Jeremaya 6:14 - Wëël Jwøk

¹⁴ Gïï wø raany paac ataakge na gïn mo jööt jaak, kaawat man wø taak ŋwellø dëër dhaanhø, ni ge wø köö, ni ‹Paac beer jaak,› këël na bëëde ni bëët paac raac.

Jeremaya 6:14 Iomraidhean Croise

2 Camiel 17:3

ni ö jiyi bëët ni puta ge duu baŋï. 'Ba kanyo nø thøw ŋata manynyï keere, jiy bëët duuö møn; ni jït paaci ki bëët mëër.»

Aydheea 1:6

ki mana täge ki thäc tietu këël wïthu, bäŋ kany mo jööt; 'ba beege ŋwiili keerge; ni beege kwör mo okwöt, ka atwøt mo onilwäk piny, mo bëëdö no odheeth, ni kär bääö, ni kär julö ki maaw.

Aydheea 30:10

jø wø köö jï jø wø nyuunh Wuuö Jwøki ki luup mo wø nyooth ki yi wïc, ni ‹Kär dee gïï mo neennu;› ni wø köö jï nyïïkuk Jwøk, ni ‹Kär luup ma adïëri mo wø nyooth jïïu caannu jïwa; 'ba caru luup mo cwïnywa mïnnö ki ge, këël doo na cwøk jaak.

Aydheea 30:26

Kanyøgø tar mar dwääy otïmö ni caala tar mar cäŋ, ni ö tarri mar cäŋ ni rienye døc no omëëtö ki kwöre abïriiø, ki tar mo röömi ki tar mar nïne abïriiø. 'Ba yi cäŋ manøgø beeye cäŋ mano ö Wuuö Jwøki noo 'käl gïïa leth wøk bäät jiye, ni beeye kanyo wëëk atwøt caŋŋø yie moa kïth dëët jiye.

Jeremaya 14:13

'Ba aløøa ni kööa, ni «Wui, Kwäärö Wuuö Jwøk, neenï, nyïïkuk Jwøk moge wø köö jïge ni ïïna köö, ni ‹Bäŋ leny ki käc mo pïï dëëtu, 'ba u mooa mooø ki bëët-mëër ma adïëri kany.› »

Jeremaya 14:17

«'Ba ï na Jeremaya en, caan pänh cwïny marï jïge, ni kööï, «ni ‹Beerra man lwör pï nyeŋŋa piny ki wärre ki cääŋŋe, ni ba cöök, kiper jø powa na caal nyakøø mo dëër dïcwøø poot kuue ajïtö ki ŋwellø mo leth, kaamar dhaanhø mo opwödö døc.

Jeremaya 23:17

Ge wø köö cooth jï jø wø kwier dëëra, ni ‹Luumma caan Wuuö Jwøki beeye nou jïtö ki bëëtö mo beer;› ni köge jï jø wø cäädhi ki køør teek wïc mana öö ki køør rääö mana en cwïnyge, ni ‹Bäŋ gïn mo leth mo pïï bäätu.›

Jeremaya 28:3

Ki yïth cwiiri ariiø kiree, aani, jammi mo Øt Wuuö Jwøk moa käl Nabukedenecörri nyeny Babiløn, ni kïth geni Babiløn, 'duua kany.

Jeremaya 4:10

Køøre aana köö, ni «Wui Kwäärö Wuuö Jwøk, ka adïëri møn, jøøi ii ki jø Jerucalem acøøgï, kiper mana kööï, no ‹U bëëdö ki bëët-mëër,› ka manø opëëllö oløny ni ena cwäkge.»

Jeremaya 5:12

Geni, a na Wuuö Jwøk, aana taakge, ni köge, ni ‹Wuuö Jwøk bäŋ gïn mo tïïe; bäŋ gïn mo raac mo ö bäätø, ni leny ki käc bäŋgø mo pïï dëëtø.

Wëël Kïmmö 2:14

Nyïïkuk Jwøk mou, gïï wø nyooth ki yi wïc ni wø køpge jïïu beeye tööt ki cwøk. Geni raay mou kärge thaaŋø jïïu, ki man dwøk bëëtö maru kare dhi cer bëët laŋ. 'Ba marge atïmö ni ge bwødha u wøk ki luup tööt ni ge köö ni caana Jwøki.

Edhikiel 13:10

« ‹Kiper geni wïth jiya wø maaŋge maaŋŋø ni ge köö, ni «Paac beer jaak,» këël na bëëde ni bëët paac raac. Kany wø näk da dhaanhø mo tïïö ki kiir mo ba teek, rwøthge rwødhø ki booya.

Edhikiel 13:16

ni beege jø Icriel moa tïïc rege na nyïïkuk Jwøk, mo wø cään Jerucalem ni wø köö ni da jammi mo onyoodhø jïge ni paac beer jaak, këël na bëëde ni bëët paac raac.» Luummögø caana Wuuö Jwøki.›

Edhikiel 13:22

Kiper cwïny jøøa beyø awëëgu pädhö ki luup tööt mou; ni beege jøøa näk kära tïïö nee kïmge. 'Ba uuna tïmö nou cøømma cwïny jøøa reyø ki man ba wecge uutjïëthe moge na reyø, nee ge ba jïtge ki pïëm mana dege piemø ki gø.

Edhikiel 14:9

« ‹'Ba ni näk mo nyikuŋ Jwøk ocøøgø ni tïme ni cara luup tööt, bee a na Wuuö Jwøk na wëëk gø cøøgø. Aani cera tïŋa maal bääte ni jääla gø ni raanynya gø yïthakic jiya ma jø Icriel.

Mikiya 2:11

Ni näk mo da nyikuŋ Jwøk man wø wïdi ni køpa luup tööt ki luup cwøk, mo köö, ni ‹Køøŋ omøki ki kwøŋ mo keec obëëdö ni thööth jaak,› teeŋ ŋatøgø beeye ni wø met yïthu ki gø.»

Mikiya 3:5

'Ba man beeye mana caan Wuuö Jwøki kiper nyïïkuk Jwøk mo wø køp luup ki wïthge, ni wø bwøth jiya nee gaage wøk, ena köö, ni «Kany wø näk da jiy mo tiet lakge di lëëŋŋö ki gïn mo nyamge, ge wø puta tïmö ni ge køpa luum bëët-mëër jïge. 'Ba ni näk da jiy mo dhøkge kär mooø ki cam, ge wø puta tïmö ni ge køpa luum leny jïge.

1 Thecalönika 5:3

Kanyo kö jiyi ni «Kawaane nuta bëët-mëër ni bäŋ thøø këët,» kanyøgø beeye kanyo ö thøøe noo neelïm bäätge kaamar dhaagø mo yie da dhaanhø mo ogøøc mäc lwaarri, ni bäŋ ŋat mo bøth.

2 Piter 2:1

'Ba da nyïïkuk Jwøk mo patha adïëri thuwø mo røkge ege thïïŋö dï jiy, kaawat mano ö dïpööye mo patha adïëri noo thïïŋge rege dïïu, jøw okäl teeŋ pwöc ränynyö baŋu ki jöö mør. Këël Kwäärö ma Jecu okwierge, ŋata ŋeew geni, ni ge käla ränynyö mo laara ö bäätge.