Jeremaya 6:13 - Wëël Jwøk

¹³ Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø atïmö ni cwïnye päl ki jammi mo joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Jeremaya 6:13 Iomraidhean Croise

Aydheea 28:7

'Ba këël nyikuk Jwøk ki dïlämme, ge mädhö ki kwøŋ mo keec, ni cääthge ni ge näännö ni ge bøømmø ki meerø. Ge bëëdö ni wïthge ocwöth køøŋe, ni ge cäädhi ni ge bøømmø kany wø mäthge ki kwøga keec. Ge bëëdö ni ge näännö ki meerø kany wø nyuunh geni ki luup, ni tïmge ni ge bääö ni luup ba ŋølge na adïëri.

Aydheea 57:17

Aana gootø ki geni ni jääla geni kiper päl cwïny marge na raac, ni kana täärnyïma ki geni ni mara gootø. 'Ba këël na jääla ge, gena cäŋ bëëdö ni ge gaa wøk, ni bëëtge ni ge cäädhi ka køør jap wø many cwïnyge.

Jeremaya 14:18

Ni kany wø cøøa yie jaak töök paac, a joota jiy mo onääö ri leny! Ni kany wø cøøa pääny, a joota jiy mo onäk käci! Ni ö nyïïkuk Jwøki ki dïlämme ni bëëtge ni ge wïïrö kwör mo kucge.› »

Jeremaya 17:11

Ŋat wø jïti ki jap kwärö ki øtjöö mo patha kare, eni caala ajwiero mo buta bäät tøŋ møøk mo patha moe na leeŋ piny. 'Ba kanyo tïme na thäk nïr cwiiri moe, kwärö manøgø aay cere; 'ba noo tïme na aŋuudi, put ka ŋäc ni tïïc mana tïïe beeye tïï bøøl jaak.

Jeremaya 2:26

«'Ba kaawat man wø tïm wï kuuwi ni laay kany wø maai, wïth jø Icriel olääi, ni beeye geni, ki nyeye moge, ki jø kööre moge, ki dïlämme moge, ki nyïïkuk Jwøk moge,

Jeremaya 2:29

«?Aperŋø ni lööu ki aani, a na Wuuö Jwøk en? U bëët, uuna gëëmö ki aani.

Jeremaya 2:8

Këël dïlämme thuwø, ge kär pëëö, ni ‹?Wuuö Jwøk en kaa?› Jø wø caan tiet ciik a kärge ŋääö, ni ö dïbwöthe ni bääcge dëëra, ni ö nyïïkuk Jwøki ni køpge luup ki nyeŋ jwøa cwøl ni Baal, ni caathge køør juu mo bäŋ gïn duuge.

Jeremaya 22:17

'Ba ïïni, waŋï ki cwïnyï wø ena køør jammi mo wø jöötï ki jïëth atade, ki køny rem jiy piny mo bäŋ gïn mo ege baaø, ki 'caar jiy ki thiel jiy piny.»

Jeremaya 23:10

Kiper paac päŋ ki jø luui, ni tïm ŋøømmi ni kïmmö ki køør acïëni mana pïï bääte, ni ö kwör kwaathi bëët moa en paap ni talge. Nyïïkuk Jwøk jöör bëëtö marge raac, ni teek marge tïïcge ka jöö mo patha kare.

Jeremaya 23:11

Wuuö Jwøk aköö, ni «Nyïïkuk Jwøk ki dïlämme bëët bëëtö marge araanyge; këël ki yi øtø mara kiree, gena jooda ni ge tïïö yie ki gïï mo reyø.

Jeremaya 27:15

A na Wuuö Jwøk, ge kära jääŋŋö, 'ba luup tööt køpge ka nyeŋŋa; 'ba ki køør luupögø, u riema wøk, ni thøwu ki nyïïkuk Jwøk bëët mo wø køp luup jïïu.»

