Jeremaya 6:15 - Wëël Jwøk

¹⁵ ?Aŋø, wïthge alääö ki gïna tïïcge na raac eci ki gø? Jïre bäär, wïthge kär lääö na bäre, ni nyeŋge kär tïmö ni law. Kiper manøgønø, kanyo jääla geni, ge puta ränynyö, ni thøwge ki jiy na aciel.» Luummögø caana Wuuö Jwøki.

Jeremaya 6:15 Iomraidhean Croise

Wïlöölö 19:34

'Ba na tïme na aruunnø man, nyaana dwøŋ aköö jï coki, ni «Wääna witïni aana ci baŋ awuuö. Ennø, cäŋø eni maathø ki køøŋ nyïïomøki wääni, kiper niï ci baŋe thuwø, nee wïthø nywölø wøk ka awuuö.»

Bwøth Wøk 32:34

'Ba ennø, ciï ni bwødhï jø Icriel kanya näk yaa caanø jïrï. Ka adïëri møn, nyïïatwiel maal mara ojääŋŋa nyïmï; 'ba kanyo tïme na kar ŋøl luup, kar kaaca nø bääyö marge oŋøla bäätge.»

Pwöc Leec Wïc 29:1

Ŋat wø jøgi cooth, ni luup poot di dhalø, ränynyö ocwöp dëëre, ni bäŋ gïn køny gø.

Aydheea 10:4

'Ba mano dööŋ keere nø, beeye ki man boothu nyeŋŋu yïthakic jø omak ki tøŋ, ni 'näk uuni yïthakic jiy mo othøw. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Aydheea 3:9

Gïïa reyø na tïïcge nëënö täärnyïmge, ni ge bëëdö ni ge nyøtha raay moge kaamar Cødam, ni raay moge ba maarge kan. Wui, otïmö ni leth jïge, kiper gïïa reyø na kälge bäätge!

Jeremaya 14:15

Kiper manøgønø, mana ŋøla, a na Wuuö Jwøk, beeye en: Nyïïkuk Jwøk moøgø ni wø køp luup ki wïthge yøø ki nyeŋŋa, këël na bëëde ni ge ba jääŋŋa aani, ni ge köö, ni ‹Leny ki käc ba doo pïï yi ŋöömmi en,› nyïïkuk Jwøk moøgø wïthge dïdö ri leny ki käc.

Jeremaya 18:23

'Ba ï na Wuuö Jwøk, gïï mo pïï ri thøø na tut jøøgø kipera bëët ŋäyï. Kär bääyö marge uumï, ni ba gööbï raay moge wøk nyïmï. 'Ba beerra man ränyge nyïmï, ni kanyo kööï niï wëër yie, wärï tïïï ki gïn mo leth dëëtge!

Jeremaya 23:12

«Kiper manøgønø, jöörge otïmö ni da adipøødha yie mo ceeya tietge, ni cöör geni wøk yi muudhö, ni päthge yie; kiper a kännö bäätge ki gïn mo leth yi cwiino jääla geni yie.» Luummögø caana aani, a na Wuuö Jwøk.

Jeremaya 3:3

Kiper manøgø nø, køth amäni, ni bäŋe køth mo opädhö ki cwiir. 'Ba ï poot bëëdö kaamar dhaagø mo waŋe nëëni na waŋ kääbi, ni wïïï ba laay na bäre bäre.

Jeremaya 44:10

'Ba cwïnyge kär maar pädhö kiper gïna tïïcge, këël dïcäŋi en, ni ge kär lwäyö, ni ge kär cäädhö køør ciik 'moa ki gïïa cema na cïba jïïu ki jï kwäyu.

Jeremaya 5:29

?Aŋø, ge ba jääla gø nidïï kiper teeŋ gïïögø? ?Aŋø, gïnögø ba coola gø nidïï dëër paac mo temma teeŋ gïïögø?› » Luummögø caana Wuuö Jwøki.

Jeremaya 5:9

?Aŋø, ge ba jääla gø nidïï kiper teeŋ gïïögø? ?Aŋø, gïnögø ba coola gø nidïï dëër paac mo temma teeŋ gïïögø?» Luummögø caana Wuuö Jwøki.

