Jeremaya 52:24 - Wëël Jwøk

²⁴ 'Ba Nabucaradan kwääy jø koor, Ceraya na näk Kwääy Lam Mana Dwøŋ, ki Jepaniya dïlämi mana en køøre, ki jiy adäk moa koor dhi Øt Wuuö Jwøk amaae ki tøŋ.

Jeremaya 52:24 Iomraidhean Croise

2 Nyeye 23:4

Køøre nyeya ma Jöcaya acïpö ki dwøl jï Kilkiya na näk Kwääy Lam Mana Dwøŋ, ki dïlämme mo wø en køøre, ki jø wø koor dhi øt Wuuö Jwøk, nee jammi moa no otïïö jï juuga cøøri na Baal ka Acara, ki moa no otïïö jï jap maal, nee kälge wøk Øt Wuuö Jwøk. Ni kälge ge wøk, ni ö eni ni waaŋ geni töök Jerucalem yi pwöl Kidaran, ni kïth bur marge Bëthël.

2 Nyeye 25:18

'Ba kwääy jø koor, Ceraya na näk Kwääy Lam Mana Dwøŋ, ki Jepaniya dïlämi mana en køøre, ki jiy adäk moa koor dhi Øt Wuuö Jwøk amaae ki tøŋ.

1 Luup Nyeye 6:14

Adhariya beeye wää Ceraya, Ceraya beeye wää Jöcëdëk,

Edhera 7:1

'Ba ki køør cwiiri mo thööth, kanya bëët Arthëkcic ni ena nyeny Parca, da dhaanhø mo cwøl ni Edhera, Edhera o Ceraya, Ceraya wär Adhariya, Adhariya o Kilkiya,

Jeremaya 20:4

Kiper luumma caan Wuuö Jwøki beeye en, ena köö, ni ‹Ka adïëri møn, aani lwär mo dwøŋ jääŋŋa jääŋŋö bäätï ki bäät nyïïawäätï bëët. Geni, geno 'näk nyïïmänni moge ko opëëllö ni nëënö jïrï. Aani, jø Juuda bëët cïba cer nyeny Babiløn, ni ö eni ni 'näk møøk ko opëëllö, ni mak møøk ki tøŋ ni kïth ge Babiløn.

Jeremaya 21:1

'Ba dwør Wuuö Jwøk aö bäät Jeremaya, kanya ö nyeya ma Cëdëkiya na jääŋ Pacuur o Malkiya ki dïlämi ma Jepaniya o Maycëya baŋe. Ni köge jïre,

Jeremaya 29:29

'Ba dïlämi ma Jepaniya wëëlö manøgø akwaane jï nyikuŋ Jwøk ma Jeremaya.

Jeremaya 34:21

«Ni ö Cëdëkiya nyeny Juuda ki jøøa kwörge døøŋŋø moe ni cïba geni ceŋ nyïïmän moge, jø wø many jwïëcge, ni cïba geni ceŋ jø leny mo nyeny Babiløn, jøøa daak rege buutu.

Jeremaya 35:4

ni kïtha geni yi Øt Wuuö Jwøk, yi thääŋ øtø mar wäät nyikuŋ Jwøk ma Anan wär Igdaliya, ni beeye thääŋ øtø mana en buut thääŋ øt jøøa kwörge døøŋŋø, ni ødøgø ena maal bäät thääŋ øtø mar Maycëya o Calum ŋat wø koor dhi øt Jwøk.

Jeremaya 37:3

'Ba eni na nyeya ma Cëdëkiya, Jïyukal o Celemiya ki dïlämi ma Jepaniya o Maycëya ajääŋŋe baŋ nyikuŋ Jwøk ma Jeremaya, ni kööe, ni «Beerra man lämï jï Wuuö Jwøk, Jwøk marø, kiperwa.»

Jeremaya 52:12

'Ba kanya tïme na ri cwiiri apaar ka abïŋween moa beet Nabukedenecörri ni ena nyeny Babiløn, kanya tïm nïr dwää abïïc na apaar, Nabucaradan kwääy jø koor, mo tïïö tier nyeny Babiløn, aö Jerucalem.

Jeremaya 52:15

Ni ö Nabucaradanni kwääy jø koor ni käl jø møøk moa can døc, ki jiy møøk moa dööŋ dï pääny, ki jiy moa cïp ceŋge jï nyeny Babiløn, ki rëëmme moa näk odööŋ, ni ge maae ka tøŋ.

Wëël Kïmmö 4:16

Wuuö Jwøk ki dëëre beeye na keeth geni, ni bäŋ gïn manynye këët kiperge. Dïlämme atïmö ni ba wøør, ni bäŋ ŋat lwäär ki jø døøŋŋø.

Edhikiel 11:7

«Kiper manøgønø, luumma caan Kwäärö Wuuö Jwøki bee en, ena köö, ni ‹Jiy moa 'nägu na dëëtge leeŋu piny dï pääny beege rïŋö, ni ö päänynyi man ni näk athaa mar thaal. 'Ba uuni, u käla wøk yie.

Edhikiel 24:5

ni rïŋö manøgø beeye rïŋö mana met mar diel. Kïth tier dhiithi ki jenni mo thööth, nee laar twaaø, nee cuu moa en yie ciekge.›

Edhikiel 34:10

man beeye luumma caan Kwäärö Wuuö Jwøki, ena köö, ni ‹Dïkwääc dïëk ge jääla jäälö, ni puta dïëk 'moa lwør ceŋge, ni tïïa geni nee dïëk ba kwaacge këët, ni put tïmö ni bäŋ dïkwääy mo caama dëëre rege këët. Pïïth dïëk 'moa ge gwøa gwøø dhøkge, nee ba tïme na cam jïge këët.›