Jeremaya 32:32

kiper gïïa reyø bëët na tïïc jø Icrielli ki jø Juuda ni raanyge cwïnya, ni beeye geni ki nyeye moge, ki jø kööre moge, ki dïlämme moge, ki nyïïkuk Jwøk moge, ki jø wø bëëdö Jerucalem ki dï Juuda bäre.

Jeremaya 42:1

'Ba kwääri mo jø leny, ni beege Jöanan o Karëa ki Jaadhania wär Ocaya, ki kwääc jø leny møga bëët, ki jiy bëët, ki mana täge ki jiy moa kwörge bäŋgø këël mana pïïe ri jøøa kwörge døøŋŋø, gena ö baŋ nyikuŋ Jwøk ma Jeremaya,

Jeremaya 5:31

Nyïïkuk Jwøk atïmö ni køpa luup ki wïthge, ni beege luup tööt, ni ö dïlämme ni bwøthge jiy ki wïthge keerge; ni tïm yïth jiya ni met ka teeŋ gïï mo caala moøgø. ?'Ba u na jiya, agïnaŋø noo tägi dëëtu kanyo tïme na aŋuun japøgø?

Jeremaya 8:10

Kiper manøgønø, määrge omëëga jø møøk, ni cïba pwöth moge jï jøw oööi noo mac paac. Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø cwïnye atïmö ni päl ki jammi mo wø joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Wëël Kïmmö 4:13

'Ba gïnögø tägi kaper raay moa tïïc nyïïkuk Jwøki moe, ki raay moa tïïc dïlämme moe, ki køør mana kønyge rem jiy moa beyø piny.

Edhikiel 22:12

Ni da jiy moï mo cïpö ki gwel ki piny kiper køny rem jiy piny. Ni ïïni gwel mo wø mac baŋï tïïyï tïïö nee duui jïrï ni da wïthge, ni gwet jø møøk kälï kälö ni marï twëër, niï bëëdö ni wïïï owïl ki aani.› Luummögø caana Kwäärö Wuuö Jwøki.»

Edhikiel 33:31

Jiy ööa baŋï kaawat man wø tïïc dhaanhe jaak, ni pïge piny nyïmï kuna wïnyge luup moï kede gena jiya, 'ba ba kïthge bäät tïïc. Geni, ge cara luup mo beyø ki dhøkge, 'ba cwïnyge caara gïï mo reyø ki møt.

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Mikiya 3:5

'Ba man beeye mana caan Wuuö Jwøki kiper nyïïkuk Jwøk mo wø køp luup ki wïthge, ni wø bwøth jiya nee gaage wøk, ena köö, ni «Kany wø näk da jiy mo tiet lakge di lëëŋŋö ki gïn mo nyamge, ge wø puta tïmö ni ge køpa luum bëët-mëër jïge. 'Ba ni näk da jiy mo dhøkge kär mooø ki cam, ge wø puta tïmö ni ge køpa luum leny jïge.

Luk 16:14

'Ba jø Paricith na mëër ki jammi, moøgø bëët awïnyge, ni buuge gø.

1 Timöthi 3:3

ni patha ŋat meeye, wala ŋat lenye, ni ba wëëyi, 'ba eni doo mwöl, ni cwïnye ba päl ki jammi.

2 Piter 2:1

'Ba da nyïïkuk Jwøk mo patha adïëri thuwø mo røkge ege thïïŋö dï jiy, kaawat mano ö dïpööye mo patha adïëri noo thïïŋge rege dïïu, jøw okäl teeŋ pwöc ränynyö baŋu ki jöö mør. Këël Kwäärö ma Jecu okwierge, ŋata ŋeew geni, ni ge käla ränynyö mo laara ö bäätge.

2 Piter 2:3

'Ba kiper mano wärge ki uuni, uuno møøthge ki luup atade. 'Ba ajäla marge nutö cøøn ni ena dëëtge, ni ränynyö marge patha okääŋö.