Jeremaya 8:12

?Aŋø, wïthge alääö ki gïna tïïcge na raac eci ki gø? Jïre bäär, wïthge kär lääö na bäre, ni nyeŋge kär tïmö ni law. Kiper manøgønø, kanyo jääla geni, ge puta ränynyö, ni thøwge ki jiy na aciel.

Jeremaya 8:9

Jøøa köö ni wïthge leer, wïthge olääy; cwïnyge obwøk ni mak geni. Neenï, gena kweer ki luum Wuuö Jwøk. ?'Ba a teeŋ leec wïc mo nyïëdi nø ni en jïge?

Edhikiel 13:14

Kiir mana rwøthu ki booya manøgø raanynya raanynyø ni neeruuth piny, ni tïm tiere ni nëënö wøk. 'Ba kanyo pädhe, uuno maae yie ni put ränynyö na aciel ki uuni bëët. Køøre nø, ŋäyu ŋääö ni bee aani na Wuuö Jwøk.

Edhikiel 2:4

A jääŋŋa ï baŋge, ge na jøøa wïthge teek na näk cwïnyge teek. Wär caanï jïge ni kööï, ni ‹Man beeye dwør Kwäärö Wuuö Jwøk.›

Edhikiel 24:7

Kiper rem jiy moa køny piny dï pääny poot nutö dïëre, ni ee køny bäät kïte jaak, ni käre koony yïth ŋøøm nee uum ŋøømmi.

Odheea 4:5

U bëëdö nou cwanynya tietu ki dïcäŋ ki wäär, ni ö nyïïkuk Jwøki ni cwanyge tietge ki uuni ciel. Kiper manøgønø, Icriel na caal miiu, raanynya raanynyø.

Odheea 9:7

Cäŋ ajäla oløny ni öö, cäŋo cool kwör yie dëët jiy kare acäännö; beerra man ŋäyu gïnögø, u na jø Icriel! U köö, ni «Nyikuŋ Jwøk man wïïe bäŋgø; ni ŋati ni dëëre da Jwïëc Jwøk en bøøl;» kiper raay mou atïmö ni thööth døc, ni ö männi maru ni kadhe.

Mikiya 3:6

Kiper manøgønø, da wäär mo öö kiperge mo bäŋ luup lääk mo ö bäätge, ni ö muudhe mo cøl ni neejïïm bäätge ni bäŋ luup adïëda mo køpge. Cäŋ opädhi bäät nyïïkuk Jwøk moøgø, ni ö dïcäŋŋi ni tïme na muudhö mo cøl bäätge.

Mikiya 7:4

ŋata no okøø dïge ni beerra eni døc caala koodhø, ni ŋata no okøø ni mare thïïŋ døc, rääye kaala koodhi mo olöör piny. 'Ba uuni, cäŋ mana caan jø koorri ma nyïïkuk Jwøk öö, ni beeye ööny ajäla maru, ni ö paaci ni jïte ko okiera.

Jepaniya 2:1

Wui, u na wï jur mo wïthu ba laay en, cooŋŋu dëëtu kanya ciel,

Jepaniya 3:5

'Ba Wuuö Jwøk na en yi Jerucalem, mare beeye adïëri, ni eni ba ŋudö ki luup mo patha karge. Ka amöölla cooth adïëri mare wø käle yi tar, ni eni ba døø ŋääe ki gø ki yïth nïne bëët. 'Ba jøøa reyø ge poot temma raay ni wïthge ba lääy.

Dhekaraya 13:4

«'Ba dïcäŋöca, nyikuŋ Jwøk man nø mana näk patha adïëri wïïe olääy ki køør luup tööt moe na care, ni ba ruye ka abïïna näk cwääc ka jïër ni wø käär nyïïkuk Jwøki, kaa mana wara røc gø ni maaŋŋa wïth jiy ki gø.

Mathiew 15:14

Wiiu geni karge. Geni, ge caala cööye mo ge pieya cööye. Ni näk ŋat ma cwør pieya cwørri mør, ge pätha yi buur karge riet.»

Pilipay 3:19

'Ba cuŋ marge beeye ränynyö, ni jwøge beeye ec, ni lään wïc marge ege tïïö na ajiem, ni cwïnyge ege cïp køør jap piny.