Jeremaya 6:11 - Wëël Jwøk

¹¹ 'Ba aani, wëër mar Wuuö Jwøk na liel bäätge kaamar maac, atïmö ni dagø cwïnya thuwø, ni tïme ni ba løny ki kan.» Ni kö Wuuö Jwøki jïra, ni «Kïth wëër mara bäät obwöre moo en dï paac, ki bäät wøpe moo en wïth mäc. Dïcwøø ki cïïe karge riet omak ki tøŋ, ni käl jäle, këël jäle moa døøŋŋø døc thuwø.

Jeremaya 6:11 Iomraidhean Croise

Aydheea 40:30

Këël wøpe kiree wø tïmö ni jägö ni dëëtge øya piny, ni ö obwöc cwøwi moa teek ni tïm tietge ni cwänyö ni ge päänhnhö.

Jeremaya 15:17

Aani, a kär dwätö ki jø wø bëën kwääk jaak, naa kär bëëdö ni yia met kaawat marge; 'ba kiper cerï ena bääta, aani, aana bëëdö a keera, kiper aana tïïyï nee cwïnya ränynye kiper gïïa tïïcge.

Jeremaya 15:6

Uuni, aana weyu, a na Wuuö Jwøk, ni bëëdu nou døøa ŋäthu. Kiper manøgønø, u jääla jäälö ni raanynya uuni; aana jøøm ni cwïnya ba wara ki uuni këët.

Jeremaya 18:21

Kiper manøgønø, cïp geni dho opëëllö, ni wëëgï obwöre moge thøø ki käc. Beerra man tïm määrge na määr thuunhnhi, ni bëëtge ni bäŋ obwöre jïge. Beerra man 'näk cwøwge ni thøwge, ni ö wøpe moge moa teek ni 'näk geni ko opëëllö ri leny.

Jeremaya 20:9

'Ba ni näk maa köö, ni «Nyeŋ Wuuö Jwøk ba mula ki dhaa, ni bäŋ gïn mo caana ki nyeŋŋe këët,» gïno tägi, luumme gwenni cwïnya ni caala maac mo liel, ni aano ööl ki man jwøa gø, ni ba løny jïra ki man kana gø cwïnya.

Jeremaya 5:9

?Aŋø, ge ba jääla gø nidïï kiper teeŋ gïïögø? ?Aŋø, gïnögø ba coola gø nidïï dëër paac mo temma teeŋ gïïögø?» Luummögø caana Wuuö Jwøki.

Jeremaya 7:20

«Kiper manøgønø, mana ŋøla, a na Kwäärö Wuuö Jwøk, beeye en: Wëër mara ki räny cwïny mara öö bäät paani en, ki bäät jiy ki lääy, ki bäät jer paap ki caammi mo wø ciek yi ŋöömö; ni tïm wëërri mara ni wääŋö ni liel bäätge kaamar maac mo ba løny ki bïp këët.»

Jeremaya 9:20

Wui, u na mään en, wïnynyu dwør Wuuö Jwøk, ni cegu ïthu ki luubö man wø ö wøk ki dhee. Pwönynyu nyïïu ki jwøk thøø, ni ö ŋati man nø ni pwöny wati ko oduuc thøø.

Jeremaya 9:21

Kiper thøø kare anø cäännö, ni nø pïïe dhøk awëërnyeŋŋi moø, ni døny kwöra näk ogeerø ni teek, ni thöör obwöre dï paac, ni thöör cwøw moa teek kwör acooŋe.

Wëël Kïmmö 1:15

«Kwäärö Wuuö Jwøk, jø leny moa teek yi paac man akwiere; ni cwøl jø leny møøk kipera, nee jø leny 'moa moa dëëtge teek nyathge. Kwäärö Wuuö Jwøk jø Juuda atïïe nee cwöth kaawat man wø cwöth nyïïomøki kar biic.

Wëël Kïmmö 2:21

Obwöre ki jäle, ge bëëdö ni geno päänhnhö yïth ŋøøm nyeŋ jïëthe ni geno thøw, ni ö nyïïakuue ki wøpe ni nääi ko opëëllö. Ïïni, gena 'nägï yi cäŋ mar wëër marï, ni 'nägï geni ni cwïnyï kärï warø.

Edhikiel 24:21

ni ‹Caanï jï jø Icriel ni man beeye luumma caan Kwäärö Wuuö Jwøki, ena köö, Ni aani øt lam mara na en kur keere wëëga päät; ni beeye kanya teek ni wø ŋwöu kipere, nou töödö ni yïthu met ki man raŋŋu gø, ni cwïnynyu ee tïïö ni met. Ni ö wäätu ki nyïïu moa wiiu ŋäthu Jerucalem ni 'näk geni ko opëëllö.

Edhikiel 3:14

Kanyøgø Jwïëc Jwøk aana put tïŋ maal ni 'käl aani, ni puta aay ni cwïnya okëënynyö ni aano gootø, ni cer Wuuö Jwøk ena bääta naa ee maa ni teek.

Edhikiel 3:3

Køøre ena köö jïra, ni «Wär dhaanhø, cam wëëlö man ni cïba jïrï en ni jäŋï ki gø.» Ni puta gø cam ni ŋweeth dhaa ni caala maar kïc.

Edhikiel 9:6

'Nägu geni ni bäŋgø mo dööŋ, ki mano täge ki jäle, ko obwöre moa näk wøpe, ki nyïïakuue, ko obwöre moa therø, ki mään; 'ba jøøa näk täärnyïmge da ŋïï kär gutu. 'Ba wär tägu ki øt lam mara.» Køøre aputge täk ki jø døøŋŋø moa en nyïm Øt Jwøk.

Mikiya 3:8

'Ba aani, dëëra päŋ ki teek, ki Jwïëc Wuuö Jwøk, ki ŋøl ma kare, ni cwïnya da cer, ki man caana gïïa bac nyïïkwaac Jeekapi jïge, ki raay moge, ge na jø Icriel.

Luk 17:34

'Ba a cäänna uuni, ni wäänöca kiree, cwøw ariiø oen bäät pëëm aciel. Aciel okäl, ni wec maya.

Moa Tïïc Nyïïatwieli 17:16

'Ba kanya poot Pøølli ni koora Cayla ki Timöthi ya Athen, cwïnye apädhö kanya joot paac ni päŋ ki juu.

Moa Tïïc Nyïïatwieli 18:5

'Ba kanya pïïc Cayla ki Timöthi ki yi Macedönia, Pøøl acwänge ni køpa luum Jwøk, ni cäänna jø Juuth ni Krictø beeye Jecu.

Moa Tïïc Nyïïatwieli 4:20

Kiper waani mana jootwa ki mana wïnywa ba maarwa wec ki caan.»

Mana Nyooth 16:1

Kanyøgø dwøl mør mo päl awïnynya Øt Jwøk Mana Dwøŋ, ni dwøl manøgø köömma nyïïatwiet maal karge bïriet, ni kööe, ni «Cou ni kønynyu kuure karge bïriedi mo wëëc Jwøk bäät piny.»