Ka adïëri møn, jø Icriel bëët gena jiy mo wïthge teek ni cwïnyge teek.

Odheea 8:1

'Ba Wuuö Jwøk aköö, ni «Jek riï ki man koothï tuuŋ! Nyimän aöö kaamar coor nee tïïe ki gïn mo raac dëër ŋöömö mara, a na Wuuö Jwøk, kiper jø Icriel, luumma tuuda ki kwäcge akwierge, ni gëëmge ki ciik 'moa.

Abakuk 2:1

Aani a bëëdö naa kurö kaamar ŋat mo cuŋŋa kar koor mare, ni bëëda naa kurö kaamar dhaanhø mo ena bäät gïr koor maal, naa rääŋö ki man neena gïno caan Wuuö Jwøki jïra, ki gïno løøa kanyo jook aani.

Dhekaraya 1:4

Käru tïmö kaamar kwäyu. Kwäyu luup 'moa ajääŋŋa baŋge kar kaaca ki dhøk nyïïkuk Jwøk 'moa mo acääŋŋe ni kööa, ni ‹Man beeye dwøra, a na Wuuö Jwøk na en wïth jammi bëët: «Ennø, weyu uutjïëthe mou na reyø ki tïïe mou na reyø.» › 'Ba gena kweer ki man cekge ïthge wala ki man wïnyge luumma. 'Ba luummögø caana aani, a na Wuuö Jwøk.

Dhekaraya 7:11

«'Ba jiy akweer ki man cekge ïthge; ni putge ŋäthge løk ki dïwït marge, ni dhïŋge ïthge ni ge kwiera luup.

Ibaru 13:17

Leŋŋu dööt jø wø bwøth uuni, ni jïëyu geni. Kiper ge koora jwïëyu, ni ŋäcge ni beege noo pëënynyi ki gïïa tïïcge. Beerra man wëëgu geni tïïc gïnögø ni yïthge met, ni cwïnyge ba peek. Kiper ni näk ma enøgønø tïmö ni bäŋ gïn mo beer mo kwanynyu.