Jeremaya 6:12 - Wëël Jwøk

¹² Uudi moge ki pwöth moge ki mään moge omëëk jø møøk, ni manøgø beeye ajäla mano käla bäätge ni wø bëëdö yi ŋöömmi en. Luummögø caana aani, a na Wuuö Jwøk.

Jeremaya 6:12 Iomraidhean Croise

1 Luup Nyeye 21:16

'Ba kanya ö Deebiti na tïŋ wïïe maal ni räŋŋe, nyïïatwiel maal mar Wuuö Jwøk aput joot ni cuŋŋö yïthakic maal ki piny, no opëëllö ee maa ni ee löö bäät Jerucalem. Kanyøgø, Deebit ki jø døøk Icriel, cøŋge aputge këël piny ni kuulge wïthge piny yïth ŋøøm, ni dëëtge ege runynyö ka abïïk keece ni ge nyootha pänh cwïny marge.

Aydheea 10:4

'Ba mano dööŋ keere nø, beeye ki man boothu nyeŋŋu yïthakic jø omak ki tøŋ, ni 'näk uuni yïthakic jiy mo othøw. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Aydheea 5:25

Kiper manøgønø, wëëc Wuuö Jwøk ni wø liel kaamar maac, kïthe bäät jiye, ni tïŋ cere maal bäätge ni 'näk geni. Thuuri di jäŋö, ni ö dëët jiy moa no othøw ni tïmge kaamar wär mo oker piny nyeŋ jïëthe. 'Ba këël køør japøgø bëët, eni wëër mare poot ba paanye; cere poot bëëdö ni ee rwieø.

Aydheea 9:12

ni beege jø Aram moa en jï løø kur tuul-cäŋ, ki jø Pilitin mo wø bëëdö jï løø kur pänh-cäŋ, ni thöörge jø Icriel kaamar lääy mo dhee ee ŋaammø ni mare löönyö. 'Ba këël køør japøgø bëët, wëër mar Wuuö Jwøk ree poot ba paanye; cere poot bëëdö ni ee rwieø.

Aydheea 9:17

Kiper manøgønø, Kwäärö Wuuö Jwøk yie ba mïnni ki wøpe moge, ni cwïnye ba pädhi ki gïr kïïe moge ki määr thuunhnhi moge, kiper mana tïmge bëët ni Jwøk ege kwierø ni ge temma raay, ni dhøkge bëëdö ni cara luup mo reyø. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Aydheea 9:21

Jø Maneeca ge ööa maal bäät jø Ipariem, ni ö jø Ipariemmi ni öge maal bäät jø Maneeca, ni marge døø rege. 'Ba rege ocäŋge dwallø ni nywääkge dëër Juuda. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Jeremaya 15:6

Uuni, aana weyu, a na Wuuö Jwøk, ni bëëdu nou døøa ŋäthu. Kiper manøgønø, u jääla jäälö ni raanynya uuni; aana jøøm ni cwïnya ba wara ki uuni këët.

Jeremaya 21:5

Ni ööa ki dëëra ni rwiea cera bäätu ki køør teek bada, ni këëda ki uuni ni aano wëër ki wëër mo dwøŋ mo liel kaamar maac.

Jeremaya 38:22

Ka adïëri møn, mään bëët moa näk odööŋ paan dwøŋ mar nyeny Juuda okäl wøk ni kïthi baŋ jøøa kwörge døøŋŋø mo nyeny Babiløn. Ni ö määnni moøgø ni cäänge ni köge, «ni ‹Nyïïawäätï moa näk iï ŋäädhö ïïna cøøkge ni böötge ïïni ki luubö; 'ba ennø, kanya tïme ni tietï omwøny onøti, ïïna wecge.›

Jeremaya 38:23

«Mään moï ko obwöre moï bëët okäl wøk ni mëëgi jø Babiløn, ni ïïni ki dëërï ï ba bøth ceŋge. 'Ba ïïno mak nyeny Babilønni, ni ö päänynyi man ni waaŋe.»

Jeremaya 7:20

«Kiper manøgønø, mana ŋøla, a na Kwäärö Wuuö Jwøk, beeye en: Wëër mara ki räny cwïny mara öö bäät paani en, ki bäät jiy ki lääy, ki bäät jer paap ki caammi mo wø ciek yi ŋöömö; ni tïm wëërri mara ni wääŋö ni liel bäätge kaamar maac mo ba løny ki bïp këët.»

Jeremaya 8:10

Kiper manøgønø, määrge omëëga jø møøk, ni cïba pwöth moge jï jøw oööi noo mac paac. Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø cwïnye atïmö ni päl ki jammi mo wø joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Wëël Kïmmö 2:8

Aŋøl Wuuö Jwøki ki man nyaa kiir Dhayan piny. Eni paac arøme, ni røm dhi cere, ni käre cere dwøk ŋääe këët ki man raany gø. Eni kiiri atïïe ni kïmmö, ni ränyge bëët.

Wëël Kïmmö 3:3

Ka adïëri møn, cer ajäl Jwøk abëëdö ni ena bääta, ni nøøya aani ki yïth nïne bëët.

Wëël Kïmmö 5:11

Mään moa en yi Dhayan, ki nyïïakuue moa näk dëët cwøw poot kucge na en yïth päänye mo Juuda, gena gøyi ki piny.

Wëël Kïmmö 5:2

ŋøøm moa cïpï jïwa akäl jø møøki, ni ö mïëri mowa ni tïmge na mo wëëlle.

Wëël Kïmmö 5:3

Waana tïmö kaamar kïïe mo bäŋ wääge, ni ö mëëkwa ni tïmge kaamar määr thuunhnhi.

Edhikiel 35:3

ni kööï ni man beeye luumma caan Kwäärö Wuuö Jwøki, ena köö, «ni ‹Ï na ŋööm Kïn Cëër, ï jääla jäälö. Aani, cera rwiea rwieø bäätï, ni wëëga ï dööŋŋe ni bäŋ gïrpiny yiï ni ïïno ränynyö.

Edhikiel 7:24

Aani, a kännö ki wï jur mana näk raac døc, nee öge kuna lwørge mïëri mo jøøgø; aani, a ööa kuna raanynya atöör mar jøøa teek, ni ö kwör lam moge na en kur keerge ni wëëga ge nipäät.

Mikiya 2:4

'Ba dïcäŋece uuno cäŋ jiyi ki duut, ni duudögø beeye duut mar jwøk keec ec, ni beeye duut mano løøgu ni kööu, ni ‹Waana ränynyö na bäre! Wuuö Jwøk ŋøøp jø powa alwøre, alwøre baŋwa møn, ni cïp pwöth mowa jï jø wø mac paac.› »

Jepaniya 1:13

Geni, jap kwärö moge otwier, ni dööŋ uudi moge ni bäŋ gïrpiny yïthge. Geno gëëdö ki uudi, 'ba ge ba bëëdö yïthge, ni pïïthge ko omøki, 'ba kwøk nyïïomøki ba maathge.»

Jepaniya 1:4

«Aani cera tïŋa maal bäät jø Juuda ki jiy bëët mo wø bëëdö yi Jerucalem ni raanynya ge. Aani kwör wø lam jwø wø cwøl ni Baal yïthge, ki thäk jiy moa no odööŋ ni lama gø, ge raanynya raanynyø. Ni raanynya dïlämme mo juuga path nee nyeŋge ba wïnynyi këët.