Jeremaya 52:4 - Wëël Jwøk

⁴ 'Ba kanya tïme na ri bïŋweer cwiiri moa beede ni ena nyeya, kanya tïm nïr dwää apaar na apaar, Nabukedenecör nyeny Babiløn ki jø leny moe bëët aö töök Jerucalem, ni tïïe ki twïër töök gø, ni tïïc kwör koor töök gø bäre.

Jeremaya 52:4 Iomraidhean Croise

Aydheea 29:3

Aani a tïïö ki twïër deŋŋï bäre, ni tïïa ki kwör mo othørø kiper leny, ni wïra deŋŋï ki uut koor mo ogeerø ni ena maal.

Jeremaya 21:2

ni «Beerra man pëënynyï Wuuö Jwøk kiperwa, kiper Nabukedenecör nyeny Babiløn amäänynyö baŋwa. Kanymør Wuuö Jwøk ø pieme piemø ki køør tïïe moe na näk rëëma ec, kiper nee nyïïmän døøge ŋäthge.»

Jeremaya 32:24

«Ennø, ŋøøm moø ni thør jø Babilønni deŋ kiir pääny enø, anø pïï maal kiper nee pääny macge; 'ba kiper mäny ki käc ki täw mo leth, pääny aløny ni cïp ceŋ jø Babiløn, jøø ni këëdi ki gø yøø. 'Ba kawaane, gïna caanï kiper päänyi en anø tägö, ni nëënö jïrï.

Jeremaya 34:1

'Ba kanya bëët Nabukedenecörri nyeny Babiløn ki jø leny moe, ki jø leny mo käla tiet akwöm mo nyeye bëët mo bäät piny, ni beege wïth juurre bëët moa näk ee dïïmö, ni ge këëdö ki Jerucalem ki mïëri moa en deŋŋe, dwør Wuuö Jwøk aö bäät Jeremaya,

Jeremaya 39:1

'Ba man beeye jöö mana räny Jerucalemmi ki gø: Kanya tïme na ri bïŋweer cwiiri moa beet Cëdëkiya ni ena nyeny Juuda, yi dwää apaar, Nabukedenecör nyeny Babiløn ki jø leny moe bëët aöö ni cielge Jerucalem dïër.

Jeremaya 4:17

Ni bëëtge ni Jerucalem ege ciel dïër kaawat man wø koor pwödhö, kiper mana gëëmge ki aani.» Luummögø caana Wuuö Jwøki.

Jeremaya 52:7

Køøre kiir mar pääny atuc jø Babilønni. Ni ö jø lenynyi bëët mo Juuda ni bwøkge ki wäär ni putge døny wøk ni ge cøra dhi kiir mana en yïthakic kiiri moa na ariiø na en buut ajïniin nyeya, këël na bëëde ni jø Babiløn pääny ege ciel dïër bäre; ni aacge ni ge coonya goor Jördan ni wø cwøl na Araaba.

Edhikiel 21:22

'Ba nyuudhi mano päth cer cwïïe otïmö na mar Jerucalem, kiper nee jenni mo thiel kiir ki ge cïp karge, ni cïpe ki dwøl nee jiy 'näk, nee jiy twäätge ri leny, nee jenni mo thiel dhi kiir ki ge cïpge karge, nee kany eth bäät kiir ki yie thørge, nee kwör leny mo tuk pääny ki yie jiiŋge.

Edhikiel 21:27

Pääny ränynyö! Eni ränynyö! Eni raanynya raanynyø! Eni ba døø kare këët këël kanyo ö wänni; 'ba aani, eno cïba cere.» ›

Edhikiel 26:8

Ï na pääny Tayar, mïëri moï moa en wøk oraanynye ko opëëllö. Deŋŋï othøre ki ŋøøm, ni tïïe ki kwör leny mo tuk pääny ki yie, ni tïŋ kwöt leny mare maal bäätï ni raany ïïni.

Edhikiel 33:21

'Ba kanya päŋ cwiic mäk marwa ki tøŋ na apaar kurriiø, ni nïr dwää apaar, abïïc, dhaanhø mør mo opäär wøk ki yi Jerucalem aö baŋa, ni kööe, ni «Pääny anyak!»

Edhikiel 40:1

'Ba kanya tïm cwiic mäk marwa ki tøŋ na pïërariiø ka abïïc, ni nïr dwääy apaar ri täk cwiir mana nyään, ni beeye kanya päŋ cwiic ränynyö mar Jerucalem na apaar kurŋween, dïcäŋ manøgø kiree cer Wuuö Jwøk aö bääta ni käl aani.

Ciik Kiper Dïlämme 26:25

Aani thuwø a känna bäätu ki leny naa jääla uuni kiper mana raanynyu luumma tuuda ki uuni, ni kanyo bëëdu ni dëëtu you cooŋ yïth päänye mou, täw mo leth jääŋŋa jääŋŋö dïïu ni päthu ceŋ nyïïmän mou.

Dhekaraya 8:19

ni «A na Wuuö Jwøk na en wïth jammi bëët, dwøra mana caana bee en: ‹Wödö mar kwier cam man wø tïïyu ki dwää aŋween, ki dwää abïïc, ki dwää abïriiø, ki man wø tïïyu ki dwää apaar, tïmö na mar met ec ki kanynyø, na kany wøør ajwöm-cam yie kiper dhi øt Juuda. Kiper manøgønø, mëërru ka adïëri ni mëërru ki bëët-mëër.› »

Luk 19:43

Kiper nïne oööi kanyo ö nyïïmännu noo diilge uuni yi kiir, ni bäŋ kany mo thiinh mo dønynyu wøk ki gø,

Luk 21:20

«'Ba kanyo jootu Jerucalem no ociel jø tøŋŋi, kanyøgønø, wär ŋäyu ni kar ränynye ocäännö.