Jeremaya 6:16 - Wëël Jwøk

¹⁶ Luumma caan Wuuö Jwøki jï jiye beeye en, ena köö, ni «Cuŋŋu ya agääk jïëthe, ni raŋŋu gø døøc, ni pëënynyu uutjïëtha cääŋŋe, man näk mo jööra beer a mane, ni putu wääth ki yie; køøre uuno jïti ki jwömö ki yïth cwïnynyu. 'Ba uuna köö, ni ‹Jïwa bäyö, wa ba cäädhi ki yie.› »

Jeremaya 6:16 Iomraidhean Croise

1 Nyeye 8:36

beerra man wïnynyï gø ki maal ni wëënnï raay mo jiyï ma jø Icriel, ni pwönynyï geni ki jöö mana beer man cääthge ki gø, ni jääŋŋï køth bäät ŋøøm moï moa cïpï jï jiyï na mo dööŋ jïge na moge.

2 Luup Nyeye 19:11

«Raŋŋu, Amariya, eni na Kwääy Lam Mana Dwøŋ, tïmö na wïc maru ki yïth jammi bëët mo guta luup Wuuö Jwøk; ni ö Dhebadiya wär Icmiel, na bëëdö na bwödhi mar jø tuuŋ Juuda, ni tïme na wïc maru thuwø ki yïth jammi bëët mo guta luup nyeya. Ni ö jø tuuŋ Libay thuwø moa no ocuumö ni kønyge uuni ki tïïc. Bëëdu nou teek ki yïth jammi bëët moo tïïyu. Beerra man ö Wuuö Jwøki ni bëëde ki jø wø marge beer.»

Aydheea 2:5

'Ba ennø, u na nyïïkwaac Jeekap, ööu, nøø cäädhø ki yi tar mar Wuuö Jwøk.

Aydheea 28:12

Kiper eno kwøŋ köö jïge, ni «Jwöm en; beerra man ö jiyi moa no oööl ni jïtge ki jwöm;» ni kööe, ni «Kar jwöm bee en,» 'ba gena kweer.

Aydheea 30:21

Kanyo wäru cäädhu nou gaa bäät cwïïc wala bäät caam, dwøl wïnynyu wïnynyö ŋäthu mo köö, ni «Jöö en, cäädhu ki yie.»

Aydheea 46:9

Parru wïthu ki gïïa no opöödhö na kwøŋ tägö cøøn, kiper bee aani na Jwøk, ni bäŋ Jwøk mør këët. Aana Jwøk, ni bäŋ Jwøk mør këët mo caala aani.

Aydheea 57:2

Jiy mo wø caath jöör adïëri, ge dønynya yi bëëtö mo beer; ge jïtö ki jwöm kany wø bëëtge ni geno pïël piny ni geno thøw.

Aydheea 8:20

Beerra man cïpge ŋäädhe marge ri pwöc Wuuö Jwøk ki ciik moe. 'Ba ni näk luummögø ba tïïcge, nyootha gø ni bäŋ tar bäätge.

Jeremaya 12:16

'Ba ni näk mo jöör bëëtö mar jiya kwanyge kwanyø møn, ni bëëtge ni ge kööŋŋa ri nyeŋŋa, ni ‹Ŋëët Wuuö Jwøk, Jwøa kwøw,› kaawat mana kwøŋge jiya pwönynyø ki man kööŋge ri Baal, aani tietge këëlla piny yïthakic jiya.

Jeremaya 18:12

'Ba geno köö, ni ‹Bäŋ gïn løny jïwa këët na bäre bäre; waani, wa poot cäädhö køør acaare mowa, ni ö ŋati man nø dïwa ni tïïe ki køør teek wïc mare na öö ki køør rääö mana en cwïnye.› »

Jeremaya 18:15

'Ba jiya aana wecge, ni tïmge ni ge wääŋö ki gïn wø jïye ŋwääi ni met jï juu mo oballe; ni ö juugögø ni wëëk tietge cwanynyø yïth uutjïëtha cääŋŋe na cørge yïthge, ni wëëkge ge wääth yïth uutjïëthe moa näk kär ŋeth.

Jeremaya 2:25

Ï na Icriel, kär dëërï öölï ki wääth køør juu mo oballe, ni ba 'nägï dëërï ki riew. 'Ba ïïna köö, ni ‹Bäŋ gïn løny jïra këët na bäre bäre, kiper a bëëdö naa mëër ki juu mo path, naa poot caatha køørge.›

Jeremaya 22:21

Uuna köömma kanya bëëdu ni bëëtö maru jööt jaak, 'ba uuna köö, ni ‹Marï ba wïnywa!› Manøgø beeye bëëtö maru cøøn ki mana täge ki kanya täk paac yie, ni dwøra ba wïnynyu.

