Jeremaya 6:1 - Wëël Jwøk

¹ «Wui, u na jø Benjamen, reŋŋu wøk ki dï Jerucalem, nou kwøwu! Koothu tuŋi Tëköa, ni tïŋu ŋïï maal yi Bëëth-Akarim, kiper gïn mo leth öö ki wï-piny, ni beeye ränynyö mo päl.

Jeremaya 6:1 Iomraidhean Croise

2 Camiel 14:2

Køøre Jöap ajääk baŋ dhaagø mo ena Tëköa mo waŋe riek, ni put dhaaŋŋøgø öö. Ni kö Jöapi jïgø, ni «Nyijøøe, tïïc riï niï kïmmö keda ï ena bäät thøø, ni kïthï dëërï ka abïïk thøø, ni ba wïïrï dëërï ki maaw; 'ba tïïc dëërï kaamar dhaagø mo oruu ni kïmmö kiper dhaanhø mo othøw.

2 Luup Nyeye 11:6

ni beege Bethelem, ki Ëtam, ki Tëköa,

Neemiya 3:14

Ni ö Malkiya o Rëkap, ŋata bëëdö na kwäärö mar Bëëth-Akarim, ni dwøk dhi kiir kare man wø cwøl ni Dhi Kiir Wï Thur. Ageere ni kïth dhi gø ko odhuule, ki gïï wø dëëdi ki geni, ki dïdëëdi.

Neemiya 3:5

Ni ö jø Tëköa ni dwøkge dëër kiir kare kanya ŋuut dhi cer Dhadöki yie; 'ba jøøa kwörge døøŋŋø moge, gena bëëdö jaak ni ge ba kunynyi ki tïïc mana caan kwääri moge jïge.

Jeremaya 10:22

Wïnynyu dwøri na pïï en; ennø, tiet dëëci wïnyö ni dïmmi ni öö ki wï-piny, nee päänye mo Juuda raanyge ni tïmge na kwör bëëte jï othööe.

Jeremaya 25:9

ka adïëri møn, a na Wuuö Jwøk, a jääga baŋ jø tiet mïëri bëët moa en jï løø wï-piny, ki baŋ Nabukedenecör nyeny Babiløn, eni na en cera, ni käla geni nee këëtge yi ŋöömmi en ki jiy mo wø bëëdö yie, këël ki wïth juurre mo wø kïïö ki ŋöömmi en. Ni puta geni raanynyø na bäre bäre, ni tïïa geni ni cwïny jiy böö ki gïno tägi dëëtge, na gïr abuua, ni päthge yi ränynyö mo bäŋ cuŋŋe.

Jeremaya 4:29

Ki køør dööt tiet okwëënyi ki tiet jø wø këëdi ka athëëre, jø päänye bëët bwøk; ni dønyge yïth abuŋŋe, ni kaange rege yïthakic kïte; ni wec päänye bëët, ni dööŋge ni bäŋ jiy mo bëëdö yïthge.

Jeremaya 6:22

Luumma caan Wuuö Jwøki beeye en, ena köö, ni «Ka adïëri møn, da wï jur mo öö ki yi paana en wï-piny, ni beeye wï jur mo teek mo ööa maal mo käla paac mo bäär.

Amøc 1:1

Moi beege luupa køp Amøci, na en røk dïpïïth dïëk paana cwøl ni Tëköa. Luupögø beege moa nyooth jïre ki yi wïïe kiper jø Icriel yïth nïra beet Udhaya ni ena nyeny Juuda ki yïth nïra beet Jeröbäm o Jeyöac ni ena nyeny Icriel. Gïïögø akwøŋ nyooth jïre kanya poode ni poot dööŋŋa cwiiri ariiø ki man täk dïjäŋ pinynyi.

Amøc 3:6

?A ni näk tuuŋ okoodhø dï paac kiper leny, dëët jiy bëët ba kwanynyi? ?Aŋø, ni näk gïn mo raac ööa bäät paac, paa Wuuö Jwøk møn na tïïc gø?

Dhekaraya 6:6

'Ba jään okweeny mana tut okwëënyi moa cøl aci yïth mïëri moa en jï løø wï-piny, ni ö jään okweeny mana tut okwëënyi moa tar ni läp køør gø, ni ö jään okweeny mana tut okwëënyi moa näk kïtge apøøl ni ci yïth mïëri moa en jï løø tier-piny.»

Jøcua 15:63

'Ba jø Jeebuc, na bëëdö yi Jerucalem, kär løny jï jø tuuŋ Juuda ki man riemge ge wøk; ni ö jø Jeebuc ni putge bëëtö na aciel ki jø tuuŋ Juuda yi Jerucalem këël dïcäŋi en.

Pïëmme 1:21

'Ba jø tuuŋ Benjamen, jø Jeebuc moa bëëdö yi Jerucalem kärge riem wøk; ni ö jø Jeebuc ni putge bëëtö na aciel ki jø tuuŋ Benjamen yi Jerucalem këël dïcäŋi en.