Jeremaya 31:21

«Wui Icriel, ï na caal nyakøø mo dëër dïcwøø poot kuue, Määny øtjöö marï ki nyuuthe; cööth piny ki jenni mo nyootha jöö; ni cïbï acaayï øtjööra kwøŋï cør yie. ööï ni duuï yïth päänye moï.

Jeremaya 42:3

Lämï kiper nee Wuuö Jwøk, Jwøk marï, kanyo ciwa yie ki gïno tïïcwa nee nyoodhe jïwa.»

Jeremaya 44:16

ni «Luubö mana caanï enø jïwa ki nyeŋ Wuuö Jwøk ba wïnywa.

Jeremaya 50:5

Geni, jöör Dhayan opëënyge, ni løøge nyïmge yie, ni öge ni cïpge dëëtge jï Wuuö Jwøk ki køør luubö mano tuutge mo bëëdö na bäre bäre, mo wïc ba wïl ki gø.

Jeremaya 7:23

'Ba gïna köömma geni ki gø beeye en, aana köö, ni ‹Wïnynyu dwøra, 'ba aani, aano bëëdö ni aana Jwøk maru, ni bëëdu ni uuna jiya, ni cäädhu ki uutjïëthe bëët moa köömma uuni ki ge, nee bëëtö maru tïme ni beer.›

Jeremaya 7:24

'Ba mara kärge wïnynyö, ni ïthge kärge ciiø ki dwøra, 'ba gena tïmö ni ge cäädhi ka køør acaare moge, ki køør teek wïc marge na öö ki køør rääö mana en cwïnyge; ni bëëtö marge ba cääth maal, 'ba døøa piny.

Jeremaya 7:3

Mana caan Wuuö Jwøki, eni na wïth jammi bëët, eni na Jwø Icriel, beeye en, ena köö, ni ‹Tiirru jöör bëëtö maru ki tïïe mou; køøre aani, u wëëga bëëtö kany.

Milkiya 4:4

Ni cäŋ köö, «Parru wïthu ki ciik dhaanhnha ma Modhe, ni beege gïïa cema ki pwöc moa cïba jïre kiper jø Icriel bëët bäät Kïn Körëp.

Luk 16:29

'Ba Eeberam aköö, ‹Luup Modhe ki mo nyïïkuk Jwøk ena baŋge. Beerra man wïnyge geni.›

Jøøn 12:35

Ni kö Jecu jïge, ni «Tar obëëdö dïïu ki kany mo thiinh. Cäädhu kany poode ni tar bëëdö dïïu en, kiper nou ba mac muudhe. 'Ba ŋat wø cäädhi yi muudhö, kun wø ci yie kuue.

Jøøn 13:17

Ni näk mo gïïögø ŋäyu, uuno gwïëth kany wø tïïyu geni.

Jøøn 5:39

U wø määnyö yïth weet Jwøk, kiper you caarø ni yïth luupögø beeye noo jootu kwøw mana näk adïëri mo bäŋ cuŋŋe. Ni beege geni ni wø køp gïra.

Moa Tïïc Nyïïatwieli 17:11

'Ba jø Juuth moøgø theemma geni ki moa en Thecalönika, kiper gena laar jïëy ki luum Jwøk, ni bëëtge ni ge raŋŋa luup moa en yïth weet Jwøk cooth ki man näk mo luupögø adïëri.

Wëëlö Mana Göör Pøølli Baŋ Jø Röm 4:12

Ni tïme na kwar jøøa näk odaŋø thuwø, na näk marge patha daŋ keere, 'ba ge caatha jöör ŋäädhe mana en jï kwarø ma Eeberam kanya poode ni eni poot kär daŋø.

Tiet Ciik 32:7

«Parru wïthu ki nïne mo acääŋŋe, ni caarru wïthu ki cwiiri moa beet beenhnhe mou bëët. Pëënynyu wëëgu, nee caange jïïu; ni pëënynyu jäle mou thuwø, nee caange jïïu.

Köløcia 2:6

Kiper manøgønø, putu bëëtö ree, kaawat mana jïëyu Krictø Jecu na näk Kwäärö.

Ibaru 11:2

Ni beeye na ö kwäre na jïëyi ya Jwøki ki køøre.

Ibaru 6:12

nee dëëtu ba tïmge ni peek. 'Ba, nou tïmu nou ŋwaala mar jø wø ci gïïa buuk jïge ki køør ŋäädhe mare ki bäŋ jøømø.

Pïëmme 2:17

'Ba këël na bëëde na enøgønø, jø Icriel ge poot bëëdö ni dööt pïëmme moge ba wïnyge, kiper ge poot bëëdö ni cwïnyge onieŋ køør juu møøk, kaawat man wø tïïc dhaaŋ paaci mo rïïŋö køør käp. Geni cøŋge wø këëlge piny ni ge wøøra juu moøgø. Ni ge wø laara gaa wøk ki øtjöö mana caath kwäcge kanya bëët kwäcge ni ge gwøga ciik Wuuö Jwøk; 'ba ge kär bëëdö ki bëëtö mana beet kwäcge.